味一食堂

Open Now

Now Closed

8:30鐘到見冇乜人今日禮拜四，情人節前夕！啱啱同家姐去買完嘢，諗住有少少餓就食少少嘢先至返屋企啦，行過呢間裝修得似日系，睇落企理乾淨，價錢又唔貴，咪試吓囉，點知啲嘢真係唔得到呢？ 啲嘢食唔熱、只係微暖，個牛肉影相嗰陣時好靚一塊扒切開整整齊齊，點知嚟到嗰碟嘢但係兜亂，乾爭爭、食落嚡熠熠😡我家姐食咗個溫泉蛋日本黑豚豬肉飯，隻溫泉蛋係凍嘅，都唔緊要嘅，好多時溫泉蛋係凍嘅，但係冇理由黑豚豬肉都係凍㗎嘛！感覺就似係先預製響雪櫃解凍出嚟咁，完全冇靈魂，我哋一路食一路真係想喺個窗口嗰度叫啲人唔好入嚟食，麵豉湯鹹到根本飲唔到，成餐飯最正常嘅就係只係得個白飯同個蒸蛋。過去對面食個燒臘飯碟頭飯都好食過佢，起碼人哋啲嘢都熱辣辣！有陣時真係唔怪得呢啲人唔出街食飯，喺屋企求其煮個公仔麵都好食過佢啊！

地方算大及樓底高但亦算乾淨，食物份量真係偏少男仕應該唔夠食，男職員見我睇多幾分鐘未電子落單即埋黎吹要取回餐牌，表情態度麻麻不耐煩！想好服務者要考慮清楚啦！不過冇所謂嘅亦可一試。

呢晚同男朋友係CWB搵食本來想去食壽喜燒, 但太多人又冇book位過左去登龍街呢邊睇, 見呢間鋪似新開裝修好新淨, 晚市價錢又唔貴, 定食都係$80左右見唔洗排隊就衝入去我地叫左🍽滑蛋吉列🐷豬扒丼🍚定食吉列豬🐖幾大份下, 男朋友最後食剩1件豬但個汁我覺得甜左DD🍽🐥🥚親子丼🍚定食個親子丼賣相相對冇咁吸引因為D蛋索晒汁去煮變得好深色味道同份量都正常既, 但D蛋少少熟過龍🍽日式炒雜菜🥬菜就正正常常, 但唔算好大碟🍽單邊骨雞翅有少少乾，味道不過不失最後2個人埋單大約$200多d唔記得有冇加一收費不過CWB地區食晚飯, 唔洗排隊價錢又合理, 味道又OK, 環境又舒適呢個價錢仲有咩要求呢

Ambience is good. The restaurant looks really new and clean.The food was great and inexpensive unlike other Japanese restaurants in the area. We had pork cutlet and fish with curry sauce. I wish the pork was more tender but overall it wasn’t that bad.The service is not bad but it can be improved. When we came in and seated I saw that the table was dirty. It had drink marks from the previous diner so I asked the waiter (an old man with glasses) to wipe the table. The waiter said “wait” but never

見日系裝修門口睇上去視正 價錢又唔貴咪打算試下新野 點知就中伏 叫左個滑蛋豬扒飯諗住冇死點知都可以咁難食 首先個炸粉同塊豬扒呢係分離既 一啖落去竟然成舊都係唔知肥膏定筋嘅位得頭尾有少少肉可以食 諗住得一舊係咁啦，點知成碗都係咁啊 諗住自己黑仔啦點知望一望隔籬枱又係叫滑蛋豬扒飯舊豬扒同我個舊簡直係天淵之別 咁叫咗個經理過嚟啦，仲要態度極差同我講下次遇到咁嘅問題可以即刻同佢反映 最終係取消咗張單嘅建議大家無謂中伏 依間嘢啊我就臥薪嘗膽幫大家中左伏喇 自己睇路🤢

