Zappy (Closed)

平時成日都行過呢幢大廈,都見到好多人排隊.今次朋友生日一早book咗枱帶佢嚟呢間餐廳度食.我哋叫咗一份海鮮鍋入面有青口、蜆. 個汁真係整得好好味，令到海鮮嘅鮮味出晒黎.另外仲叫咗一份鹹蛋黃薯條,超濃郁嘅鹹蛋黃味,超邪惡. 仲有肉味好好重嘅無骨牛小排整得剛剛好,可以睇到廚師嘅水準非常高. 泰式冬陰功意粉好重冬陰功味，嗰種味道係好夾！墨汁帶子意粉，帶子超大粒而且個墨汁嘅味道煮到好香噴噴.間餐廳唯一美中不足嘅地方就係冷氣唔夠凍，就算開咗好大都有少少出汗嘅感覺！希望餐廳會喺呢方面會改善

為朋友慶祝生日，由於朋友鐘意食好野，但係價錢又唔想太貴，係openrice搵到Zappy餐廳，性價比極高，所以決定一試！餐廳唔算太大，但係環境乾淨又安靜，好適合節日慶祝！第一次黎到，當然要試 *香煎帶子墨魚汁意大利飯*(一定要食)，超有水準。仲有試左黑松露薯條，又係好好食，仲有試左佢地新出既蜆鍋(都係一定要食)，d汁好味到可以送飯！當然最後個甜品，芝士蛋糕都係唔錯！上菜時間都安排得好好，唔會等太耐！餐廳服務員既服務質素都好好！之後會再黎試其他野！

上月曾在這裡用餐，惜只享用單款食物，未曾滿足味蕾，說會再試，今月遵行自定諾言，又再去一趟。這回見食客比上次多，大概疫情和緩，總得外出逛逛。每道主菜約百多二百元，若加多八十八元可享套餐，會是多了無花果橙柳合桃沙律、菠菜湯及餐茶。無花果的酣紅、橙的鮮沛、青葱翠綠，配合醋汁甘飴，打開胃門。菠菜蓉湯是一碗點滴碎綠的悠遊，入口軟滑細膩，不清寡也不過份油奶。主菜試了兩款，海膽醬牛油果蟹肉意大利麵及香煎帶子墨魚汁意大利麵。前是柔和的黃後是碩墨的黑；前者混上牛油果及海膽醬，較為甜味，後者蘸上墨汁的甘咸，很甘香；前是絲條蟹肉頑皮地混合在油黃的果綠中，匿藏隱閉，後是三隻煎香的帶子乖乖躺在黑漆上，軟實可見。兩個主菜的麵質軟糯煙韌，有嚼勁。另外，試了一客意式香草蕃茄貝殼鍋，配有薯條。份量很多，夠三人份量，不過一人也可將之清鍋，因為湯底很鮮味，蜆肉很肥美清甜，吃完蜆肉後將湯清理得透徹。薯條炸得剛好，蘸些湯，吸著那香草番茄湯的淸新，是另一種味感，約二百塊的一鍋也值得一試。視覺與味覺俱備，樓上舖要穩守客源，想這裡該是備有視與味的元素。

呢餐晚餐食得好滿足，係味道上嘅滿足，朋友都話呢間西餐好好味😄而且叫咗個主菜可以加幾十蚊就有個套餐，真係唔錯架！加上餐廳嘅環境都幾有格調，黃色嘅燈光，加上室內嘅環境有種溫暖嘅感覺，令人似置身於屋企用餐咁。今次前菜叫咗個海老蝦春卷，賣相吸引之處在於佢唔似一般春卷咁粗，而係幼身啲嘅，睇落去比較精緻，食落去味道亦是我同朋友大讚的，因為好酥脆，蝦嘅鮮美都好出，配埋佢個醬就更加有層次感，令人食完一條就想食第二條，真係值得叫嘅一道前菜！叫咗兩個主菜，第一個係檸檬大蒜燒三文魚，一上菜已經聞到燒三文魚嘅香味，而且賣相都係好靚，因為三文魚上有兩片特色嘅檸檬片同碟上嘅擺設都係好有心思的，三文魚嘅熟成程度剛剛好，肉質不會硬，旁邊嘅薯泥都絕不失色，鹹鹹地口感有點滑，十分好味。第二道道係海膽醬牛油果蟹肉意大利麵，每食一口味道都好豐富，牛油果蟹肉嘅鮮甜味，海膽醬嘅鹹鮮味，麵質都好有咬勁，每食一口都同朋友講真係好好味😋😋😋同埋都要讚一讚餐廳嘅廁所係獨立間而且幾整潔。

