Zan Chee

Open Now

Now Closed

長龍韓式便當, 次次經過都好多人等外賣, 一直都好想試下 🙈 趁app有自取優惠, 我就即刻試下先.叫了糙米, 煮得夠軟熟易入口 👍Kimchi好好味, 唔算太辣 👍👍牛肉超好味, 如果可以再多啲肉就更好 🙈🙈另外仲有一小盒大豆芽菜, 全部都好好味呀 👍👍👍👍👍👍

🍱辣炒豬肉泡菜煎蛋拌飯 $75豬肉唔肥， 飯系紅米飯🍚健康👍🏻，而且配菜超豐富有煎蛋🍳、紅白蘿蔔🥕、芽菜、紫菜碎，翠肉瓜🥒、蘑菇🍄，每樣都好送飯，拌韓式辣醬好好食😝🥘辣海鮮豆腐湯 $75一樣好足料有青口、魷魚🦑，配紅米飯，估唔到湯入面有蛋🥚，個湯加左青椒紅椒都幾辣🌶️.✨小店座位唔多，以外賣為主🥡，健康多配菜仲配紅米飯，系lunch唔錯既選擇.

之前都會去CWB同沙田分店買kimchi 小食同便當, 成日都話如果附近都開ZANCHEE就好啦, 因為本人真係好中意食韓國便當, ZAN CHEE ge 便當真係好正, 味道好正宗,, 完全唔會失望呀, 新分店都保持水準我叫左豬肉便當, 小菜全部都好好食, Kimchi會偏酸, 不過我個人好喜歡依個味道如果大家平時中意食韓國菜，大家一定要試下，一定會有驚喜，好難搵到又平又正宗嘅韓式便當。下次會試湯飯set, 同樣好抵食

第一次食呢間韓式餐廳🇰🇷叫咗烤牛肉&五種配菜紅米飯🍱這家餐廳簡潔衛生，不過座位比較少，大概有10個，餐廳主打外賣。平日lunch time行過，見到有唔少打工仔買便當。烤牛肉味道濃郁，煮得好林，好多肉汁，不過份量比較少。食肉獸就唔太岩🤪配菜有一樣係蛋捲，其他係蔬菜🥗 整個便當好健康☺️餐廳重有其他野食eg: 炸雞，韓式拌飯，人參雞湯，炒年糕等等。種類都唔少👍🏻整體來講，便當好味又健康。 不過肉份量比較少，性價比一般🧐，比較岩鐘意多菜少肉既人😛

天氣太熱，近近地去買個外賣返公司嘆冷氣食今次點左韓式牛肉飯捲，一共有十件（hkd55)有好多蔬菜配料-青瓜🥒紅蘿蔔，黃蘿蔔，冬菇，仲配左蛋絲同蟹柳，加埋牛肉，簡直係配料多過飯，平時都好驚飯捲好大陣麻油味，但呢個主要食到既係大量配料既味道，女仔一個人食其實都幾飽😁呢個係韓式煎蛋捲，加左甜椒同蟹柳，開頭都會諗,會唔會無蟹肉架點建睇唔到既，食落就知又係好多配料，面且蛋捲既層數又多又厚實，都係個補protein 好選擇🙈雞肉蛋韓式拌飯- 佢地既飯用左紅米飯相對健康少少，最重要係佢地配左好多蔬菜，全部唔同色，撈埋辣醬雞蛋雞肉，能量滿滿的😆😆😆😆😆😆😆😆😆😆，絕對值得一試既韓式小食店，除左熱食同炸雞，仲有韓國肉類同餐前大量唔同拌菜，有分唔同大細同量適合唔同既人去買得閒再食下先🤫