榕記車仔麵 (Closed)

今次同屋企人去開寶琳就入去試下，餐廳位於新都城地舖，同地鐵站好近～一入去就俾餐廳擺設吸引咗...🙊✨胡椒豬肚湯+牛腩+娃娃菜+米線 $36 | 4/5胡椒豬肚湯底好濃，好香黑椒味！仲要有埋真.豬肚添😆牛腩淋 同埋都幾入味～其他不過不失，唔錯！✨清湯+雲吞+牛腩+油麵 $33 | 3/5油麵爽口，雲吞唔錯～整體都OK💕✨豬骨濃湯+菲菜餃+魚肉春卷+米線 $30 | 3/5豬骨湯濃💕下次可以配拉麵試下😎其他餸都唔錯✨豬骨濃湯+豬皮+墨魚丸+豬軟骨+米線 $45 | 3/5豬皮就入哂味之餘幾爽脆！豬軟骨都軟淋淋幾好食～墨魚丸有少少味精味，但整體都算唔差💕✨蒜蓉燒茄子 $46 | 4/5估唔到車仔麵都有串燒食呢～呢個燒茄子蒜蓉脆卜卜，茄子肉入味～燒完即食真係一流👍🏿❤️ 整體物有所值！而家好少地方車仔麵配到呢個價錢，由環境服務，去到價錢味道，絕對OK🥹下次想主力試下串燒❤️-🔎 榕記車仔麵📍 將軍澳寶琳貿業路8號新都城中心3期21號地舖

老婆想食車仔面，見食評唔錯，試一試佢，點知，中伏！入到去零等待，因為冇乜人，但係好多枱都未執枱，侍應叫我哋自己搵位坐。見人介紹胡椒豬肚湯底，加6蚊就試下啦！白蘿蔔、韮菜餃、陳皮魚蛋加油面。老婆食冬菇、豬紅、雞中翼、豬大腸加油面。一人一罐可樂！加多份燒賣（可樂可能係成餐最正常嘅）嚟到梗係即刻飲啖胡椒豬肚湯先啦！嘩！咸到呢，一啲胡椒味都冇，白蘿蔔正常冇味、韮菜餃冇韮菜味、陳皮魚蛋夠韌！我老婆嗰碗仲經典，冬菇正常、豬紅夠實、雞中翼夠乾身、豬大腸可以咬到出尖沙咀都未咬得爛！你話呢種車仔面邊度搵吖！嗱嗱聲食完走人，聽到只收現金，咁就拎定錢埋單，見收銀入緊單，我就放低錢喺佢旁邊走人，成個過程同侍應零交流！

之前疫情停業左一段時間 見佢開返 就黎捧下場😂之前一直食開胡椒豬肚湯底👍🏻誠意推介胡椒豬肚湯菜底🍲自選餸：牛楠 豬大腸湯底好濃 好香胡椒味 飲完feel到有啲辣辣地咁 好熱身😂豬肚洗得好干淨 冇騷味 亦都冇雜質系湯到🥰牛楠🐮炆得好林 入曬味😂豬骨濃湯粗麵自選餸：豬軟骨 菜肉雲吞重開後 新加串燒小食✌🏼翠玉瓜🥒好Juicy☺️大推呀雞翼同雞軟骨都好惹味🥳不過韮菜份量略嫌少左啲🙈點餐紙：鋪頭位置距離寶琳站3分鐘路程 非常方便💛重開後新加串燒小食真系幾驚喜👍🏻而胡椒豬肚湯水準依舊🥇不妨黎試下💛

差！唔覺得食緊車仔麵；似喺屋企自己煮的麵！豬大腸無味兼硬的！湯底油油地！另外叫咗蒸燒賣，又凍又硬又咸！最正常嘅可以話生菜～～未食過咁求其的車仔麵；前後比過兩次機會！冇可能再會食第三次囉！劣質

