Zecond (Closed)

今日放假好悠閒，喺港島上環區行下行下見到有一間有主食menu嘅cafe就入去順便食埋lunch🍽一入咗佢以為餐廳好細，但原來佢係有分上下兩層，所以座位安排都好足夠👍🏻叫咗個香烤煙燻鴨胸(＄138)，隨餐仲附送是日先製濃湯🥣，今日嘅湯係鵝肝菌濃湯，湯嘅質感非常濃稠，而且好順滑creamy，飲完個湯其實都飽咗四成～🥩煙鴨胸香燻味超濃厚，每一啖食落都覺得好香口，又唔會有膩滯嘅感覺，配菜有火箭菜同埋薯餅，食完感覺好滿足～🫖跟餐加15蚊仲有飲品附送，而家天氣咁凍，我就揀咗暖笠笠嘅養生花茶柑橘味，味道甜甜酸酸，食飽飲都幾適合～

Zecond 位於上環蘇杭街126號，今晚約了兩位朋友食晚飯。餐廳外面設計給人感覺好高尚，估不到入內完全沒有裝潢設計，空間逼夾。打開餐牌價錢大眾化在上環區嚟講係滿平我們叫了3道菜套餐有加拿大豬鞍+ 加拿大野生三文魚柳+ 海膽醬蟹肉牛油果意大利麵食物上枱擺盆滿精緻望見應該會美味可口，加拿大豬鞍太乾，加拿大野生三文魚柳好腥無魚味，海膽醬蟹肉牛油果意大利麵好稔味度過重真係爭啲，整體係好－般，但服務員態度和藹。

今次特登上嚟寫我第一篇係openrice 嘅食評，因為每一道菜都真係好好食，覺得大廚應該係一個熱愛食物嘅人😊😊😊 每道食物都用心製作，好有層次，另外環境同服務都好好👍 $158 三個course 仲要包埋飲品性價比好高!! 我同朋友另外加錢upgrade左兩個starter,大份到好似多左兩個main咁！成班朋友食完都好開心好滿足呢間係我2022食過最鍾意嘅小店，真心推介🥰一定會再返嚟食😆🥰😍😊

今日去搵上環附近做野既朋友，係OpenRice 見到衣間餐廳comment 都幾正面，同埋有得訂位，於是就選左佢試試。佢個價錢係中上環黎講唔算好貴，個set 都幾全面，有starter、有main course、有甜品，同埋有野飲，仲要係一支支樽裝果汁或者咖啡，所以cp 值都幾高我地冇選沙律，選左牛肝菌湯，唔錯，個湯幾濃幾滑，好香牛肝菌味。Main course 我選左海膽醬牛油果蟹肉意粉，好濃，好足料，係見到大大粒粒既牛油果同一絲絲既蟹肉，都唔錯，份量好足。朋友選左煎鴨胸，雖然偏咸，但點返佢個汁可以中和少少，肉質有彈性，都唔錯唯一美中不足係個甜品，個crème brûlée 超甜，甜到一個點，雖然滑但真係甜得過份。我地見隔離台都食剩左佢，希望改善下甜度衣個問題整體黎講，咸食唔錯，甜品一般般啦

店裡面既空間雖然唔大但有兩層而且乾淨企理🦆 香烤煙燻鴨胸🍝 海膽醬蟹肉牛油果意大利麵🐔 卡津孜然雞扒🥣 牛肝菌蘑菇忌廉湯🥗 煙三文魚牛油果沙律🥧 蘋果撻🍫 朱古力榛子碎餅🍰 拿破崙🫖 白葡萄烏龍午餐$158加一🍽✨包左三道菜(前菜、主菜同甜品)加飲品款款菜式都好好味而且感覺好用心去整食到勁飽咁落樓🤰🏻 我覺得CP值幾高呀👍🏻自己就特別中意個菇湯、海膽醬蟹肉意粉同煙鴨胸😋菇湯既菇味好香濃好好飲😋海膽醬蟹肉意粉啖啖都好濃郁但又唔會覺得膩😋海膽醬既味道唔會腥再搭埋蟹肉同牛油果好夾👍🏻煙鴨胸既肉質好嫩滑而且充滿煙燻香味😋沾埋伴碟既莓醬一齊食令味道更有層次👍🏻成餐飯都感覺到好有誠意呀👍🏻 值得一試再試❣️