位處十三樓，兩面玻璃窗，滲透黃昏之夜，提升格調的高雅。座位約三十，環境舒適寧靜，有一份雅緻清靜的感覺。同行染病爽約，但不想取消訂枱，故獨霸一枱。時間尚早，亦值食肆限令一枱四人及每枱相隔一點五米生效之日，暫且亨受個人的寧靜。見餐牌每道食物配搭，有心思，也很合大眾胃口。驟然想試所有，故是妄想，惜得一人，食量有限，不能多嚐。叫了黑醋汁安格斯牛柳，以及一杯橙汁。牛柳有薯蓉及火箭菜作佐料，七片長長暖紅的牛柳肉，如同嬰兒面頰的嫣紅，肉滑質嫰，每片切開三小片，蘸上醋汁，更馥郁迷人，若然嗜酒，配杯紅酒香，酒體的柔和更加特顯牛的味質。見一枱男女客到埗，將一支紅酒交到侍應手上，待餐上時用，想該是增加這個效果。再來一枱四人客，聽他們點叫的食品，正是心屬的，就待下次再光顧淺嚐。

今晚噤啱經過銅鑼灣附近，就去朋友介紹我去試嘅一間樓上餐廳食店試吓先上到去見店舖嘅裝修和環境好舒服，望吓餐牌都好多選擇好多都好吸引，好想樣樣都叫來食，但一個人又試唔到太多唯有試過好食，下次再同朋友來食過黑松露薯條：熱辣辣香噴噴，好香黑松露味薯條香脆美味，鹹味適中香煎帶子墨魚汁意大利飯：好香海鮮味，意大利飯煙煙韌韌入口好香墨魚味好creamy，帶子煎得好好，外脆內嫩食完覺得呢間餐廳唔錯，多謝朋友冇介紹錯

晚餐黎講我覺得叫主菜再加SET DINNER最抵食!呢間真心性價比高,環境舒服價錢都唔太貴,好有慢活既FEEL。湯係蕃茄湯,好濃既蕃茄味,酸酸甜甜,可能我好少飲蕃茄湯所以好有新鮮感同驚喜。店員見我飲完湯就上沙律,係我最愛既無花果核桃橙沙律,有新鮮水果又有補腦既核桃,食完覺得平時返工既辛勞都一掃而空。主菜叫左帶子墨汁意大利飯,帶子有成3粒,粒粒都燒到好香,好好食!墨汁令每一粒意大利米都好飽滿多汁。食完咁多野就叫左杯玫瑰花JASMINE TEA,好有花香,好清心。呢度既店員細心,每道菜都逐道上,唔會覺得趕時間,好享受。

Zappy位於銅鑼灣，非常方便，上到餐廳好乾淨，開揚同舒服。服務都好主動同積極。另外洗手間極大極乾淨，加分。.黑松露薯條，香脆，大份，好有黑松露味，4個人都夠食.墨魚汁帶子意大利飯帶子新鮮爽口彈牙，墨魚汁好creamy, 飯粒都難得地岩岩好地係risotto既質感.海膽醬牛油果意大利麵好香好creamy, 但係，海膽同牛油果出奇地夾，好味不heavy, 兩個main都好足料同夠食.整體黎講好有驚喜，價錢都好合理，cp值高

樓上高質素西餐廳，朋友介紹左我去一間樓上西餐廳，環境好大好舒服，周圍都是綠油油既裝修，而且空間感好足夠。dinner時間人客都唔少，menu入面選擇好多好豐富。我叫左一個牛肝菌濃湯。牛肝菌味道好重好濃郁，入口菌味濃厚，菌香重又濃，入口好幼滑，忌廉好香好重奶香。main course叫左雞肉南瓜意大利飯，risotto煮得好軟腍，飯心帶啲咬口，西餐賣相最吸引！南瓜原個燒香放入意大利飯，每一口南瓜鮮甜，驚喜賣相！

第一次黎呢棟大廈食野，原來咁多人排隊搭𨋢，起碼等左三四部𨋢先上到。今次係為生日飯而黎到呢到食，同以往一樣無乜睇過食評順綷打開個app有得訂座就試。味道用文字難以形容，總之物超所值。值得親身去試。保雲酥波托貝勒菇轉左套餐，呢個係跟餐沙律🥗咸蛋黃薯條🍟（呢個無乜味，我下次會叫黑松露薯條）是日餐湯，蕃茄濃湯🍲最好味的南瓜雞肉意大利飯香烤加拿大豬鞍（肉偏乾身，但啲洋蔥，蜜糖芥末醬好味，薯蓉好滑）檸檬大蒜烤三文魚柳（配檸檬牛油汁）蜜桃雪葩（蜜桃外殻是冰無乜味道，但入面個雪葩就超正）白朱古力芝士蛋糕（好好味，又唔太甜）付款種類多，服務好，上菜時間適中，一定會再去！

