Video
Read full review
2019-11-03
568 views
作為成日要OT嘅死港豬實在去唔到趕唔切放工去啲靜坐/聲援活動，最有效又可以日日做嘅莫過於係「米豬連」/「黃色經濟圈」啦難得下晝個會唔係約得咁早，老細又出左trip梗係作反——把握lunch hour去食好西!!!由於公司行過去太安樓都有啲路途，所以平時唔係成日去，去到我係咁自轉加公轉十個圈先搵到呢間鋪啱啱好撞正學生放lunch，所以條龍都幾長下架，不過佢地個收銀(可能係老闆)做野好快手，亦唔係無限收錢，等啲客俾左錢硬食喺度等嘅人，加上佢都會幫廚房手(畢竟加埋啲外賣咁多單，真係好踼腳下)咁我就點左招牌嘅「士林原味熱狗」，為左減少下晝喺office口痕嘅機會，我一於跟餐，就加左薯條同粟米啦由細個鍾意食阿波羅嘅粟米，到大大下啲阿波羅執左好多間，結果只可以喺中資老麥度食，雖然呢間嘅粟米未至於好驚豔，以佢一間熱狗店黎講都算不過不失啦之後就講講佢個薯條先，雖然死港女嘅我好怕食完熱氣野生暗瘡，不過對薯條呢樣野真係一啲抵抗力都無仲要新鮮熱辣嘅薯條喎，加埋佢地嘅sauce，唯一缺點就係啲sauce唔夠多，哈哈哈最後又點少得講講佢地個熱狗先，正所謂「最簡單嘅野最難做得好」，所以我第一次幫襯就決定要試佢學謝
難得下晝個會唔係約得咁早，老細又出左trip梗係作反——把握lunch hour去食好西!!!
由於公司行過去太安樓都有啲路途，所以平時唔係成日去，去到我係咁自轉加公轉十個圈先搵到呢間鋪
啱啱好撞正學生放lunch，所以條龍都幾長下架，不過佢地個收銀(可能係老闆)做野好快手，亦唔係無限收錢，等啲客俾左錢硬食喺度等嘅人，加上佢都會幫廚房手(畢竟加埋啲外賣咁多單，真係好踼腳下)
咁我就點左招牌嘅「士林原味熱狗」，為左減少下晝喺office口痕嘅機會，我一於跟餐，就加左薯條同粟米啦
由細個鍾意食阿波羅嘅粟米，到大大下啲阿波羅執左好多間，結果只可以喺中資老麥度食，雖然呢間嘅粟米未至於好驚豔，以佢一間熱狗店黎講都算不過不失啦
士林原味熱狗+細薯條+粟米
$44
49 views
0 likes
0 comments
之後就講講佢個薯條先，雖然死港女嘅我好怕食完熱氣野生暗瘡，不過對薯條呢樣野真係一啲抵抗力都無仲要新鮮熱辣嘅薯條喎，加埋佢地嘅sauce，唯一缺點就係啲sauce唔夠多，哈哈哈
最後又點少得講講佢地個熱狗先，正所謂「最簡單嘅野最難做得好」，所以我第一次幫襯就決定要試佢
學謝檸檬話齋「成個build好均勻，同啲醬嘅ratio一流」不愧我山長水又遠行去幫襯，即使係連鎖性/franchise嘅都好，一個簡單嘅熱狗都做得好好，啲醬唔會亂黎
Other Info. :
如果想有個靚位坐嘅話呢，呢間鋪未必啱你，佢得啲高枱預人企喺度食
同埋即使佢啲野食咁有質素，始終鋪位唔算大，排隊俾錢同等野食嘅人數都佔左啲位，睇你慣唔慣喺忙碌嘅人群隔離企喺度食野啦
另外，個收銀哥哥好搞笑，雖然佢唔係口花花撩人講野嗰種，佢聽到一個學生同另一個學生講「大佬，你可唔可以唔好咁黐線?」，之後收銀又大大聲同廚房啲同事講「大佬，你可唔可以唔好咁黐線?」，呢種呼應嘅感覺好正，好親切
加上佢地完全無因為繁忙時間而無禮貌/態度差，呢樣真係幾難得，果然黃店係唔同啲嘅!
(The above review is the personal opinion of a user which does not represent OpenRice's point of view.)
Post