第一次喺openrice俾評語🙂。我係買酒店package包左呢間餐廳嘅晚餐，餐廳可以用whatsapp book位。環境：餐廳有兩層，我地有小朋友所以坐左下層方便d。 環境當然不可跟酒店餐廳比較，但乾淨企理，坐得都舒服。食物： 食物係好好食👍🏻，賣相又好，不是一般連鎖西餐廳嘅質素，感覺每樣食物都有花心思同設計，配搭得好好，好高質。餐牌上有啲食物package包左，另外都可以加錢upgrade做牛扒/羊架嗰d。我揀的食物都不用加錢：牛肝菌餐湯，沙律，米仔粉，雞扒，布甸，全部都好有誠意。我小朋友不停話好食，佢最中意湯同布甸。價錢：價錢set得相當合理，性價比好高。服務：感覺係家庭式經營，服務友善主動，上菜都快，唔會要你加錢叫其他嘢。 p.s. 1. 如果辣嘅食物係餐牌加返個標誌比較好👍🏻 2. 有bb餐凳同埋小朋友餐具會更佳

這間小店嘅老板之前在銅鑼灣樓上鋪開咗幾年，啱啱移師到上環，一於將客人最喜愛的餐點帶俾上環的客人，老板兼大廚最近啱啱接手自己做，雖然店名同銅鑼灣間店唔同咗，但食物出品一於貫徹到底，由於依家限堂食令無得做晚市，唯有將營業時間稍作調整，由朝早8點早餐開始一路到午餐下午茶，早餐和下午茶餐單是一樣，午餐就有7款選擇並且直到下午5點，在老板兼大廚精心炮製下，款款受歡迎。所以行過路過這家小店，你一定唔好錯過😋

上環有家西餐廳開張了，以全單八折吸客，包括午餐、茶餐和單點。同伴一再叫我「順便」去看看，優惠結束了沒有，原來一直心繫於「抵」；細看午餐餐牌，路線和價位與同區 “Eat-and-run” 型食肆十分不同，不過除了有八折 (另收加一)，還有無限添飲的凍檸檬茶附送，對於想在 lunch hour 「唞啖氣」而有消費力的上班族，倒是有吸引力的。這天終於「成行」，而我們到得比較晚，剛趕及午餐時段，而且人潮已散，可逍遙地享受任飲唔嬲的凍檸茶。更好的是，店方願意讓我倆「獨佔」閣樓，在 cozy 的餐飲空間撐枱腳！我們的確來得比較遲，屬意的牛扒午餐已完售了，於是由同伴發辦，選了兩款她想試的菜色。而我，除了幫她解決每碟一半的份量 (然而不是「陪食」啊，我是很認真地吃的)，也受惠於她比我精明的選擇。店方預先問了我倆，是否兩個餐share來吃，並給了另外兩個碟，讓我們迎接先上桌的海膽醬牛油果蟹肉意大利麵。入口相當有驚喜，海膽味濃郁而沒腥味、與牛油果的smooth搭配完美而不膩；也吃得出鮮拆的蟹肉 (因為吃到一點蟹殼⋯⋯笑)，意粉亦煮得剛好並入味。原來這是小店招牌菜之一，店方也建議客人分享這主菜，可以盡快吃完

在一個月前，發現上環蘇杭街有兩間新餐廳，分別是柴犬主題裝潢的 Shibar 及當時仍未知店名，只貼上紅紙的 Zecond！最近再經過這一帶，才發現有 Feature wall 的西餐廳 Zecond 門面吸引，加上幾次經過，店員也在門外落力拉客！便打算幫襯一吓！這裡佔地兩層，地下那層以淺紫色為主調，配白色餐桌椅，選用金色餐具；上層則以粉紅色為主調，配木餐桌椅，選用黑色餐具，格局完全不同！卻是缺乏裝飾擺設，感覺單調！地下那層：上層：洗手間設於上層！店內播放音樂營造氣氛！ 令人也感到輕鬆！如果，上層增添裝飾點綴，亦可掩蓋玻璃窗外的舊樓背景！整體店內裝潢相對單調！驚喜不大！聽女店主講，可以包場：兩層合共可容納 30個人！當我未入座時，女店主先問我想食什麼，幫我先落單，我掃完安心出行便入座！跟女店員講開，才得知大廚是法國藍帶學廚藝！相信品質有保證及水準吧！MenuLunch menu (Soft opening) 每日供應，包括週末頭盤+主菜+飲品配凍檸檬茶，無限添飲；轉其他飲品半價優惠！新開張優惠全單 8折 付款方式：現金、八達通、支付寶、信用卡...等！店方好體諒及配合上班一族，出食物算快