齊柏林熱狗店 (太安樓) (Closed)

太安樓有好多唔同既小食，係港島東區版既葵廣。其中一間必食既就係齊柏林熱狗喇！熱狗選擇唔算好多但都揀左一陣先決定到食咩。熱狗同小食即叫即製，但等一陣就有得拎喇！期間都好多人叫外賣。火炙芝士辣肉醬熱狗 $42熱狗熱辣辣，好足料！上面有好多熱熔芝士，夾住脆皮既荷蘭腸，食落好滿足之餘仲有啖啖芥末味，推薦！除左熱狗之外，仲叫左個飛船小食杯 $26小食杯入面有洋蔥圈、雞塊同薯格，配埋茄汁同BBQ醬，正！下次再去要試埋美國洋蔥圈熱狗

度度都確診，街都唔敢出，日日煮都唔係辦法，叫外賣就最好喇～～ 今日叫咗呢個 火炙芝士辣肉腸熱狗套餐 同埋 美國洋蔥圈熱狗套餐跟餐可以揀2款小食，或1小食1飲品～ 今次我地揀咗配細薯條同汽水火炙芝士辣肉腸熱狗上面啲芝士嚟到屋企仲溶溶地，醬汁酸酸辣辣好開胃👍🏻👍🏻 薯條送到嚟依然脆卜卜熱辣辣～ 仲有佢地嘅點醬千島醬+ 茄汁，以前會淋埋上薯條，而家另上超抵讚～ 因為咁樣就唔會浸淋啲薯條喇仲有美國洋蔥圈熱狗套餐，嚟到先醒起唔記得加芝士，失策🤦🏻‍♀️下次記住先賣相好得意～ 洋蔥圈係洋蔥泥組成，唔會咬唔斷，不過冇加芝士嘅情況下仲有脆口洋蔥圈，就有點乾（牛油果醬係我自己整，唔係店舖提供）

熱狗既選擇唔算好多, 不過勝在夠特別👍🏽 另外仲有唔同既小食可以選擇🙃 我地之後要食其他野所以只係叫左其中一款share🍴 紐約辣味熱狗🌭️($38)熱狗既盒我覺得好有外國feel, 打開見到一個勁足料既熱狗, 真係口水都流埋🤤 唔只賣相睇得, 味道絕對冇得輸, 包夾住一條匈牙利腸, 上面擠左茄汁同埋特製辣黃芥末醬, 仲有一個大大既重點就係炒洋蔥🧅 全部野一次過擺入口真係好正, 每啖都食到洋蔥😋 好好味, 好耐冇食過咁好食既熱狗😍大家唔黎西灣河既話可以去其他分店度食, 真係會令你一試難忘🤪

話說有好一段時間無寫過食評，希望往後日子能一點一點的補回！太多間想介紹的餐廳！而今次寫個短短介紹先！因為其實呢排好少去得好遠食飯，除左本身需要外出，通常都在家附近解決，而呢間熱狗店在附近之餘仲可以用app叫定點餐以信用卡付款，減少左收散銀的機會，為食狗最不喜歡袋散銀所以十分支持！食過的熱狗口味至小食，其實已食無數次！影相已影到開始無再影，就放其中幾款有影的介紹一下就算了。通常也是外賣回家，在疫情嚴重的情況下也好像已沒有堂食，回到家芝士已不夠熱，我通常自行叮一叮，熱食當然正好多！有d熱狗入面的腸仔係唔同款的，每一款我都喜歡，各有不同！如果你不介意有生果入菜的感覺，推薦你澳式熱狗！因為佢加左菠蘿，比起其他款減低左個膩的感覺，負擔無咁重！薯條雖然回家有好多都唔夠脆，但如果你係住得近/即場食會好脆！外脆內軟，入面充滿薯仔，加上佢的醬汁真係不得了，初次食的時候一眼望落去仲心中默念:搞乜，洗唔洗咁鬼多？食落之後有時覺得下面無乜醬，仲想要多d如果有機會真係現場食，真心好食！粟米係咁多野入面最失色，無乜特別，有次仲有d乾，就不再係特別的介紹了。呢個係呢一款我常叫的熱狗！係火炙辣肉醬熱狗(d名我無記住，

