柚子冰室 (Closed)

第一次寫食評, 多多包涵!第二次食柚子冰室, 上次朋友帶我食晚飯, 覺得好唔錯. 埋單時收銀話佢地既早餐都好掂. 趁星期日無咩節目, 就來試一次. 一家大小連埋姐姐共4人.叫左3份早餐 - 雞扒早餐- 沙爹牛肉公仔面 - 豬扒菠蘿包 另外加左一個BB通粉 (HK$10)  俾阿仔食  呢樣啱哂我呢D帶小朋友既客人沙爹牛肉公仔面真係要讚, 味道夠, 牛肉嫩入味, 真係好味奶茶茶味濃左D, 個人喜歡奶味多D, 下次試下叫多奶睇下會唔會好D. 

餐廳裡面環境很好，服務員態度很好，服務員落單有問題，次次送錯餐既，明明叫左杯冰檸樂 （服務員俾杯熱檸茶我）服務員唔睇單做人，餐廳抽屜裡一張紙巾🧻都冇，買包紙巾3蚊雞！

茶餐廳一間食物都還可以。早餐，炒粉麵，小菜都可以。其實都想多支持去幾次，唔想畀啲大集團做曬。尤其是樓上意樂係冇乜炒粉麵嘅食物。但餐廳內成日有啲小飛飛，有次食嘢用有啲小飛飛用去咗個包度。雖然我唔肯定小飛飛係因為新屋苑原因，定係餐廳的問題。搞到我雖然住嗰度，都有啲唔敢睇附近嗰幾間舖頭食嘢。外賣的話，份量就會比較少，還沒有外賣自取優惠，可能比較唔識做生意啩。希望遲啲有改善。

今次係我第一次寫食評,實在太嬲,所以要寫, 屋苑新餐廳獨市生意,已經唔係第一次幫襯,平時堂食都ok,今日外賣E餐雞扒炒烏冬加凍奶茶少冰 ,合共價錢68蚊,個職員收我71蚊,價錢就收到足,但係份量就唔足,成盒烏冬得一舊仔雞扒,離哂大譜,激到我嬲爆燈,所以一定要寫食評 ,唔好見人哋外賣唔check就畀咁少人哋,出面好多餐廳都係咁見人外賣份量一定係少啲,但係都唔好咁離譜,做生意咁冇良心點得㗎,正一無良奸商,不過比個藉口佢,唔關老細事,可能係厨房師傅心情唔好,我唔會再幫襯囉

今日無無聊聊便行去參觀下個新屋苑，路過見到這間餐廳，見到入面裝潢幾清新，就入去食個早餐，感覺地方寬敞，招呼親切，港式味道，價錢親民，餐茶叫咗杯熱奶茶，茶底都OK，不過細杯咗少少，整體感覺良好。推

自問唔係一個中意投訴嘅人 都要特登開個ac黎講個晚餐 要成舊水 仲好搵過翠華野食係不過不失 但係杯野飲難飲過屎茶膽無溝淡做檸茶 杯檸茶澀到...第二次飲凍華田 杯野仲有啲粉響度 成杯野淡第三次都係華田 比多次機會 都係咁無下次🙃🙃 係有心做街坊生意就檢討下啲價錢仲有服務態度就廢事講 已經大把人講態度西希望格離意樂開左 你地可以維持番呢個水準🥺🥺咁就快啲無人幫襯 轉手唔好霸住個鋪位 恃住係獨市 繼續整劣飲同西客 利申 肉餅 蝦醬雞 係唔錯的👍🏻👍🏻