真心 (Closed)

今日同上司去中環見客，個會議係蘇豪區果邊，走嘅時候上司話請埋我食晚餐，我當然卻之不恭啦😂我地係附近搵餐廳開餐，一直行到士丹頓街都冇乜idea，剛好見到一間新開張嘅日式餐廳，裝修精美，上司就決定走入去try try。餐廳環境唔錯，柔和嘅燈光、牆身水畫圖案同深啡色嘅擺設都配合得唔錯，我地坐左係近街道嘅位置，街道其實唔算多人，仲有靚靚跑車泊左係到，對面係酒吧，附近高樓大廈唔多，環境幾清幽，係到品嚐美食非常寫意。😌刺身拼盤A天氣咁熱，上司話頭盤當然要先食個刺身啦，呢個刺身拼盤有三文魚、帶子、北寄貝同八爪魚。刺身好鮮甜，最驚喜係估唔到八爪魚同北寄貝味道都好鮮而且有口感之餘唔會太韌，質素非常高。👍原條鰻魚飯 鰻魚一直都係我嘅最愛，148蚊大大份，原條鰻魚配日本珍珠米飯，個飯仲大過我個拳頭，米上面灑滿木魚碎，鰻魚非常厚身嫩滑，整體味道非常好，讚。👍總括而言，餐廳環境、食物質素都非常高，雖然餐廳係蘇豪美食區但價錢親民，份量又足。另外服務亦相當到位，一入餐廳時侍應姐姐見我地咁熱，一坐低就即刻問我要唔要一杯凍水，十分貼心。😚

中環蘇豪美食區餐廳愈開愈多, 餐廳種類亦非常多元化, 今日約老友係附近開餐, 佢推介呢間位於士丹頓街剛開業嘅日式小店: 真心Zen。我地6點半已經到餐廳, 由中環行人步手電梯直上, 係士丹頓街右轉就到, 係中環蘇豪美食區算比較易搵。😆由於到餐廳時間尚早, 客人未多, 餐廳唔大, 只有6, 7張枱, 牆身以油彩畫了多幅日本地標, 加上日式嘅擺設, 非常富有日式風格。🇯🇵餐牌設計簡約, 不過食物款式好多, 我地先點左一客海盜船同老友最愛嘅鰻魚飯share食。海膽吞拿海盜船 $128呢款用海膽同吞拿魚腩蓉製成嘅海盜船非常大件, 海膽同吞拿魚腩蓉非常飽滿, 配以腐皮包成嘅巨型壽司, 每一啖都非常鮮美。😍原條鰻魚飯 $148鰻魚飯係以板上的, 飯量非常多, 雖然唔係炒飯, 不過顆粒分明嘅珍珠米混有鰻魚醬汁, 非常惹味, 鰻魚原條上, 兩個人share都超級滿足。😋食完呢兩款份量咁大嘅食物已經好飽, 再食唔落, 呢度食物嘅份量好誇張, 下次要同多d朋友黎先可以食到多d款式。😆餐牌

今日同朋友去左舊警局個大館睇睇，然後跟住個行人天穚一直行，行左上去蘇豪搵野食食！😊周圍都好多特色野食，間間都好高级咁！主要食西餐多。再行上d見到呢度有間食日本野既餐廳。見到佢個餐廳名吸引左我地，《真心》。行到我地身水身汗，唔想食熱野，日本野岩哂我地，見價錢都合理，就決定揀呢間。😊😊入到去餐廳很有日本色彩，牆壁都是日本油畫，都幾靚喎！😊餐廳唔算大間，適合2-4人坐。而我地就選擇左望住街景既位置，望住出面，傾下計都幾有feel。野食方面都係食丼飯，串燒，燒物為主。見到有個丼飯 二人前食，平時都係一人一個。呢度有得叫大大個丼飯一齊share好似幾好。所以就叫黎睇下有幾大個喇！個丼飯真係幾大，而且賣相都幾靚喎！有7款刺身！咩都可以試下 😋😋三文魚腩，好肥美好厚！食落好鮮甜.大大隻牡丹蝦，鮮味十足又彈牙！帶子，油甘魚腩，八爪魚，北寄貝，鯛魚。仲有吞拿魚蓉，用黎餸壽司飯食就最岩！份量都大，所以兩個都食得飽。另外再叫左份燒三文魚 食。燒到外皮脆卜卜，尤其腩位係最好味。脂肪位最多，魚香油夠哂多，食落好滑！正。

同朋友黎到蘇豪區少不免飲番幾杯，飲酒之前就揀咗呢間真心墊下個胃先～呢個係店員推介嘅鬼佬燒賣，原來係黎自馬來西亞嘅燒賣，同平時食開嘅港式燒賣唔同，佢個口感比較腍，魚味濃好多即叫即炸，所以上枱熱辣辣，份外好食！個燒賣無論點沙律醬定係麻醬都好食㗎我就叫咗個鰻魚飯，外表同大細都相當有誠意，目測條鰻魚過25 cm長！！上面鋪左海量嘅木魚同紫菜絲，鰻魚味道唔錯，可惜比較薄，食起上嚟少咗個肥厚嘅口感，但係以佢嘅價錢來講已經比我預期中出色紅寶石丼睇返英文先留意到佢係吞拿魚丼，個丼飯上面鋪左滿滿嘅吞拿魚腩蓉 吞拿魚腩蓉既質素都OK，如果啲飯可以再硬番少少就更加好！整體黎講，質素都比想像中出色，價錢又實惠，可以一試！