今天工作不順受了委屈，最直接舒緩的方法就是與好友吃頓美味的晚餐，用美食釋放心中的冤屈，好朋友帶我來到這間位於銅鑼灣耀華街3號百樂中心13樓的Zappy Cafe & Bar（鄰近時代廣場地鐵出口A)餐廳細細但座位之間空間寬躺一點都唔逼夾好適合談心好地方，裝潢簡單清靜清幽雅，燈光柔和。門口有一邊牆身鋪上了草坪掛了兩盞油燈，餐桌椅子全是黑色，一大塊落地玻璃窗，可以看到的銅鑼灣黑夜景色。黑松露薯條薯條幼長身完全沒有油氣味道，熱辣辣的上枱吃落很香脆再配上黑松露香味濃郁四溢。海膽醬汁牛油果蟹肉意大利麵一個字鮮，口感鮮甜濃郁味道海膽醬汁，蟹肉，牛油果相互融合。扁意大利煮得剛剛好不太硬也不太腍。蟹肉鮮甜啖啖肉玫瑰茉莉花茶清甜滋潤、既可美容，又可以潤肺。非常之滿足～美味佳餚。

呢間小店已經好有聖誕既氣氛,有好多燈泡同聖誕既擺設,突然好期待聖誕既來臨呢!個餐牌好簡潔但又好有格調,因唔太肚餓,只叫了個頭盤,係煙三文魚蟹肉蟹子卷,好似食緊壽司咁,好有創意好好味,蟹肉蟹子份量多,好有口感,有唔同既層次。飲品都叫左比較有變化既PEACH MOJITO,真係有大大舊既PEACH,LIME JUICE同MINT LEAVE份量都好多,味道好豐富,連酒精份量都好多,飲完真係醉醉地。甜品就叫左個法式VANILA CREPE CAKE,味道有自家既特色,CREPE既SKIN同CREAM都好平均,好好味,裝飾都好有聖誕既感覺,好似見到好多雪咁。店員既服務態度好,好享受寧靜既晚餐,開心呀!

🍂情調Cafe🍂沒想到在鬧市中，竟然有這樣一間優雅有情調的Cafe，可以在下班之後，一邊欣賞美麗夜景🌃，一邊享受精緻美食。餐廳裝修簡約大氣，很多細節的裝飾上，可以看出老闆很有心思❤️氣氛休閒浪漫🌹適合情侶約會，也適合朋友聚餐。下次如果妳正好在附近，一定不要錯過！.無花果柳橙核桃沙律🥗$88擺盤精美，用料新鮮上等。最喜歡無花果的清甜，還有香橙🍊的爽口，配上火箭菜，灑上碎芝士，就已經很有味道了。沒有添加沙律醬，所以，口感更加真實，開胃菜來說，是很清爽的。.海老蝦🦐春卷$68很精緻的頭盤，酥脆的外皮下包裹著新鮮的🦞海蝦，特色在於秘制的醬汁，有淡淡的芥末味，讓整個春卷的味道一下子亮了起來.黑松露薯條🍟$68我的最愛，隔壁桌也點了一盤，看來是可以上推薦榜單了🍟❤️黑松露品質高，特殊的味道，讓你停不住口。還有碎芝士作為調味，豐富了味道和滿足感。不能錯過的小吃😋...Zappy (铜锣湾)铜锣湾耀华街3号百乐中心13楼1303室

小店小驚喜星期六晚上到處人山人海，見到這家不少好評，膽粗粗一試一去到餐廳發覺座無虛席，難怪好評如潮而且服務並沒有因為人多而失色蟹肉煙三文魚卷開胃前菜，沒有介紹錯，值得試白汁煮青口平時對青口沒有太大好感，但是Zappy烹調方法恰到好處，可以encore~黑松露薯條略為失望，因為不夠乾身海膽醬牛油果意大利粉雖然這是招牌菜，感覺還是中規中矩，不過不失～Rib eye steak反而佢個肉眼扒整得好好，下次亦會在點這個！

銅鑼灣百樂中心十三樓呢度，有間細細哋嘅小店。🌃 雖然環境細，但係設計簡潔，出品亦高質。⁣⁣✨⁣⁣⁣⁣海膽醬牛油果蟹肉意大利麵 ($168) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣全部意粉沾上滿滿嘅海膽醬，好濃味。😚 再加上蟹肉，令到鮮味更加突出。🦀 而且加上牛油果，反而有種清新嘅感覺，好夾。🥑 意粉咬落都好彈牙，唔淋，口感好好⁣。⁣🍝⁣⁣⁣⁣法式雲呢拿千層蛋糕 ($48) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣一個好嘅千層蛋糕當然餅皮要薄，而呢度嘅都ok薄。🤏🏻 而忌廉做得特別出色，因為好有雲尼拿香味，入口亦都重cream味。🥛 質感夠輕軟，而且層次分明，唔錯。⁣😋⁣