餐廳係一間fusion嘅茶餐廳，有日式嘅便當，親子當啊，鰻魚飯啊等等都有啲烏冬啊，例如牛肉烏冬咁，今次我就要左牛肉烏冬～上菜嘅時候個賣相都幾靚，有擺盤佢有三個前菜，前菜有一般嘅沙律啦，仲有幾得意嘅係有兩件炸雞，所以係走fusion路線食物都幾好食，牛肉好淋下~依間餐廳嘅唔好處，就係長期都好多人🤪🤪🤪基本上一定要搭枱~整體來說，味道幾好 炸雞都好食，凍檸茶要加$5，但好大杯，所以都合理～😀😀😀

門口似日式餐廳 ，但入到去要搭檯，個一下感覺茶餐廳黎🫣🫣之後用qrcode 落單上菜個一刻呆左，條魚勁細條，D野食賣相好吾靚，味道一般，仲要銀雪魚西京燒係百幾蚊。

態度超差, 食物質素唔掂, 門口個四眼經理簡直衰過AI, 我QR code 落單時點咗加甜品, 食食吓覺得有啲唔舒服, 所以想早啲走, 叫個侍應取消甜品(劃掂未上, 雪糕都係畢出嚟), 佢話張單係你自己落嘅冇得取消, 我心諗有邊張單唔係個客自己落? 再睇返張單, 白紙黑字話如果發現落錯要盡早通知職員, 通知完就同你講咁樣取消個程序會好覆雜, 而家明白點解香港飲食業會咁低迷, 食物已經唔好食仲要咁嘅態度

銅鑼灣登龍街🐉新開的店都很吸引，今次嘗試了日式餐味一食堂 Yummy House🤩 晚餐時段排隊一會便可入坐，餐牌吸晴🤩 Set餐約一百，仲要免加一，親民價🥰 服務都友善👍🏻幸無遇到服務差員工😆環境舒適，樓底高不會嘈吵👍🏻炒雜菜🥗和 牛舌🐂都上菜好快送到，牛舌只是室溫，可惜了一點😆銀雪魚 和 三文魚 都很出色🉐兩者都以西京燒烹調，不燶不油♨️銀雪魚較滑溜回味🤤三文魚調味甜了一點😅要減糖🫣明太子玉子燒 火喉適中♨️蛋不會老🥚亦不油👍🏻以為會有沙律醬，於是選了 醬汁另上，結果是明太子變成了伴碟😆壓軸的鰻魚飯亦很好，燒得夠香🤤不油不膩👍🏻亦不會有苦的感覺🉐與醬汁同吃，回味非常😋甜品方面，蕨餅很好吃，無論多少件都可以一掃而空😋我哋set餐另外再加小食，都係人均消費約百五蚊，在銅鑼灣登龍街呢間靚餐廳算抵呀，性價比高，可以下次再來。 #飲食情侶🥰#cherry攻商鋪

Unfortunately, my experience at the ‘Yummy House’ was not at all that pleasant. To start, it was not what one would call ‘Yummy’, as the name of the restaurant would suggest. It tried to imitate a fusion between japanese food and a typical ‘cha chan teng’-served drinks. This restaurant failed both cuisines. The food came out dry and lacklustre - not what you could buy with 100-200 HKD worth of food and not what was illustrated on the menu.The only comfort was the relatively nice decorations and

