Video
5-min walk from Exit A3, Wan Chai MTR Station
continue reading
Telephone
92633516
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
喺灣仔搵到一間小清新嘅西餐小店，裝修簡約純白，地方雖然唔算大，但環境舒服，氣氛好靜謐，啱晒想同朋友食飯傾偈或者簡單食餐舒適晚餐🥣-🍴Tasting menu for 2 ($576)🍄Mushroom soup頭盤係一碗濃郁嘅蘑菇湯，味道香濃，質感順滑，唔會太重口，飲完暖胃又舒服，配上酥脆嘅多士好夾🍞🥗Berry Salad沙律用咗幾款莓果做配搭，酸酸甜甜，沙律菜夠新鮮，食落清爽得嚟又唔會太單調，仲有啲核桃增添口感🫡🍕Diavola 係薄底嘅辣肉腸pizza，邊位烤得夠香脆，辣肉腸味道幾突出，微辣嘅感覺帶出咗芝士嘅香濃，餡料唔算話好多，但每一啖都啱啱好，口感同味道都幾豐富👍🏼🍝冬蔭功蝦仁意粉呢個意粉算係幾特別嘅，冬蔭功醬汁酸辣帶椰香，味道濃郁但又唔會搶晒主角位~蝦仁大大隻，肉質彈牙，啖啖都食得出幾新鮮，係今晚幾有記憶點嘅一道菜🫶🏻🍋Lemon tart & 🍎Apple tart檸檬撻撻皮酥脆，檸檬餡酸甜平衡得幾好，味道夠清新，食完幾解膩，另外蘋果撻嘅餡唔會太甜，仲帶少少肉桂香，配埋暖暖嘅撻皮，作為呢餐嘅結尾唔錯🤩餐廳唔算話好大，但勝在靜靜地幾舒服，有少少隱世小店嘅感覺。每道菜味道都幾穩陣，唔會太浮誇，但又有啲小驚喜位，例如個人幾推薦嘅冬蔭功意粉🍝服務員態度親切，上菜速度亦都唔錯，係一間可以再嚟，慢慢試其他菜式嘅餐廳~
continue reading
今晚同朋友去咗呢間喺灣仔新開嘅餐廳，佢有啲似Cafe，感覺小清新，真係好啱年輕人啊！而且出面仲有地方可以比狗仔同主人一齊食嘢，成個感覺好chill～今次我哋就食咗兩個都係tasting Menu嘅，咁就可以揀一個前菜、一個主菜同埋一個甜品❤️雜莓橙柳合桃沙律（素）我個人最喜歡這個！沙律清新可口，草莓和藍莓與橙子的酸味完美結合，搭配香脆的合桃，蜜芥醬更增添風味！而且非常健康啊！🧡冬蔭汁藍青口鍋藍青口在冬蔭汁中浸泡，帶來濃郁的香氣。配上一片香脆的烤麵包，完美的海鮮享受。🧡山葵醬蟹肉薄餅真係第一次試！薄餅是薄皮的，蟹肉分布均勻，山葵醬添增了獨特的香氣和微辣感，薄餅底部酥脆，是一款令人驚喜的小吃！🧡拿坡裡辣肉腸火腿意大利麵意大利麵是這裏的招牌，因為他們都是使用手工意粉。搭配香辣的拿坡裡肉腸和火腿，番茄醬的酸甜平衡了肉類的油膩。🧡提拉米蘇咖啡的濃郁與奶油相互交融，但我個人更喜歡更多的咖啡味🧡咖啡焦糖布丁個人覺得如果上面嘅焦糖可以有火槍燒過，令焦糖變得香脆就更完美了！整體體驗非常好，服務質素很不錯呢！特別欣賞佢哋係你食完一碟再上另一碟，令食物保持熱度！
continue reading