📍Zapp Hotdog, Saiwanho ⠀🔸炙燒芝士辣肉醬熱狗(荷蘭腸) 套餐⠀💲HKD42 (+12) ⠀🔺⠀⠀麵包軟軟的，稍微烘過。芝士沒有很溶，不太夠熱。辣肉醬酸酸的，很開胃，完全不辣😂 荷蘭腸皮脆多汁！好食～⠀加套餐要了牛油玉米和薯條，份量頗多！薯條熱辣辣，很脆！⠀玉米牛油味也很濃喔。🔺⠀⠀味道 🌟🌟🌟🌟⠀價錢 🌟🌟🌟⠀CP值🌟🌟🌟🌟⠀再訪意願🌟🌟🌟⠀已經回訪第三次了⠀🔺⠀⠀

熱狗我食得唔多，但呢間真係好食🤷🏻‍♀️點解屋企附近冇🙁幾時係開多幾間😭離我好遠呀間間都🌭火炙芝士辣肉醬熱狗 ($42)熱熔芝士夠多，麵包鬆軟烘得微脆👍🏻🤤肉醬微辣主要是香，份量剛好，夠多不乾，不會太過油膩，加上黃芥末醬更多層次更解膩😗 肉醬是名副其實的肉醬，不是番茄醬🤣肉碎夠多重點是那個荷蘭腸，聽日不太喜歡吃腸仔😕比如廚師腸那種😑很怕沒口感又死鹹。這個荷蘭腸當然不一樣，皮較脆有肉汁🤤一口咬下好滿足得閒就講下我點睇一間嘢值唔值得食唔係特別中意食熱狗既會覺得普通，但係咁嘅價錢，係香港要搵到呢個質素嘅熱狗去邊搵呀😌你問我係咪爆好食，咁我勸你唔好期望咁高，唔通你預佢用五星級餐廳嘅食材咩😂至於好唔好食，就睇個人口味啦，我會盡力形容佢嘅口感味道等。同埋買嘢食嘅過程、俾人嘅感覺等等都會影響感受。就例如呢間齊柏林，令我買得好舒服，洗錢洗得值，又啱我口味，咁我自然鍾意、推介🤟🏻希望我介紹嘅嘢食你地會鍾意啦，唔啱口味唔好打我🙈

成日見好多人排，終於忍唔住排隊即叫即整，個熱狗好好食，個包有煮過軟軟地又暖。個熱狗好食過歐洲果d 🤤🤤🤤下次想試下個芝士既不過唔係好夠飽🤔😂 早知加大個薯條啦可以再去食

太安樓真係有好多小食，最近試咗呢間熱狗🌭 呢到有六款熱狗揀，仲有其他脆口小食添🤩 今次試咗最普通，最唔heavy嘅士林原味熱狗😛 佢用咗匈牙利腸，雖然唔知同其他腸有咩分別，但係佢個皮咬落非常之脆，味道唔錯幾香😋上面加咗啲茄汁、芥末、酸瓜醬同bbq醬，食落有啲辣，我諗應該係個酸瓜醬🤔 整體黎講，幾好食，夠惹味，係個包有啲乾身🙈 weekend去都幾多人排隊，要耐心等候喔💛▫️士林原味熱狗 $32

係加拿大生活時, 成日為食係街邊熱狗檔用3蚊加元買個熱狗過下口癮, 返到黎香港就比較少見, Ikea個熱狗雖然平, 但淨係可以落三種sauce未免有啲平淡 一早聽聞過呢間熱狗專門店, 今日行過太安樓終於可以試下啦見佢幾款熱狗都各有特色, 研究完一輪都係決定試左佢個招牌火炙肉醬熱狗, 見佢個套餐小食有我好鍾意既燒菠蘿, 就加左錢跟餐, 如果唔要野飲就可以要兩款小食, 都幾抵!因為鋪頭由烘熱狗包, 烤香腸以至火炙芝士都係即場進行, 所以準備需時, 大概等左十五分鐘先拎到外賣。拎到返屋企熱狗上既芝士都仲係半融既狀態, 放入口同肉醬配合得天衣無縫, 加埋充滿肉汁既香腸同烘到外脆內軟既包, 絕對係非常滿足! 下次一定會再試埋其他味既熱狗

我也有一段時間沒去太安樓 ，沒想到一來就發現到新店囉說的是賣熱狗的店~ 有可以立食的位置，但空間不算很大。熱狗有六款，然後+$12 可以變成套餐～任選兩款小食/飲品美國洋蔥圈熱狗 ($36) - 即點即整，所以等候的時間會久一點。其實我是Take Away ... 之後才想到不應該點洋蔥圈才對，因為會稔了嘛 ... 果然 ... 炸的洋蔥圈就出事囉 ><但幸好這不影響味道喇~熱狗包有烘過，吃時還有少少脆身，內裡鬆軟。用一圈圈洋蔥圈～圈著的腸很脆嫩，再加上惹味的燒烤醬和芝士粉，很滋味！

