YummyDay

Open Now

Now Closed

由於亞女最愛韓國食物，於是上網搵吓有冇韓國到會。搵搵下見到網上雜誌介紹一間由韓國廚師主理，見到食物賣相不錯，價錢不貴，可以一試。雖然今次聚會人數不多，都可以叫到五款食物，如果下次多人，可以叫多幾種

喺葵涌番工嘅朋友有口福喇~有日喺外賣平台發現 Yummyday 呢間韓國野🇰🇷叫黎試下 ！性價比高，味道有驚喜😚😚呢期天氣熱到火爐咁女，Lunch唔出去食都可以叫😍個日我就叫左牛肉飯卷、炒粉絲、小食拼盤。牛肉飯卷材料好豐富，中間除咗有牛肉之外仲有雞蛋、葉蘿蔔、青瓜，夏天熱辣辣食啱晒，好開胃！小食拼盤每樣都有兩件，泡菜餃子同紫菜包粉絲都幾好食。炒粉絲都好大碟，夠我同兩個同事share😚佢仲有勁多唔同款式，甚至乎有到會set，幾啱同公司同事食。

呢排勁熱晏晝都少左出去食，有日lunch係office同同事叫外賣Happy Friday🎉🎉搵到間新既韓國野，幾好食又唔貴喎😆特別推薦佢幾樣野，牛肉紫菜飯卷好足料，食落好濕潤，唔會乾憎憎😋炸雞都係必食😍甜辣醬沾滿炸雞，炸粉唔算厚，夠晒脆😍韓式泡菜煎餅配個特製醬汁好好食👍🏻炒粉絲唔會好油，味道都唔錯😗佢仲有啲日式便當，下次一人一份都唔錯😍😍可惜行過去有啲遠，如果唔係外賣自取有9折！🔸牛肉紫菜飯卷🐮🔸烤鰻魚便當🔸甜辣炸雞🍗🔸韓式煎餅🔸韓式炒粉絲🔸一口年糕串🔸韓式熱狗棒🔸開心小食拼盤炸雞、蟹肉忌康餅、泡菜餃子、紫莱粉絲卷、炸餃子🥟📍#YummyDay (葵涌)葵涌華星街8號華達工業中心B座12樓7號舖

因為疫情困咗咁耐😷，公司啲同事關係都好似生疏晒！公司嘅士氣同埋同事之間溝通都少咗好多！作為組長嘅我，都應該諗吓方法趁而家放緩咗少少，搞下啲聚餐等啲同事開心吓💪🏻💪🏻適逢今個Friday有個同事仔生日👧🏻就趁尼日搞party外賣聚餐！發現公司附近開咗一間韓式外賣party food 美食，非常近好方便我哋自己去拎唔使比運送費話明有人生日梗係要預先訂個生日蛋糕啦！另外提早三日order咗韓式party food 。我地訂咗四盤唔同口味有炸雞：韓式炆牛肋、韓式炒年糕：仲有小食併盤：當然吾少得蛋糕🎂：公司同事們都玩得好開心又食得滿足

食過2次第一次叫左牛肉紫菜卷+一口年糕（小食）第二次叫左三文魚腩便當+忌廉餅（小食）個人覺得小食方面比較出色，尤其係一口年糕，我本身以為係咸嘅味道，點知原來係甜甜地，又幾盞鬼！

早2日，係街見到派傳單，順手攞一張，因為係工廈區，食附近茶記，食到口都wear，見到有新嘢，梗係攞張睇下。間嘢係工廈入面，地方係我公司附近，都算好搵，當日提前20分鐘左右whatsapp叫好，然後選擇自取，因為外賣自取有9折，上到去攞食物，佢哋係一間食品公司，有賣急凍食品，冇地方坐，所以食物只可以外賣，地方好幹淨企理，我同同事一人叫咗一個便當：1. 日式三文魚便當(配面鼔湯) $772. 韓式紫菜飯卷便當(飯卷可以揀味道，我揀咗泡菜豬肉味) $70三文魚扒好抵食，煎到啱啱好，肉質嫩而且咁嘅價錢有咁大塊，側邊仲配天婦羅炸物，真心好味。韓式紫菜飯卷便當的泡菜豬肉味飯卷小小辣，好惹味😋，配埋韓式前菜我會再幫襯試下其他嘢。😍

非常抵食，第一次食到價錢甘平得來分量又充足，而且好好味。特別辣年糕，炸雞，韓式粉絲，紫菜飯卷（好有韓國風味）。值得推薦會再次訂購同介紹俾班朋友仔。party聚餐之選，大人小朋友都岩食

平時返工日日lunch都係附近茶記，好多時候都想發掘一啲新嘅小店可以轉下口味！上星期有同事發現左公司附近開左間💁🏼‍♀️韓式嘢食，啱啱疫情未太穩定我通常都慣左買外賣返公司食！呢間韓食喺工廠大廈上面，可以預早WhatsApp落定單👍🏻去到有得拎唔使點等(自己拎平d) 而且味道唔錯😋幾特別，選擇都多有十幾廿款，價錢算係中肯啦！因為想試多幾款所以叫埋3個同事仔一齊夾份叫左4款便當再追加了2個小食咁可以唔同口味都試吓！我本人就覺得最好味係烤三文魚便當同埋炸雞分量算多結果我哋4條友都係食唔晒！相信會下次再試其他款式