Yummy

Open Now

Now Closed

今日由上環行咗去中環，又熱又無胃口，想搵啲開胃嘢食下就去咗Yummy食我嗌咗個手絲雞凍魔芋粉，個汁酸酸甜甜，好開胃，個手絲雞都好嫩。最鍾意個魔芋粉，好Q彈，好滑，真係好啱夏天食

📝 Review: I opted for the Pork Chops with Vegetables Rice, which included a drink and soup, all for just $68. The pork chops were cooked to perfection, boasting a satisfying crispiness. The accompanying vegetable rice was a delightful surprise, bursting with flavors that complemented the dish beautifully. I must admit, I was thoroughly impressed with the quality of the food.⏰ However, I must mention that the overall experience wasn't seamless. As I visited during lunchtime, the restaurant was pa

2023年5月23日，我在中環返工，由於天氣不好，下大雨，中午休息時間來這間食。叫左一份牛肉飯，我同事叫左喇沙和雞肉飯。當時食完並沒有任何大礙，只是覺得雞蛋好奇怪，飯都有陣怪味。但係個時候因為趕時間，也就沒有太留意。 但係返公司後就開始慢慢唔舒服。到左下午4點幾就開始肚瀉。一開始以為自己公司冷氣凍關係。之後同事亦稱有少少唔舒服。個人來講，就就開始面青，繼續肚瀉，加上嘔。由5點開始至8點斷斷續續肚瀉加嘔。整個人都軟曬。仲要去拿拿聲去睇醫生。搞到影響當日工作甚至於第二日我的工作。

逢星期三，這店中午例必繁忙，因為八折一天，最忙的時候，我點了雞扒飯，他們卻給了我豬扒飯，我要求更換，服務員非常有禮貌地道歉，立刻跟我換雞扒飯！由於中午時分，要與別人分享同枱吃飯在所難免，況且牆上已寫上”繁忙時間，是四人枱”香港是這樣的！食物方面，中規中矩，我也會給他們80分！由於我的健康問題，不能進食太快，吃一碗飯也需要差不多45分鐘，店員也沒有什麼不滿的眼光！值得一讚！正如劉德華話齋，今時今日，服務態度是十分重要，相信全世界的餐廳不會對客人有負面的服務態度吧！總括來說，我對這店非常滿意！

未食完趕客， 服務態度惡劣，環境及食物不衞生中午飯一入去店員就黑口黑面趕你落單，位都唔俾你坐住明明有空位都迫你坐一張爆客既台， 你未食完就執你嘢，你就快食完，張枱冇空位超迫（坐唔到一個人）都叫另一個客坐埋去，意圖迫你走，務求迫你走當你狗，為求做生意當客係貨物同狗，不擇手段即場反映當你唱歌，大大聲羞辱客人趕你走食物質素差劣，汁少飯少， 送飯時手指插入去，衞生惡劣，環境充滿雜物，食具污糟，有冇洗過都唔知， 水都冇杯俾你洗下，好危險

HappyFriday 有同事請吃下午茶本應是好happy但叫了這間一啲都唔yummy 的yummy 餐廳食物送來的時間比原定早這也不太重要，只是午餐未消化完又吃下一餐食物來到已經不太熱所謂的大大粒魚蛋，我以為好似長洲嗰啲咁，原來我諗多咗配上千島醬，個人覺得不太夾，塊多士硬骨骨的隔籬位個同事食咗一條薯條，就已經嗌唔掂凍檸樂的杯內有兩三片檸檬，半杯冰半杯溶咗的水，要走去pantry倒咗啲水先可以加可樂落去周圍的同事一致認為冇下次

吉列魚柳早餐🥣 $36配煎雙蛋🍳/火腿/餐肉/雞肉腸（選一）配牛角包🥐唔夠可以升級優惠+$6 (通粉/米粉）A. 火腿絲B. 沙嗲牛肉C. 雪菜肉絲D. 京醬E. 炸醬F. 蕃茄牛腩送到黎個牛角包🥐仲熱辣辣，好鬆軟😋魚柳仲要有2舊🫣沙嗲牛肉米都唔差嫁早餐供應時間 8:00-11:00佢地滿$80就免費送上門😍

