Video
6-min walk from Exit B2, Wan Chai MTR Station
continue reading
Opening Hours
Mon - Sat
07:00 - 20:00
Sun
Closed
Above information is for reference only. Please check details with the restaurant.
呢間 @yummy_cart_noodles係我既車仔麵飯堂🥴佢既十全十美二人車仔麵餐係賣飛佛❣️除左灣仔仲有其他分店～但新出既雞煲就只係得任點美食呢間有！仲有一人雞煲 真係毒L既福音🥺⚠️雞煲一至五2:30後先有下午茶食個雞煲Chill到暈🤪星期六就全日供應！星期日off架唔好白撞咗～不過有真空雞煲可以買番歸食添🤩Btw想講好似包場咁🥴閒日好靜慢慢同fd煲住食😂———————————————————————💛麻辣雞煲(二人份) $157😋：8.5/10淨係二人份邊爐就$99加$58就可以變麻辣雞煲～大食既話每人$128仲可以任食雞🐣雞件都好多舊下又入起！有起馬十幾舊仲好嫩滑～而且個醬汁都幾夠濃～唔夠辣同員工講都好願意幫我地加辣🥺🙏🏻雞煲餐仲可以叫6個餸食完打邊爐！唔夠都可以再加 每樣餸+$9另外亦都包左一碟時菜～生菜都幾生鮮🤟🏻入晒味好正而餸就揀左以下：1️⃣手打墨魚餅👍🏻呢個真係超正既招牌～大大塊而且好彈牙又濃墨魚味2️⃣蛋白魚腐👍🏻呢個我都好推薦～大舊而且好索味😽3️⃣蜜味腸👍🏻即係台灣腸～呢個唔多車仔麵鋪有得揀！4️⃣蟹棒👍🏻係高級蟹棒唔係cheap蟹柳😼5️⃣芝士波波腸👉🏻呢個係童年回憶😂6️⃣鮮蝦卷👉🏻呢個就相對上冇咁濃7️⃣牛丸(額外加餸+$9)👉🏻係冇咁滑既牛丸🤔重牛味但唔算juicy而飲品包熱飲 凍飲都只係+$2叫左凍檸茶少甜少冰～茶底唔錯而且係真點少甜！———————————————————————🍲🍜🍲🍜🍲任點美食 💸：人均～$80（雞煲）📍：灣仔皇后大道東94號地下🔗其他分店：任你點車仔麵(同一集團)👉🏻深水埗福華街147號地下👉🏻九龍城衙前圍道7號地舖👉🏻灣仔駱克道139號地舖✨免收加一
continue reading
平時過灣仔食飯，經常都經過呢間任點車仔麵店，但係從來都冇入去試過。直到今日，有個同事去食完大力推介呢間車仔麵，所以中午就去咗買個外賣試吓。聽朋友講，呢度啲花膠大大塊超抵食，所以我就揀咗花膠、豬軟骨同埋魚腐，面既種類揀左粗面。買單都只係用咗$47。我叫完無奈，佢就整好左比我，真係好快手。拎到返公司一打開，見到大半碗都係餸嚟，我急不及待開始食。啲豬軟骨好淋，好好味。花膠佢比左幾大塊我，花膠同魚腐亦超級入味。食完真係飽到要行下商場先消化到，性價比超高既一間鋪👍🏻
continue reading
今次介紹呢間位於灣仔既車仔麵店💛，前年年尾開張後幫襯過幾次覺得唔錯，可惜位置介乎灣仔同金鐘之間就唔太就腳👣早排某日想去星街食pizza🍕，可惜lunch hour等位要半個鐘，附近幾間食店亦人頭湧湧，突然醒起都好耐無幫襯過呢間車仔麵店就拿拿臨轉場🏃🏻♀️.呢間車仔麵店既麵餸有成43款咁多，鮑汁炆花膠同手打墨魚餅呢兩款就最受歡迎，45蚊一碗3餸麵又食到呢類比較少有既麵餸，個人認為價錢都幾合理既🤔如果有同事/朋友一齊而大家又無乜特別要求既可以考慮揀佢地既十全十美二人餐，10款指定麵餸+兩碗麵底都只係108蚊，麵餸係雙人份量非常夠食，平均每人都係54蚊絕對比單點兩碗3餸麵抵食👍🏻.