榕記車仔麵 (Closed)

Happy Friday當然要出去覓食啦！！今日同細妹食學生餐👏$25兩餸車仔麵，未食已經覺得好抵先嚟一碗三餸麵 （豬軟骨，福州丸，冬菇，粗麵底，小麻辣湯）湯底麻香重，冬菇超淋超入味，令我食過返尋味❤️豬軟骨都ok。反而福州丸同佢menu寫嘅「爆漿」有啲出入，粗麵太淋，所以唔欣賞。 㚼妹叫咗兩餸麵（蟹柳，牛丸，米線，清湯底）牛丸彈彈又不痴牙✨但得兩粒，要慎重考慮🤣韭菜芽菜好少，比譚仔嘅份量少好多，些少失望。豆漿好快賣哂，未有機會試，可能好好味，大家不妨嘗試

我叫3菜，酸齊得兩塊，豬小腸3片和3小件牛腩50元！我另外order左雞絲粉皮，最後竟然欠單無送過來（成30 蚊架）！ 外賣處理好慢，而且等好耐！下次一定唔會再幫襯！ 真係唔得，唔掂！員工態度都係一後，跟單非常差，好甩漏！唔通係繁忙時間買野，我要容忍呢d甩漏野！7元豆漿一細杯，完全係離譜！樣樣野都份量少，唔掂！仲有呀，d外賣餐具讓有黑邊，真係頂唔順。樣樣野都唔順眼。完全名不副實！總而言之，慢，份量少，欠單！全方位唔掂！

星期六黎到寶琳想揀間快靚正既餐廳食下，就入咗榕記。其實之前上網見過佢既雞絲粉皮已經好想黎食。雞絲粉皮 ($30)可以揀麻辣或者胡麻，我就揀咗胡麻醬撈。啲醬汁完全唔吝嗇嫁，撈匀再食晒成碟個底都仲有汁淨。粉皮處理岩岩好，唔會太林太爽，反而雞絲我就略嫌有小小老，不過以呢個價錢黎講，性價比相當高。麻辣兩餸車仔面 ($35)揀咗手打牛丸同墨魚丸，其實上到黎見到個份量係有啲失望，因為每款丸竟然得2粒。手打牛丸無想像中咁好食，原本以為係咬落好重牛味，有汁爆出黎果款，點知食落我覺得就係普通牛丸。相反墨魚丸好好食，好香墨魚味，口感亦好彈牙。豬骨清湯三餸車仔面 ($40)豬骨清湯都唔錯，唔會話好淡。不過都仰餸我覺得偏少，桂侯牛腩我覺得牛味就唔夠重。跟餐 +$6有杯凍豆漿豆漿好飲，又滑又甜，下次飲品都會揀佢

今日去開寶琳搵朋友，路過聞到好大陣胡椒豬肚湯味，將軍澳街坊就話帶我去食好西！😆行多幾步就見到「榕記車仔麵」個招牌。原來胡椒豬肚湯只是其中一個湯底，除此之外，仲有招牌菇菌養生雞湯、麻辣湯同豬骨清湯。招牌菇菌養生雞湯個湯底會跟雞絲，而海南胡椒豬肚湯就會跟豬肚絲，另外麻辣湯仲有不同程度的辣度。雖然見到舖頭入面人流不多，但我和朋友決左叫外賣買返屋企食。我叫的是三餸米線跟海南胡椒豬肚湯，分別有雞絲、豬軟骨同手打牛丸。雖然豬肚絲是隨湯底附送的其中一個餸，但份量都不少。海南胡椒豬肚湯好夠味，米線吸收不少湯底。下次叫外賣可以試試跟菜底，應該更好。

大約一兩年前食過一次，不過味道普普通通，加上屋企附近就有更好食嘅車仔麵店，所以就好少再去。今時唔同往日，今日我再去食嘅時候，就改變左我嘅諗法，食物水平提升左不少。以下將衹評價我食過嘅餸：蘿蔔：有4-5舊，夠淋無渣，不過唔夠味 7.5/10肥牛：份量小左D，有少少鞋，亦唔夠味 5/10豬軟骨：好好食，非常入味而且唔鞋，煮嘅時間岩岩好，不過得2舊，食肉獸可能不滿足 8/10雞翼：有2-3隻，都好入味，肉質嫰滑 7.5/10腸仔：有2-3條，普通貨 6/10服務都幾好，基本上都好nice，好快就應你