蘇豪區除咗酒吧之外，其實仲有好多餐廳。今日去到士丹頓街見到一間日本餐廳，就行入去醫吓肚先。行到入去，見到牆上面都畫滿晒日本嘅風景。打開餐牌見到有，刺身/炸物/燒物/丼/卷物我就叫咗個紅寶石丼，即係免治吞拿魚腩。魚油甘香 兼新鮮嘅吞拿魚，加埋肥嘟嘟嘅米一齊食。好好味炸蟹鉗，炸到外皮金黃色，入面係蟹膠。仲可以點唔同嘅醬，麻醬同埋沙律醬。最後就叫埋個海龍皇卷，有蟹籽/麻醬/脆脆，卷裏面隱藏住吉列大蝦。食落少少酸幾醒胃。面頭有d脆卜卜，好似薯片碎，入口更添口感。下次等天氣無咁熱時，可以坐外面嘆下啤酒🍻

周日黎到蘇豪想chill 住食就搵左呢間外貌似bar ge 係日本餐廳。下午嘅2點半左右，店內只有一桌客人。熊本熊、minion融入左日本地標嘅油畫牆上，好有創意又唔突兀！呢間日本餐廳主要食丼飯為主！隨餐會跟沙律同麵豉湯。盛湯嘅器皿好cute, 麵豉湯略鹹。盛宴-五色丼 $148［三文魚、帶子、油甘魚、帶子、北寄貝、牡丹蝦］刺身每款都鮮甜味美，賣相同味道呢間都幾得！油甘魚、帶子都好肥美。牡丹蝦大隻鮮甜。霜降紅燒牛扒丼 $168厚厚粉嫩嘅牛扒舖滿整個丼飯，香味四射！食落好juicy,牛味濃唔韌。煎完嘅肉汁浸晒白飯度，好好味。感覺有點係日本食到嘅火山牛肉丼口感！

近排有些私人事務要處理，多左過來中環，經過中環士丹頓街，沿路有很多特色嘅店舖和食店，見到呢間日本餐廳「真心」有午市日式套餐，套餐有麵豉湯、沙律和主菜，大約一百元左右，有多種選擇，價錢合理，便先坐低歇歇腳，吃個午餐店內以暗色調設計為主，座位是酒吧式的高枱，高凳。我們叫了火山丼(即是炙燒的三文魚飯)和碳烤雞扒丼。沙律小小的一碟，有沙律菜、小蕃茄，簡單清新、開胃。麵豉湯正常味道，但個碗都好特別，這個加分。碳烤雞扒丼好靚，雞扒色澤光亮，旁邊伴著沙律菜做襯托，上面有木魚絲和紫菜絲，未食都先被它吸引了。日本飯軟硬啱啱好，加上醬汁特別惹味，雞肉都好入味，不錯的。火山丼亦都是買相好靚，炙燒的三文魚擺放用心，色澤引人食慾，側邊有沙律菜、小黃花、綠葉、薑片裝飾，更加突出了它的買相。炙燒的三文魚都厚身，數量也不少，很好吃。兩款飯的賣相最值得讚，給了我們視覺上的享受，味道也不錯。

今日同老公行過見到有間新開日本餐廳，馬上上OpenRice睇睇有沒有資料同相，應該係太new所以未有資料同相，但係見到佢Menu啲嘢幾抵同幾啱食，跟住就同老公入去試吓！我同老公揀咗個窗口位，環境唔錯幾好feel！新開張好多嘢食都有優惠，我就揀咗個原條鰻魚飯！味道唔錯，燒得幾香，$98真係好抵食唯一缺點就係喺大熱天時佢竟然比杯熱茶我，我話太熱飲唔到，店員就話要唔要汽水或Sparkling water，跟住我話唔使加錢嘅有咩可以冰凍又解渴，佢就轉左杯凍水俾我，不過算啦都OK嘅！

Lunch見到新開既餐廳我一定會去試下，新開張話Lunch同Dinner同價$98起🤑，咁咪同Friend lunch time 試下，lunch以丼飯為主，晚市有生蠔、刺身、A5和牛、串燒、小食等等……本來想試海膽丼，但估清😫，跟住選擇我第二愛既三文魚籽，份量好多，三文魚籽鮮甜有爆口，唔錯😘我個friend就要咗火炙三文魚丼，都新鮮，味道正常，不過唔算有太大驚喜，但份量多，價錢平！總括來講食物質素算幾好，性價比高，但店舖唔太大，lunch time有小小迫，但都可以接受😁

今日lunch time見到有間新店新開張， 見佢門口Menu寫住lunch set $98起，環境都算ok，跟住一條友入去試下， lunch set都有十幾款丼飯，有海膽有和牛，第一次食梗係try下$98既睇下先啦！炭燒雞扒飯$98，Lunch仲有麵豉湯同沙律送，好味份量又夠，經理仲送咗份鬼佬燒賣畀我食！見到menu仲有好多其他嘢食，下次再試試！！！