欽記麵家

Open Now

Now Closed

20170305--是日下午茶吃泰菜，飽至晩上八時還未有食慾，陪家人吃晩餐，想吃簡簡單單的粉麵，想到味道應該有點水準的欽記。星期二休息，難怪前幾天吃閉門羹。晩上八時多，店內有位，發現價錢比食評內的相片提升了，2017價錢，$30單拼粉麵一碗。食店看似牛雜專家，家人點了:牛腩麵($30)--賣相吸引，牛腩份量多，牛腩入味炆得淋身不會硬，麵身爽口，湯底味濃，牛腩肥瘦適中，家人滿意味道。牛筋河($30)--牛筋份量不算多，炆得入味，但未夠火喉，有點硬，河粉份量適中不算多，湯底味濃，沒有味精。魚蛋河粉($30)--魚蛋爽口彈牙有魚味，送上幾棵菜心，河粉不算軟滑，湯底清淡沒有味道。沒有胃口，味道也不怎麼樣，加點祖傳辣椒醬和醋，希望可提升食慾，最後還是草草了事吃清光。早知道只有魚蛋好吃，點淨魚蛋好了。埋單:$90--以前也到此吃過粉麵，並沒留下較深印象，是日沒胃口，吃不知其味，小朋友也不太喜歡牛筋河，是次家人對牛腩狀甚滿意，二票對一票，OK評語一個。往後我還是到別處尋找美食，沒有一試難忘的驚喜，也未有想一吃再吃的意慾。

今時今日的香港，好多平民美食都已經一一遜色，因爲經營成本太高或什麼都要快快快的年代，能夠有自己的堅持真的不容易。欽記是一間在粉嶺多年，買牛什朱什麵食的店仔😎這裏的牛什是用新鮮的牛什，食落原全沒有雪味而且牛什的質量高，食落十分有彈性只有新鮮的食材才能有這樣的效果，所以味道就可以不須要太鹹太重味，還有他們的辣椒油也十分出色，食的時候加上一點點生色不少令人一試難忘。

星期六係附近做嘢 做做下勁肚餓想起兒時最❤️係呢度食嘢 我諗我最小十年無幫襯過一坐下 立即order 咗兒時最愛吃 牛肚雲吞米從前如此一碗雙併賣Hkd 28 十多年後賣Hkd 35 果然係良心小店味道與十年的沒有多大分別 牛肚入味 夠淋 有咬感 雲吞没有太多嘅肥肉 加上鮮蝦同麻油 幾ok 食飽飽 返去努力工作

欽記係粉嶺名店 難得黎到點到要試一試牛腩牛雜麵 <- 牛腩牛雜異常入味 牛雜雖然是雪藏貨 但都相當香口 牛腩則大舊啖啖肉淨魚蛋 <- 魚蛋大粒爽口彈牙 面有黑色一點點 不是污物 而是魚皮痕跡 可見相當足料 味道唔錯 會再光顧

粉嶺聯和墟老字號麵舖唔少，是日嚟到欽記，聽講呢度嘅牛雜、牛腩、牛筋都十分出色，自家製辣椒油更獨樹一幟。由於是日突然很想食牛腩，於是便要了碗牛腩粗麵。牛腩紋理清晰，半肥瘦質感及牛肉味也甚為突出，軟腍中略帶韌勁，咬口極佳；湯底濃郁芬香，清甜甘香，筆者都係第一次一滴不漏咁KO咗成碗湯麵，好有滿足感！

成日都聽日講附近好多好野食, 見今日有D時間就特登行過黎呢面搵食喇係門口見到師傅好認真咁剪牛腩, 真係逐下逐下咁剪, 一D都唔馬虎, 所以就決定入去試下本身叫左牛腩麵, 不過永遠都係決定試下佢既撈麵, 所以叫左牛根腩撈粗等左都有15分鐘, 見到其他人遲過我入黎都已經有得食喇, 唔通撈麵真係要花多D時間?終於都等到你喇, 菜好青綠亦都好新鮮,正!不過牛根個樣好似未夠入味, 牛腩個樣有D乾喎...再睇下個麵底, 好似無咩腩汁咁既...食落牛根夠林, 不過無咩味; 牛腩夠入味不過好乾又痴牙 麵底不過不失, 不過唔夠腩汁唉, 仲諗住食D好野當係慰勞下自己添

聯和墟午餐時段泊位好難！邊度度搵到位就食邊度！同事介紹話呢間粉麵都唔錯，普通麵檔格局，可以話無裝修，地方殘舊，三個人坐咗門口圓枱，即刻落單叫嘢食，奇怪枱上無餐牌，只有牆上有，唔係咁方便，見住門口廚房煮好，不過開放式廚房要處理好，唔係會暴露無遺，呢度師傅煮到湯汁滿瀉，比較亂糟糟的，食物好快到！牛腩雲吞麵：牛腩大件又半肥瘦，肉質唔嚡，索晒腩汁，腩汁好濃味！雲吞係豬肉雲吞，唔爽口但有肉香，雲吞皮薄唔會爛，好滑溜！幼麵爽口無鹼水味，好味！油菜菜心：蠔油濃，偏咸，菜心淥得過熟，淋晒無咬口！樓面店員無停手，好繁忙，好勤快！廁所超窄，一個凹位女人入都有難度，入面轉身極難，幸好乾淨（可能都無人入到去）平實唔花巧嘅小店！

