喫茶舍 (麗新商業中心)

Open Now

Now Closed

本來都覺得呢間幾好飲，又近公司，但應該唔會再幫襯了，有兩件事想分享。第一：呢排成日有個女店員都係黑口黑面的，唔係黑面就係囧樣，態度好差。本來佢咁嘅服務態度都算，但第二件事就真係趕客。第二：琴日朝早舖頭應該接咗外賣大單，就一次過整我嗰杯同埋外賣大單嘅好多杯。目擊住嗰位黑面女店員，將啲杯掃哂落地下，執番起之後唔係dump咗佢地而係好似圖中咁stack起哂佢地（呢張圖入面嘅杯就係跌哂落地下嘅杯）。咁杯面接觸到地板，污糟嘢咪transfer哂去下面個杯囉！其實出街買嘢食唔會太乾淨就一早知，只係有客人望住你都唔做下戲就真係接受唔到

呢排特別鐘意開心果野食😍經過見到新推出開心果系列馬上買來試試💚開心果雪冰🍹杯身劃上少量的開心果醬，表面有一層開心果芝士奶蓋，飲到鹹香味且好濃郁的開心果味，好可惜當日開心果碎已經賣晒，唔係會更加有咬口，清涼解渴大大杯飲完好滿足🥰開心果抹茶歐蕾🍹估唔到抹茶及開心果可以咁夾，第一啖飲到偏濃的抹茶味，只有淡淡開心果味，上層有開心果芝士奶蓋需攪勻，開心果味就會出返來黎😂，飲到尾仲有濃郁的開心果味，飲完連飯都唔洗食🤣有著數話比大家知，由19/7至1/8期間購買開心果系列飲品，只要身份證上有pistachio任何一個字母，單杯享有9折，冇字母都唔緊要，2杯都係$86，如果鐘意開心果的朋友唔好錯過，快啲去試吓啦😆

見OpenRice冇乜comment，膽粗粗試喺外賣平台落單送上門，所以評價唔到舖頭嘅顧客服務質素。嘢飲味道正常，甚至比想像中出色。例如芒果係真係有一絲絲嘅肉，都新鮮嘅。多款式揀，不過啲名唔係好明咩意思eg雲抹係奶蓋。但係送到嚟嘅時候有杯奶蓋倒瀉咗😔

開頭whatsapp同我講話整好攞得。到我落到去，排到我，等左幾分鐘，問左佢3次，第3次先應我。仲要只應3個"無留意‘’。我fd打電話催單，先話整緊。未開始整，就唔好呃我話整好啦，當我全職等外賣？佢係寧願抹枱都唔肯應我