因為減肥中，所以盡戒粥粉麵估唔到呢到可以走麵底～雞排軟熟，但就燶左少少，羅白清甜～價錢唔貴4個餸41蚊～湯底都唔算太多味精，食完唔會太口乾～職員態度友善～值得一讚

Yummy價錢好平，好多人鍾意係佢度買外賣。佢有飯同車仔麵。兩樣都係最平36蚊就有找。今日我想食飯，所以試咗36蚊嘅椰汁雞飯。個汁好好味，撈飯一流。不過個雞應該係拿過嚟嘅，好淋。但36蚊咁平，佢比呢啲雞係正常嘅。唔健康但係好平囉 hahaha

yummy午餐好抵食， 我最鍾意叫佢嘅車仔麵。 最平六蚊一個餸，最起碼要叫36蚊。佢聲稱佢唔落味精。星期五返工冇時間食飯，買咗個雞翼咖哩魚蛋 清湯油麵，盛圍36蚊。佢嘅豉油雞翼肉質唔霉同味道okay。咖哩魚蛋有啲細粒，唔係太彈牙。

點了番茄蘿蔔芽菜豬皮米線。(食神mode)啲蘿蔔無渣，豬皮一夾不碎，但吃起來很像發泡膠，米線軟滑可口，但因為是外賣，所以送上教室時已經變軟了，神奇的是它沒有很難吃，依然有點彈牙的口感，米線也沒有一夾就碎。奉送多一碗味道很像泡麵水一般的湯，讓你調節米線的味道。整體而言非常滿足了，如果您想堂食也可以，午飯時間不需要等很久，但店鋪不是十分大，所以一群人一張桌子會有點擠迫。不過我不知道可不可以添辣。和同學在學校吃午餐，在中環的麵檔裡，選了這一間。

係中環做嘢手5-6年，呢間粉麵店都算嚟得多，其牛魔王係列真係好好食，今日又食完，真心想推推薦吓。唔好意思，想post嘅時候已經差唔多食完另外，四寶河、坑腩河都非常唔錯，絕對係快靚正既選擇

昨天收到通知知道有同事升職，萬歲當然少不了，先黎個3点3下午茶 ，正式慶祝過2日再後補一向有幫襯開Yummy，評價不錯，所以今次都繼續，吾知係咪太多order，3点3下午茶4点半都未到，4:45終於到了，凍0七d冰就溶哂，罐雪碧係熱嘅，最幓係同事杯豆漿不翼而飛，無咗，打電話同Yummy 講少咗杯豆漿，佢死都話有俾……有鬼，將單係有，$都收咗，可惜貨就不見囉！Yummy嘅野食係ok嘅，不過叫外賣就要小心啦，最好点齊件數先好俾$囉，如果吾係$就俾咗野就食吾到就吾好啦！

每日返工其中一個重要mission就係要搵平晏食 最好就係平同快靚正 所以完全唔介意行遠少少搵好野食！同事介紹下知道呢間麵店係同區出名 因為選擇多同比較抵食 而且佢標榜唔落任何味精由俾錢到拎得外賣成個過程10分鐘到 算快！三餸麵（$36）第一次食呢間既沙茶醬湯底 食落得好少辣 平時唔愛食辣既我都覺得呢個湯底幾惹味 好濃味咖喱魚蛋入味 我特別鍾意食佢嘅麵筋 食落唔油 同佢吸收左沙茶醬嘅湯底 送麵一流！已決定下星期再encore yummy!

中環區的食店都藏匿於小巷之內，在H&M對面的小巷找到了這家車仔麵店醫醫肚。這家車仔麵位於中環，所以預想得到價錢都不會太便宜，不過因為餓了所以也懶得找。車仔麵餐牌: 小店車仔麵都有不少的選擇，有圖片來點餐清䀿不過!最後，點了個三餸車仔麵，三個餸包括:香脆雞扒、蘿蔔、鮮腐竹配上鹵水汁湯底的油麵。他們家外賣還會分湯，餸和麵不會被湯浸到變軟。香脆雞扒$20其實並沒有真的煎得"香脆",不過以香料醃製的，吃下去香味四溢鮮腐竹$5新鮮腐竹作為車仔麵餸也算特別，吃下去蠻清新的。蘿蔔$5夠入味，不過不失油麵$13麵的量給得超多，吃不完反正在這裡吃個車仔麵就是貪個方便，價錢不便宜而水準也就不過不失。