除左地舖之外呢度仲有樓上雅座，係門口收銀處落單俾完錢之後店員就會安排座位💁🏻♂️🪑值得一提既係呢間車仔麵店同駱克道既「任你點車仔麵」隸屬於同一個集團💛，大家唔洗擔心會幫襯錯🤣******************************✨ 十全十美二人餐🍲 ($108)二人餐既10款麵餸有花膠、豬軟骨、溏心蛋、墨魚餅、魚肉春卷、魚腐、豬大腸、蜜味腸、蟹棒同紅蔥餐肉炆花膠都幾大塊下，每人食到三至四塊份量唔少；花膠炆得夠腍食落滑捋捋，不過鮑汁味就唔太食得出🤨之前幾次幫襯都有點豬軟骨🐷，個人覺得佢都幾入味下，今次再食就覺得炆得唔夠腍，軟骨位咬落偏硬，好似食緊蒸排骨咁🤦🏻♀️溏心蛋🥚醃製既味道適中，蛋白醬油味唔會過鹹而蛋黃帶甜，溏心效果不錯👍🏻個人最鍾意既係呢度既墨魚餅🦑，彈牙得黎又有墨魚既鮮味，夠晒真材實料😋 可惜今次食到既墨魚餅油炸味偏重，比較令人失望😕魚肉春卷🐟入口同樣有好大陣油炸味，魚肉味唔太食得到，同埋未知當日食到既係咪炸得太耐，口感過於紮實唔夠彈牙😣魚腐🐟味道偏鹹，質感就偏腍，食落有種爛爛地既口感😐豬大腸🐷炆得夠腍，味道濃郁，最重要既係入面清洗得夠乾淨同無臭味🙈蜜味腸食落好有蜜糖🍯既甜味，口感似台灣香腸但略嫌無乜肉香，個人比較喜歡後者🙈蟹棒🦀就係急凍食品無咩特別紅蔥餐肉並無煎過，肉質偏鬆散，午餐肉既香氣亦欠奉🙈 不過個人就幾鍾意中間肉絲既口感，同埋唔會偏鹹，如果稍為煎香就更加好啦🤔-🥢 蕃茄湯米線🍜湯底有咖喱汁/沙嗲汁/番茄湯/瑞士汁/腩汁/麻辣/泡椒辣/雲南酸辣（需加6蚊），另外仲可以揀小/中/大辣呢度蕃茄湯底雖然並非由鮮蕃茄🍅煮成，之前食幾次都覺得正正常常，而今次呢碗麵拎到埋黎時見到廚房只係好hea咁將焗豬扒飯既蕃茄醬加落清湯底就出餐，客人要自行將湯汁攪勻，同埋攪勻之後個湯底其實好淡，無乜蕃茄味😥 至於米線就煮得太耐，口感偏腍無乜口感😓-🥢 腩汁粗麵🍜腩汁既味道就無乜問題，如果濃味多少少🤏🏻就更加好🤔 粗麵唔算好有嚼勁，整體叫做不過不失👌🏻******************************👧🏻人均消費：$54😋味道指數：3/5💰抵食指數：3.5/5🪑環境指數：3/5💁🏻♀️服務指數：3/5👍🏻再訪指數：3.5/5-📍任點美食地址：灣仔皇后大道東94號地下⏰營業時間：07:00–20:00 (Mon–Sat)；🅞🅕🅕 (Sun)
continue reading
💛任點美食·呢間同任你點車仔麵係同一個集團架 不過呢度坐得就迫少少 而且佢唔係逐個逐個送嗌 係直接一個價錢任你嗌3個送😈·三送車仔麵$45佢個花膠真係超大塊 今次我地呢塊無上次咁厚身 但係佢攤開係大過個碗超誇張 而且佢係炆到淋曬 感覺好膠質😎之後手打墨魚餅都仲係咁出色 超級彈牙 完全唔會粉🦑炆花菇同瑞士雞中翼都勁入味 尤其係估唔到個花菇擺落番茄湯浸到少少個甜味咁正🤤咖哩魷魚都好夠味 不過就比較碎 食落無咁爽 個豬軟骨都唔錯既 不過就有D比較un 唔係舊舊都炆到淋曬😂😂但係整體都超級出色 佢D麵都係索曬湯 超正😋·📍灣仔皇后大道東94號地下
continue reading
灣仔真係黃店車仔麵福地🎗之前介紹完『車麵館』就心思思想再食車仔麵 但已經結業咗🥺 今次就試下灣仔新開嘅『任點美食』(原來係『任你點車仔麵』嘅姐妹店 好耐之前食過一次 性價比超高👍🏻) 有名你叫 任點美食 真係乜餸都有 總共有42款俾你慢慢揀 有選擇困難症嘅🦄最後決定點淨四餸 試多款🥰【鮑汁炆花膠 糖心蛋 手打墨魚餅 鮮蝦卷】💰$48~ 鮑汁炆花膠 ~上一次食任你點已經俾佢嘅大花膠嚇親🤪 今次又大塊咗 食極都仲有 好似唔洗錢咁🤯 鮑汁炆花膠整得好軟身入味但唔會一pat䊢咁 幾有咬口🤤 ~ 日式糖心蛋 ~ 呢個超驚喜💥 見好多review都話係必食就試下啦😛 完全冇諗過車仔麵都可以做到日式拉麵店嗰種溏心蛋🤩 真係糖心蛋 好重醬油味 蛋黃入口即溶好甜 好好味👅 ~ 手打墨魚餅 ~ 超級厚結實得黎好彈牙 食落啖啖墨魚肉 好似食緊墨魚扒咁🦑 面頭炸得好香口😍 但完全冇油膩嘅感覺👍🏻~ 鮮蝦卷 ~ 同樣真材實料 炸得香口不油膩 彈牙 鮮蝦味濃🦐 ~ 蕃茄湯 ~ 小店主打零味精自家製車仔麵 見到張poster咁hard sell就試試蕃茄麻辣湯底🥫可以飲完一啖原味 先落自家麻辣醬🌶 雖然唔係我飲過最濃嘅蕃茄湯 但佢真係用蕃茄去煲 食到粒粒茄蓉🍅 酸酸甜甜好開胃 加埋麻辣就有另一番風味💃🏻 最後成碗清曬見碗底😋🦄滿足指數: ❤️🧡💛💚💙💜💖#OhMyFoodBae_wanchai#OhMyFoodBae_車仔麵#OhMyFoodBae_yellow#OhMyFoodBae_OMGhohoMEI📍任點美食 灣仔皇后大道東94號地下
continue reading