週末同朋友小聚搵間cafe坐下傾偈☕️呢間最近新開嘅ZECOND 就喺利東街隔離位置非常方便就腳 餐廳環境都好雅致舒服✨好適合週末嘆杯咖啡chill下🥰🥗雜莓橙柳合桃沙律($108)頭盤先嚟個清新嘅水果沙律開開胃Mustard dressing 配新鮮沙律菜同鮮果 酸甜酸甜🍊水果有草莓 藍莓 香橙 全部都好甜又多汁🍓加埋合桃更有口感 整體搭配得好好👍🏻🥣牛肝野菌奶油濃湯 ($68)湯頭用牛肝菌打碎令菇味好香濃 🍄🟫加上light cream令到湯飲落好smooth配埋香脆麵包一齊食係絕配🍞🍕拿坡里辣肉腸薄餅 DIAVOLA ($128)Mozzarella 加辣肉腸嘅經典組合永冇出錯餅底係薄批 批邊好似餅乾咁脆 一定要趁熱食！🔥🍝冬蔭大蝦意大利麵 ($168)創新嘅fusion意粉當然要試下 大蝦脆身爽口🦐雖然冬蔭功味唔算好出 但辣辣哋都幾惹味意粉偏彈牙有口感 唔會過淋 加分！👍🏻🍋檸檬批 ($48)🍎蘋果批 ($48)甜品試左2款批 味道偏甜 檸檬同蘋果味略微不足下次再試吓其他甜點！🏡ZECOND (灣仔)📍灣仔汕頭街4號廣泰樓地下A2號舖
continue reading
咁岩朋友發現呢間手工意粉，就咁睇有少似家庭式咁，成間餐廳得7張枱，但坐走廊位附近有啲唔方便，全程都要攬住個袋食野前菜*雜苺橙柳合桃沙律 $108*冬陰汁藍青口鍋 $138幾鐘意沙律裡面額外落芒果汁，甜甜地幾開胃，青口有小燭爐一路燒住，保持啲湯温度幾好，仲配麵包可以索汁，作為前菜嚟講幾好主菜*冬陰大蝦意粉 $158*帕爾瑪火腿薄餅 $158意粉散發淡淡蛋香，而且好吸醬汁，而且酸辣好出眾，蝦都大大隻夠新鮮爽口，薄餅用薄批，都幾脆口甜品*提拉米蘇 $58*蘋果批 $48前者每層不規則嘅比例睇得出都係佢地自家製，第一啖咖啡味唔出，但之後會慢慢滲出黎，蘋果批底偏實，略厭唔夠濕潤
continue reading
話說上個禮拜同班friend去咗灣仔呢間隱世小店試菜，真係有驚喜！門口清新，一入去就聞到陣陣牛油香，即刻醒神晒。今次食咗佢哋三款招牌菜！**第一道：忌廉汁煮青口** 青口浸喺啲奶白色忌廉汁入面，仲有啲蒜片同香草浮下浮下。夾隻青口入口，嘩～個汁creamy得嚟唔會漿住個喉嚨，仲帶少少白酒香，最正係啲青口煮得啱啱好，咬落去爆汁嗰吓真係「叮」一聲醒腦！最抵讚係用個熱辣辣嘅鐵盤keep住溫度，食到最尾嗰隻都仲暖笠笠，抵我哋成枱人搶住用蒜茸包「唧」晒啲汁嚟點！**第二道：海膽醬蟹肉扁麵** 見到個名已經流口水，實物仲誇張——啲扁麵鋪滿晒一絲絲嘅蟹肉，面頭仲有舊海膽好似皇冠咁坐鎮！撈勻啲海膽醬嗰陣，成碟麵即刻變咗金黃色，入口個味道好得意，海膽嘅鮮甜同蟹肉嘅海水味撞埋一齊，竟然有種「喺海底食緊大餐」嘅感覺！麵條煮得al dente，咬落去仲有少少彈牙！**第三道：檸檬批** 食到呢度其實已經八分飽，但個檸檬批一上枱即刻開返個胃！佢個賣相超精緻，脆脆嘅餅底上面係檸檬！
continue reading