等待的時間把旁邊播的熱狗相關短片都看完了，說不上有趣但很吸引人眼球。LZ125 美國洋蔥圈熱狗 ♥♥♥♥♥ (洋蔥圈、芝士粉、特色燒烤醬、法蘭完福腸)除了脆皮腸、司華力腸這兩種我知道外，沒想到適合做熱狗腸的種類那些多。更加沒想到配搭的醬料也能有那麼多種。除了很有特色睇頭之外，我保證惹味又驚喜。剛炸起的熱辣鬆脆洋蔥圈，與被濃厚燒烤醬覆蓋的脆皮腸，口感和味道的層次都非常豐富吸引。今次晚餐食太飽就沒其他配菜小食，希望之後有機會再試一下。

第二次黎試呢間位於太安樓嘅人氣創意熱狗店，每次經過都總係見到keep住有人排隊幫襯。呢一次就試左其中一款--士林原味熱狗 ($32), 再另加$12配左兩款小食，分別係細薯條同冰菠蘿。熱狗包輕輕烘過，夠熱👍熱狗腸好大條，食落好有飽肚感👍搭配嘅材料同醬汁亦好好味👍至於小食方面，極力推介細薯條，呢個細薯條認真唔細，份量都幾多又夠香脆，而且係用上粗薯條，只係$6真係好抵食啊！好鍾意呢間熱狗店，除左野食，店員亦好有禮貌，有少少希望呢間店愈做愈大間可以有多啲位比食客期望下次黎試第二款熱狗！

寒風下，與友人走進太安樓覓食，目標鎖定數間黃店，第一站：熱狗！我點了一份三重熱融芝士熱狗（$38），加配兩款小食/飲品（$12），我選了烤菠蘿和牛油粟米，朋友則選了另外兩款熱狗和薯條汽水。大咬一口，大量半融芝士拉成絲，極為惹味，多咬幾口才吃到熱狗。整體味道和諧，在冬日吃上奶香芝士，十分滿足。牛油粟米的牛油奶香和香甜粟米，讓人忍不住一口接一口。烤菠蘿是罐頭菠蘿一片，雖不及新鮮菠蘿，但亦算清甜可口，過過口癮不俗。憑它是良心黃店，加上價錢相宜與好滋味，值得推薦與再光顧！

作為成日要OT嘅死港豬實在去唔到趕唔切放工去啲靜坐/聲援活動，最有效又可以日日做嘅莫過於係「米豬連」/「黃色經濟圈」啦難得下晝個會唔係約得咁早，老細又出左trip梗係作反——把握lunch hour去食好西!!!由於公司行過去太安樓都有啲路途，所以平時唔係成日去，去到我係咁自轉加公轉十個圈先搵到呢間鋪啱啱好撞正學生放lunch，所以條龍都幾長下架，不過佢地個收銀(可能係老闆)做野好快手，亦唔係無限收錢，等啲客俾左錢硬食喺度等嘅人，加上佢都會幫廚房手(畢竟加埋啲外賣咁多單，真係好踼腳下)咁我就點左招牌嘅「士林原味熱狗」，為左減少下晝喺office口痕嘅機會，我一於跟餐，就加左薯條同粟米啦由細個鍾意食阿波羅嘅粟米，到大大下啲阿波羅執左好多間，結果只可以喺中資老麥度食，雖然呢間嘅粟米未至於好驚豔，以佢一間熱狗店黎講都算不過不失啦之後就講講佢個薯條先，雖然死港女嘅我好怕食完熱氣野生暗瘡，不過對薯條呢樣野真係一啲抵抗力都無仲要新鮮熱辣嘅薯條喎，加埋佢地嘅sauce，唯一缺點就係啲sauce唔夠多，哈哈哈最後又點少得講講佢地個熱狗先，正所謂「最簡單嘅野最難做得好」，所以我第一次幫襯就決定要試佢學謝

繼續我哋嘅掃街之旅，我哋知道呢度有間好特別嘅熱狗舖，專程試吓！叫左個LZ125炸洋蔥圈熱狗鋪面有幾張其他大概企到4.5個人嘅，我鍾意佢牆上嘅牌，夠chill，好似到左外國。又有個projector播住熱狗短片，等食物就唔會悶啦。到！熱辣辣，打開賣相好特別！咬落唔錯，茄汁味同法蘭克福腸仔都OK，不過，洋蔥圈皮就脆啦但係冇洋蔥味喎。