咁岩入將軍澳，就黎呢間💛車仔面試下知道有個特別既芫茜湯底，我呢個西人勁係要一試，餸就叫左冬菇、大腸、百頁豆腐，$50 3 餸，3款都好食！冬菇大腸好入味，為左唔影響湯底，佢會分開上。可惜個芫茜湯令我幾失望，無芫茜味，好淡，得個咸，同行朋友唔食芫茜，試一啖都覺得無芫茜味。所以建議叫番普通湯底，仲平d！米線偏硬，口感一般，唔係軟滑果種再叫個小菜，韮菜豬紅，大件抵食！好多豬紅同菜，好好食，原本睇樣以為會無味，但豬紅吸哂湯汁，小小辣好正，韮菜又多又新鮮！同行友人叫左普通湯底，4餸分別係蘿蔔、豬軟骨、生菜同唔知咩魚肉卷，都係$45蘿蔔好甜，仲有4大件！豬軟骨都睇落大件又入味，唔錯！

💛純為支持小店💛揀左豬骨清湯，3個餸 豬皮 豬紅 百葉豆腐雖然話豬皮係辣 但其實無乜味道 豬紅有醃過下 百葉豆腐都特別 比較少見粗麵唔鞋湯底無乜味 全靠一大羮辣油純為支持💛小店食物比較普通

痴線！究竟要幾餓先會叫到一枱都係食物？ 不過，每樣少少，人人都夾夾吓，的確開心嘅！朋友話似做節喎 XD榕記車仔麵出名嘅食物都好多，以下幾款有食過嗎？芫荽皮蛋湯底湯底芫荽已經好濃吓，面頭仲要加一堆 😍 愛芫荽嘅唔好錯過。湯頭都幾甜，加咗甘草，飲完喉嚨涼涼哋。皮蛋都多，飲完大半碗，感覺好下火 XD 麵類可以轉菜底，正喎，多食蔬菜好又唔會太飽。有空間可以食其他餸 😌朋友要咗 胡椒豬肚湯 好夠胡椒！好夠辣，冬天食最好，夏天就會邊食邊爆汗 XD 滷豬手夠味，好夠淋溏心蛋 - 好食喎，蛋黃部分無欺場冬菇 - 好厚肉，juicy秘製魷魚 - 勁大份，唔un，幾辣吓白蘿蔔 - 水份夠嘅，但偏甜。呀！ 牛腩 都好OK㗎，好夠入味。‼️ 食店係地舖但入口係斜梯所以好方便輪椅朋友去。大家多多幫襯小店呀！

這間小店一直都不願意告急，老闆本著蝕住做的心態，做到不能撐下去再算，希望大家可以多多支持，住得較遠的朋友可以利用將軍澳外賣專線平枱點外賣，可能有機會見到傳說中的銀丁巴打🐖 豬骨清湯麵(兩餸) $35味道比較普通，腩汁可以再多一點🐷 海南胡椒豬肚湯(兩餸) $45湯底味道超濃郁，胡椒味很香，而且天氣比較涼快，有點暖胃🐔 雞絲粉皮 $30這個價錢大大碗，很抵食，而且味道很好，麻醬充足，粉皮爽脆，雞絲稍為有點老

吾講味道住，先講服務，一流！話說我order 外賣，自己衰揀錯自取，其實我係想送餐，叫餐比人食所以吾係身處附近，唯有白白浪費個餐，點知試打去，初時職員比我改今晚或聽日去食返，點知整咗？吾緊要！距地拍硬檔，搵人幫我送埋個餐去比我朋友！吾係老鳳，下次未必有例外，不過今次距地真係好到加0一！講味道，樣樣大件又好味，正！