之前食過幾次車仔麵 覺得無咩特別🙈見佢第5波疫情重開後加左即燒串燒 就叫左d試下～估唔到味道有驚喜！價錢仲要好相宜😛燒魷魚筒：燒得剛剛好 魷魚嫩口 完全唔鞋又無筋無衣👍魷魚鬚尾位係脆卜卜架 超香口😋個汁甜甜地 唔會太鹹 加埋芝麻調味 成個配搭好好🤤燒牛舌：呢個又係好驚喜！牛舌厚身得來夠爽口 又有牛味encore之選🥰另外再嗌左d多春魚 牛柳粒 雞腎之類～款款都好食😋肉類普遍都juicy 調味唔算重手 食完無話好口乾👍我地每人再嗌左個車仔麵（當然只係配一兩個餸，如果唔係食唔落😂）超級飽 埋單每人唔使100蚊🤫性價比極高！

今日去買車仔麵發現間店同以前唔同咗，間車仔麵好質咗。加咗6蚊轉咗做胡椒豬肚湯，覺得個湯底好，仲有份豬腸同豬軟骨都鹵得都好入味，而且串燒都有好多選,不過串燒就要等耐少少囉叫咗4，5串等咗20分鐘，不過d串燒食完又真系唔錯，起碼唔會燒到干硬化，串雞腎爽口唔柴仲有少少汁，出奇地可以。下次先工經過要再幫襯

人住將軍澳，見佢開返 。入去試下，新加左串燒。心諗車仔麵加串燒 ，係咪踢波加唱歌呢?試左D串燒又好似唔錯。個茄子原條又唔係太咸又有蒜蓉味。佢又有羊架，抵死在個價錢比出面平吖嗎，係出面食最小都過80啦，佢就平平地（ 價$就唔講啦）。個麻辣湯底又值得一讚，係香港食麻辣一係死辣一係就甜辣，佢就有D驚喜，一入口咦普通湯咁，點知過幾秒個後勁就嚟啦，如果唔知一大啖飲左佢都幾係。個麵幾十蚊係值既。遲D試埋佢個鱿魚鬚再報比大家知

想支持好耐嘅黃店聽身邊人話都幾好食咁啱今日黎寶琳就黎試下見墙上有推薦+$8 嘅檸檬薏米水落單嗌咗杯話得翻熱飲 我地都ok但一上台真係嚇親 熱飲紙杯得 6-7分滿 仲要8蚊真係好呃錢仲要好甜😅😅另一杯豆漿就偏甜但正常份量 都有9分滿豬肚湯底好正！好飲！幾重胡椒味但米線唔掛湯冇乜味蘿蔔幾好食大大塊豬軟骨就不了 好鞋。。。😅😅😅冬菇唔算好入味但都正常加咗滷水溏心蛋未食已經爛到咁都成10蚊一隻幾好食但賣相真係好差湯底ok車仔麵餸比較參次野飲就超級呃錢可一次但無下次

一兩年前食過，印象係唔差，今日想食車仔面就再去食下，唔知係咪轉左人，難食到爆哎左養生湯配油面，雞翼，豬大腸，蘿蔔，另加25蚊一碗尤魚湯底$40蚊淡而無味，有竹笙（怪味），幾條雞絲，一條生菜雞翼$10，上色但唔入味，一啲味都無豬大腸$10，呢個唯一正常滷水味，但都唔太好食蘿蔔$5，又係白烚咁最伏係個尤魚，撈啲顯汁落去，個汁味道又怪,25蚊一碗仔，但份量其實係一款餸size，豆漿一杯$6本人唔係好濃味野但佢啲野真係無味，lunch time total 食左$96車仔面九十幾蚊好食就話，係好難食，唔會再黎

價錢貴 份量少價錢貴份量少， 將軍澳寶琳區收得咁嘅價錢份量一定唔夠飽， 1面 得2丸3件齋，45元 嚟結算 ，67表情浮上面 ，八個問號還未（夠)九， 十分老襯冇轉頭。 食完之後只可以用呢一首詩嚟形容

