齊柏林熱狗店 (爵祿街)

Open Now

Now Closed

好耐冇食齊柏林，一向對素食者好友善嘅佢原來又推出咗新菜式，今次一於試下佢啦。我哋用電話叫咗兩個餐嘅外賣，分別係素漢堡同埋粟米芝士熱狗轉素腸配大薯條。素腸熱狗都係一貫水準，條腸調味好好，食落有口感，加埋濃郁嘅芝士真係好好味。至於素漢堡就有啲失望，塊素肉比較淋身，而且調味得唔夠，食落有一陣素肉嘅雪味，希望下次試會有改善啦。跟餐嘅薯條都正常啦，因為叫外賣所以都濕濕地，不過都係預期之內。係素食者嘅你，都不仿可以試一試嘅！

好耐無食，又黎幫襯下。夜晚時段都幾多人，因為鋪頭細，人手少，所以明白需要耐心等候係重要的，始終食物落單即叫即整。今次試左田園風味熱狗，麵包係自家製，食落質感幾有彈性， 配菜有青瓜同蕃茄食落無咁漏，配埋條熱狗及沙律醬味道濃郁得黎又清新，喜歡這配搭薯條係即炸的，返到屋企仍然係熱辣辣脆口的，算是粗薯條，個人喜歡這種有薯仔質感的粗薯條。

工作非常忙碌，不想很夜仍趕工，打工仔唯犠牲珍貴的午餐時間，吃個快飯，利用剩餘的午飯時間工作，希望盡量不用OT太久😔趕歸趕，都要選好味的東西入口嘛，這方面，我從來不會虧待自己。～～～～～～～～～～～～～～～～～～～🌭德國酸菜熱狗🌭 $40⭐️⭐️⭐️平時吃熱狗，多數會選辣肉腸或者調味是辣的來吃，覺得分外滋味！這天不想吃辣，忙到洗手間也沒時間去！只想吃開胃一點的。酸菜正合我心😍如舊的多配料：德國酸菜、甜酸瓜、煙肉、黃芥末、紐倫堡腸；特別要求走茄汁😁（純屬個人口味，除了辣椒油辣醬之外，謝絕所有紅色醬料☺️😁紐倫堡腸是含豬、牛的腸；黃芥末是熱狗必須的✌🏻✌🏻熱狗很厚，難以一啖咬下完整包含所有材料的一嚿😁對酸菜寄予厚望，期待與德國餐廳提供的酸菜那種想起就會吞口水的味道；但事與願違，熱狗內的酸菜不是那種味道，它的酸度足夠，但欠缺一點點清甜，質地欠爽脆。混合所有材料一起吃，味道不過不失，個人覺得未至於很好味。之前在另一分店吃過士林熱狗，也是一般。下次會試辣的款式，相信會好味！🌽+🍍 +$12⭐️⭐️⭐️⭐️加$12可選兩款小食，抵！冰菠蘿每次必點；再選個牛油粟米。見到是牛油粟米，其實有點卻步，幸好牛油分量不多，吃時

🌭️火灸芝士辣肉醬熱狗$42 (LZ120)+ 🍟細薯條 $10 + 🌽粟米 $10✨🌭️講到熱狗店一定要試這間，店舖細細，雖然只提供外賣，但都好多人等呀，今次選了廚師推介嘅火灸芝士辣肉醬熱狗，辣肉醬腸配埋芝士超好味，以火灸來燒芝士表面，芝士溶晒可以拉絲，口感勁正，辣肉腸我唔覺得太辣，好惹味😍👍🏻✨🍟薯條又唔會太燶，色澤剛好，攞到返屋企都唔會太淋身✨🌽好香牛油味嘅粟米，正常發揮✨整體唔錯，所以咁多人都讚👍🏻✨留意返澳洲風情熱狗係用豬肉腸，其他款式全部都用豬肉和牛肉mix埋，如果真係唔食牛可以轉豬肉腸

出去幫媽媽買橄欖油順便買外賣回來不想屋企兩老成日食麥XX間中都要佢地試試新野一直想試好耐今日就買了問佢地想食咩（佢地就話你決定）就隨意叫了火炙芝士辣肉醬熱狗（芝士、辣肉醬、生洋蔥、黃芥末、荷蘭腸）德國酸菜熱狗（德國酸菜、燻肉、甜酸瓜、茄汁、黃芥末、紐倫堡腸）有點接受唔到太酸😖😖😖+12配套加左兩個小食（細薯條、牛油粟米杯）媽媽覺得牛油味不夠兩老總結都係覺得麥XX好食🤦🏼‍♀️🤦🏼‍♀️🤦🏼‍♀️