琴晚突然好想食水餃..就去屋企附近欽記啦..我唔係好記得每碗幾錢了..只記得總數係99..三碗野再加油菜..算幾抵喎..老公要左腩肚河(大)..味香肉嫩..牛腩肥瘦適中..完全沒'痴牙'..牛肚夠爽又不會出現太難咬情況..湯底香濃好味道..我叫了淨水餃(大)..有成7-8隻..又有幾條菜..絕不吝嗇..清湯底亦不錯..不用加其他調味料已很好吃..水餃SIZE感覺細隻一點..但用料十足..內裡有豐富的木耳絲..哈..令人多吃了都沒有太重罪惡感..哈..生菜+腩汁..不過不失..偏細碟..紫菜墨丸..不好吃..紫菜少..墨丸是粉的..完全沒有墨魚粒那種..不會再叫..有點失望~

每逢假日，總愛跟E先生到處玩、到處吃，今天來到粉嶺聯和墟時，覺得有點肚子餓，就隨便到了欽記麵家吃碗粉麵當下午茶。雲吞麵 (細) $18味道很不錯，麵條爽口彈牙又沒鹼水味，雲吞香滑可口。牛雜粉 (大) $21牛雜夠入味，牛肚爽口，牛肚肥美，不錯。感謝今天誤打誤撞下都吃到一碗不錯的粉麵。

　　如題吧，如果只食牛雜，可以比到笑臉；如果只食牛腩，就大概是OK低一點的評價了，綜合起上來就成為了 欽記 在開飯的第三個OK臉。其實用膳也不是最近的事了，其中評價未必適用於現在，請大家注意。去相吧。牛雜粗麵 是我點的。我自己比較偏好有咬好的粗麵，只有食細蓉才會食較幼的。這裡的粗麵幾好咬，但不硬，岩岩好。不知道是手打還是來貨呢。牛雜整體來說幾入味，應粉的粉，應爽的爽，應肥的肥，最緊要當然是沒有異味，洗得乾淨。不過怕肥的就未必鐘意個腸啦，我食野就一向肆無忌憚既，好彩食唔肥牛腩麵 是朋友點的。我試了一件牛腩，覺得唔好食，有幾宗罪－一是沒什麼味道；二是肉難咬；三是太黏牙。另外還飲了豆漿，飲完喉嚨有些少沙，還是台灣的豆漿好飲多了。整體來說，這家店基本是做街坊同學生生意，因為粉嶺這種地方一般人沒什麼事也不會踏足。如果我是粉嶺的學生，我也樂於幫襯的，畢竟價錢也不貴，牛雜又不錯，都尚算坐得ok. 但這樣的店香港也不乏！

呢間店的確有實力...呢間店的附近有大把店環境比呢間好..內裏只得一至二個客,反而呢間店要幾個人迫埋一起食.又嘈,又唔舒服,客人竟然源源不絕....點菜時亞姐有點唔耐煩,不過點完15分鍾先上枱,耐率有點慢....大牛腩米21元,湯底清甜牛味濃...反而牛腩太大件,炆得唔林,只是一般貨色,沒有特別..如果經過粉嶺一試無妨..特登去食就不必

由2001年已經開始幫襯欽記，大多數都會叫大碗，因為一定會食得晒，係幾好味架。最近…加價，唔緊要，總算物有所值雙拼變左一定要係大碗，算啦，反正一直都食開大碗但…服務質素就每況愈下雖則我個人係講野細聲，冇好似紋身大漢咁豪邁講野，但我肯定表達到我叫左咩野食；點知我等左成20分鐘，遲過我10分鐘入黎既哥哥仔都食完起身埋單走人，同我落單果條友係我附近行黎行去，見我坐左咁耐點都應該問下我D野黎左未掛。冇囉！火都黎，唔等。好食就一定好食，但如果接受唔到要等咁耐加上散漫既服務態度，勸大家唔好自己搵氣受。

住左聯和墟成10幾年, 經常幫襯"欽記", 最愛佢ge雲吞, 牛腩, 豬腸, 牛肚, 牛膀等雲吞好鮮甜豬腸好入味(怕肥者勿試)牛肚夠入味同爽牛膀味濃夠林可是牛腩卻一時時, 有時林, 有時好鞋加痴牙, 所以最好叫"肥腩", 痴住d肥膏同根ge部位最好味d湯底都好正, 唔會好大鹼水味, (我有時連湯都飲埋)辣椒油好辣, 加少訐就已經好惹味值得一試!

o係重未飽到嘔之前食埋呢間之前都食過，今日再嚟叫左牛雜同根腩麵牛雜，都OK ge，係d腸真係太肥 =.=根腩麵明顯好食都群記香味就夠，如果味道再濃味d更好

去聯和墟拎卡，行過門口，好多回憶出現，中學果時，一諗唔到食咩就食欽記，最鍾意食雲吞牛腩粗~~~~~入去叫左個大既雲吞牛腩粗，雲吞一樣足料，好似成隻都係蝦咁~~~~正~~~~~~~牛腩夠入味，超正~~~~~~超緊要個粗面，爽口，我食過既粗面最爽係呢間真係同中學食果時差唔多，好味道~~~~~~~