榕記車仔麵之前見到有Youtuber介紹講到好好味好吸引，今日去開寶琳就即管試下，星期六中午時間去可直接入座海南胡椒豬肚湯 $40麵：薯粉自選餸：蘿蔔$5、酸齋$5第一啖先試佢湯底，好濃，好香黑椒味，飲左feel到喉嚨有辣辣地嘅感覺，湯底真係好出色！薯份正常，帶點煙韌口感，份量亦十足！蘿蔔有4大舊，可惜唔入味，亦煮得未夠腍，仲要食到有渣，係4舊都有，太唔好彩喇！酸齋有幾舊，味道正常！酸辣粉 $30自選餸：陳皮魚旦$8、魚肉春卷$8酸辣粉都係薯粉，酸辣醬係另上，再自己撈，配料有花生、芫茜同蔥花，食落都真係幾辣下，唔食得辣建議唔好一次過落晒，慢慢再加！餸就叫左陳皮魚旦，呢個極度失望，食陳皮魚旦就係鍾意果種相對實淨口感，完全冇，腍到爆，而且成粒都係粉。。5粒一樣係咁，我叫左辣味，佢係用清水淥熟咁，就算本身佢有俾少少醬都救唔到，真係好差，但我之前聽朋友講唔係咁，話未至於咁差，唔通又係我唔好彩😑 魚肉春卷有一條，炸到好脆，但魚肉唔多，但味道都唔錯。整體胡椒豬肚湯底其實好出色，味道香濃，飲落唔會好味精味，但其他餸真係唔得，如果水準可以平均啲就好喇！

ғᴏᴏᴅɪᴇ ᴛɪᴍᴇ 今次就食咗榕記車仔麵排咗15分鐘到先入去，上菜都好快😍食咗三餸麻辣湯（$40） 豬紅同蘿蔔都幾好味兩樣野都應該有過，所以除咗麻辣湯味，仲有其他味😆仲試咗豬軟骨，豬大腸同爆醬福州丸呢三樣餸都正常味，豬軟骨都好淋，但係福州丸得兩粒有啲少🥺

好想食車仔麵，呢度係將軍澳唯一一間出名，所以特登嚟試吓。地方幾乾淨，坐得都舒服，唔會好迫，服務員都有善，嗌咗麻辣燙底河粉配五樣餸，等咗一陣就嚟到囉！仲跟埋即棄餐具一齊來，唔怪之得枱上面冇筷子匙羹，覺得有點浪費唔環保吧，堂食都要用即棄餐具，其實如果處理妥當，重用餐具都冇乜問題，都可以好衛生。望落去碗車仔麵基本上就冇乜賣相，先講麻辣湯底，味道欠缺層次，得個辣字，冇乜鮮味，清淡咗啲，湯底係包芽菜韭菜，但係數埋都係得嗰兩三條，河粉可能本身好油，用對即棄木筷子好難先至將佢夾到上嚟，夾上來嘅時候仲有啲散，陳皮魚蛋幾特別，味道唔錯，不過冇正宗魚蛋嗰種嘅爽滑彈牙感覺，豬皮豬紅嘅份量都幾多，不過有啲濕濕碎碎，蘿蔔都幾甜，冇乜特別，反而豬大腸就幾入味，煮得都夠林。整體覺得都係唔夠傳統嘅風味，唔夠揦鮓，不過不失而已⋯⋯

今日去睇戲，順道食埋野，呢間鋪頭因為 疫情關係，曾經模過門釘，今次再戰，出發之前已經check清楚有無營業，平日下午容易搵位，因為本身腸胃剛好有啲唔舒服，點了清淡1) 招牌菇菌養生雞湯， 雞翼， 冬菇，福州魚丸米粉感想: 叫得做招牌湯低， 真係零舍唔同，有藥膳既味道，上菜時十分熱，啱晒唔舒服的我， 配菜另外分開上，做得好，唔會影響湯低味道，配菜樣樣都好平均!2) 麻辣湯底，墨魚丸，鳳爪 ，腩肉粗油麵感想: 酸麻辣湯底 ，分大/小辣， 可以迎合唔同人士嘅口味，配菜中規中矩! 有機會，會再去支持，湯低出色， 濃而不油，希望你Keep得住!

今次都係外賣自取 手機落單 去到就有得拎 唔使等今次叫咗四個餸湯底豬骨湯 加牛腩汁適合重口味嘅朋友 因為都幾夠味平時食開淡味啲嘅朋友應該會覺得鹹我個人來講覺得OK牛腩 都唔少好入味豬腸 都係好入味雞翼 比我想像中大隻同埋都係好入味㗎豬手 細細一舊但係一咬就淋晒80歲冇牙婆都食到係我鍾意嘅嘢