一班同事食lunch，夾埋6個人，間店冇6人枱兼繁忙時間，話分開一張4人枱（店中間）同一張2人枱（梳化嗰邊）俾我哋坐。到我哋埋位見到梳化嗰邊有張4人枱吉左，我哋話要嗰張唔要中間嗰張。張4人枱同本來assign俾我哋嘅2人枱中間隔住張有人嘅2人枱（未有嘢食），正路會諗叫呢2個人移去隔離張吉枱，咁咪可以泊埋變張6人枱，但店員冇諗過要咁做，咁算啦，人哋真係坐左先。我哋見我地都唔算肥，就提出6個人逼埋坐4人枱就算，但要拎多張櫈（3+3對住坐）。呢個時候就有趣了！我哋喺本來assign俾我哋張2人枱抽走張櫈，有個戴眼鏡、唔著制服、戴口罩嘅疑似男經理阻止喎！佢話「本來俾張4人枱同2人枱俾你哋，你哋自己話要坐張4人枱架喎」，言則佢係叫我哋4梳化+2櫈咁坐，仲應該留張完整嘅2人枱俾佢做多2個人生意！！😮真係火都黎，講嘢有冇用腦呀？！我哋屈就自己逼埋一張枱，嗰張本來就係assign俾我哋嘅枱，嗰張櫈本來就係我哋坐嘅！我哋抽走左張櫈佢都仲可以做多1個人生意（梳化），即係用2張枱佢做到6+1人生意，本來得我哋6個架咋！！你想做多啲生意，去買多幾張櫈囉！！🤬講返嘢食，驚為天人當然唔算，但都唔難食，性價比係ok

嗰日收工，約咗朋友喺登龍街，見到佢新裝修幾光鮮，入去試吓日本餐，見佢平平哋$100內都可以，點知坐低態度非常差，完全冇人理你，問佢攞杯水都好似唔係好願意，啲位窄到不得了，成個套餐啲嘢小到離奇，完全食唔飽，坐低仲要話得90分鐘，以為好巴閉係高級餐廳咩？都買單嘅時候嗰個收銀員仲話，你自己出嚟俾錢，完全真係有茶餐廳嘅感覺，到俾錢佢話$250 ，我就俾咗張$500加$50俾佢，點知見佢找啲散子俾我，我就再問佢乜唔係$250咩，嗰條女就話係$256 ，仲要好大聲，完全冇禮貌，真係冇下次！！簡直係垃圾

見到咁平，都唔預有d咩正宗日本嘢食都係一間有裝修靚d嘅港式日本餐廳嘢食還可以，位置細d逼d，同埋要搭枱證明銅鑼灣生意難做講返食物，如果你對嘢食唔太大要求，質素絕對好過茶餐廳，又有沙律，又有前菜，仲有嘢食嘢飲，只係張枱放唔晒，唔係份量大炸嘢難度唔太高，可接受枝豆明顯就咁整熟，無咩名，都唔似係日本餐廳嘅質素最正係飲品佢收走左我匙羹，竟然比返支膠匙羹我，而家堂食都仲可以用膠餐具嗎？總括而言，求求其其食個lunch，都係茶餐廳以外的一個選擇。

呢間餐廳真係令人無言，服務態度極之差。當日我地6個人去食飯，佢哋安排分開坐兩張枱，每3人坐一張4人枱，咁都冇問題，但最離譜係，佢哋竟然話有機會要搭枱，加多個陌生人入嚟坐埋一齊，完全無尊重客人嘅體驗。更加過份嘅係，我地其中一枱食得快少少，另外嗰3人仲未食完，侍應就開始不停催食完嗰枱嘅人快啲走。仲要係咁輪住嚟催，一個侍應啱啱講完，另一個又行過嚟再催，完全不知所謂，我地坐低左半個鐘都冇就趕客走痴線餐廳。呢啲咁嘅做法真係令人覺得好唔舒服，好似趕住要清位賺多啲錢咁。整體嚟講，餐廳嘅服務態度真係好差，完全無耐性同禮貌，食飯體驗極之差，唔會再幫襯！

收工周圍搵食，見到呢間登龍街新鋪頭，試下晚餐，價錢合理，餐牌都幾夠選擇，各式嘢食都有得比人揀，設計都好睇。但唔好食，唔到難食，但就係食完唔會覺得滿足，如果想搵環境乾淨企理，唔太貴嘅餐廳，可以的，但唔好食。叫左牛肉溫泉蛋同牛舌飯，食到鬆肉粉味，明顯平牛，茶餐廳級數，兩個人埋單200蚊，銅鑼灣黃金地段叫好抵食！！！！定食茶碗蒸同味噌湯叫做正常，不過不失。坐低亦都冇比水，要叫先比。環境ok 服務ok 但冇下次了