原本諗住行落寶琳食壽司，點知冇開，見附近有間車仔麵就行入去試下，點知發現有驚喜😋😋😋1️⃣黃店食肆店內餐牌有樣小食名為五一手足，此外亦設tips盒，收到嘅tips會用作購買物資👍🏽👍🏽2️⃣下午茶優惠每星期均設有吾同嘅小食，可以以一蚊優惠價跟餐購買🤤🤤3️⃣獨特車仔麵湯底一般車仔麵店只有清湯，辣汁，咖哩汁等湯底，但呢間車仔麵有胡椒豬肚湯底( 內附豬肚絲 )，胡椒豬肚湯愛好者值得一試👍🏽👍🏽

我記得以前曾經光顧將軍澳分店的「榕記車仔麵」，只是現在已經完全找不到任何在「將軍澳」「榕記車仔麵」留下的食評記錄，反而已結業的九龍城分店，我對九龍城分店「榕記車仔麵」的「碗仔翅湯底車仔麵」記憶猶新。可惜九龍城分店「榕記車仔麵」現在已經結業關門，一切都已經成為回憶的一部分。說回將軍澳分店「榕記車仔麵」，竟然都有一款味道讓我印象深刻，與別不同的創意「車仔麵」湯底。雖然現在的「將軍澳」分店「榕記車仔麵」沒有「碗仔翅」湯底，但是我卻意外發現「將軍澳」分店「榕記車仔麵」裡面，也有一款口味與別不同的車仔麵湯底，湯底名稱叫做「芫茜皮蛋」。雖然不是人人都會喜歡食「芫茜」，以及「皮蛋」這兩種蔬菜跟蛋類食材，但是我卻偏偏很喜歡「芫茜」跟「皮蛋」，所以對「芫茜皮蛋」作為湯底的「車仔麵」感到異常的強烈試食意慾。不過，我在「將軍澳」「榕記車仔麵」有關「芫茜皮蛋」湯底車仔麵食品的自助點餐紙裡面，始終找不到「白飯」，命中注定我需要在食完「榕記車仔麵」之後，再在「將軍澳」尋找有「白飯」的食品。雖然「將軍澳」分店「榕記車仔麵」的「芫茜皮蛋」湯底車仔麵食品裡面沒有「白飯」供食客選擇，但是我始終還是需要為「芫茜皮蛋」湯底車

同媽媽黎食午餐呢度標榜無味精，所以特登試下個湯頭揀左一個麻辣，一個胡椒豬肚湯胡椒豬肚湯唔會好辣，幾易入口，仲有豬肚可以食呢度都好足料，我揀左兩份餸，都俾好多蘿蔔有成五件，本身用清湯煮，夠清甜，無渣👍👍牛腩會分上，唔會俾腩汁整到個湯底，有心思手腩味濃，炆得好淋，好味！不過呢度有樣奇怪就係自助櫃面落單，但又食完先俾錢自己店員都有少少亂，到底個客黎買外賣定黎埋單呢樣希望可以改善下食完真係唔會覺得口渴，唔錯👍

好少見到車仔麵有胡椒豬肚湯底咁特別雖然要＋＄10  但我都覺得值得一試個麵黎到 都已經聞到好香既胡椒豬肚湯味 所以第一啖唔係食麵 唔係食餸 而係試左個湯底先好正！ 不過我食得偏重口味 如果佢更加重胡椒味 仲正 （不過都應該照顧番所有人既口味 唔可以整太辣）d料既份量都足  個秘製豬皮個汁係幾特別既～不過我覺得豬皮份量少左dd

最近受到疫情影響 多了叫外賣 今日就去了買榕記外賣 我們直接去店舖買 當然亦可以打電話 門口有個位置寫外賣紙 之後比店員 之後店員會比張單 就可以比錢 等十分鐘就可以 我點了豬骨湯加沙嗲汁 油麵要了豬軟骨 豬大腸 酸齋 和肥牛 分湯上 另外一位叫了麻辣小辣 河粉 餸要了 牛腩 豬大腸 腸仔 雞翼 另加了溏心蛋兩隻 加凍豆漿一杯 怕食唔晒所以無叫雞絲粉皮 麵都大碗 餸都ok除了牛腩就麻麻地 似瘦肉 豬骨湯比較淡味 加了沙嗲都一樣 反而麻辣湯好味些 溏心蛋麻麻地有點咸 凍豆漿ok有豆味 叫咁多都只係$120 價錢好抵 店員好有禮貌 可以再試