依家齊柏林附近有好多熱狗同漢堡包店，但係最鍾意都係齊柏林嘅熱狗！因為鍾意我澳式風情，有菠蘿配芝士醬嘅熱狗真係好好味 再加左一塊辣雞塊$15，一塊切半，份量都唔少味道都唔錯薯條的醬汁分開上，唔會令啲薯條冧晒，欣賞

講到熱狗應該呢期最熱門都可以數到呢間, 周圍越開越多分店, 點解? 因為真係好好食囉!! 本身無咩興趣食熱狗既我都愛上!! 🥰重點屋企人都中意食, 通常會買兩款再加大薯格大家share一齊食! (重點大薯格會叫佢落千島汁+茄汁, 超正!!)款式的話試過幾款, 屋企人鍾意紐約辣味熱狗, 但對我黎講又真係辣咗啲.. 😆 士林原味熱狗唔錯, 但我唔鍾意酸瓜醬.. 🙈最常買既係澳式風情熱狗, 佢既材料有菠蘿&千島醬食落感覺好清新 😌而熱腸的話如果唔食牛肉的話可以叫佢轉豬肉腸的!!😉

Zeppelin Hot Dog叫左兩個外賣餐，一個美國洋蔥圈熱狗，一個火炙芝士辣肉醬。多人叫外賣，等左一陣先至有。我食果個係火炙芝士辣肉醬，見賣相幾吸引，啲醬溝埋味道幾夾，辣辣地幾開胃。美中不足係個薯條，外賣拎返屋企15分鐘，薯條外表仲有口感有點「爽」，但茄汁加埋黃汁味道過甜，食左半盒就好漏😵。我個仔仔食果個美國洋蔥圈熱狗，味道到讚不絕口，少少都無留俾我試🥺。相反薯條賣相唔吸引細路，所以無食到。

芝士一舊舊麻麻地香 腸太普通麵包正常薯條 自動 有千島醬又唔講 又 自動 加埋茄汁 又唔講希望佢哋知道有好多人唔食千島醬又有人 食薯條唔鍾意 食茄汁有待改進服務 唔算好唔算差有第二個選擇會更好

🌭澳洲風情熱狗($42)(🍚8/10) 推介❗好似係千島🍕pizza既熱狗版，有芝士、煙肉、紐倫堡腸、千島醬，重點係有🍍菠蘿！芝士多到可以拉絲但食落都吾會濟又開胃！成個配搭簡直無得輸，個包焗到外脆內軟食得出有用牛油🧈焗過好香，吾係普通熱狗包，既鬆軟同有少少甜味。紐倫堡腸其實係比較細條但加左香料既豬肉腸，外皮好脆肥瘦分佈剛好好💦juicy！同配料都幾夾但覺得熱狗配荷蘭腸好味d，因為香腸同包既比例有差距，頭同尾會淨係咬到麵包，建議可以加錢轉香腸配搭！🌭火炙芝士辣肉醬熱狗($46)(🍚7.5/10) 有超級多嘅芝士同肉醬，睇到好滿足！食落仲有洋葱粒🧅配埋芥末醬，但整體偏鹹同酸，可能因為肉醬同芥末都太重口味🌶辣味就正常算惹味，🌴澳洲風情食落比較清新！食到尾會有少少濟既感覺，但係！荷蘭腸就好好味，外皮吾脆但咬落超juicy！🍟芝士煙肉薯條($29)(🍚7/10) 係粗薯！要讚既係外賣送到黎都仲熱同有d薯條仲脆凍左都吾會硬，食到係好味薯仔🥔雖然芝士已經定哂形🧀但新鮮個陣絕對會有拉絲效果，芝士控必試！加左炸左既粒粒煙肉好香口，建議茄汁🍅可以另上令薯條唔好淋得咁快。

口痕想食小食又唔想食熱狗咁飽🙊今次係齊柏林嗌咗啲小食😆😆叫咗雞塊同魚手指試試😋😋雖然拎到番去已經攤凍咗💦但打開都好靚仔✨雞塊淋咗適量嘅燒烤醬💦甜甜地配搭雞塊更加好味😋😋如果可以分開或者放係一角會方便番客人✨雞塊唔會乾癟癟🐣🐣單食唔點醬汁都好味😆魚手指有甜甜嘅醬再加千島醬🤤🤤就算攤凍咗同沾咗醬汁💦魚手指食落都香脆可口甜甜嘅醬食落好特別😋😋如果千島沙律醬多番啲就好🤣整體普通水準 口痕止癮小食之選👍🏻

齊柏林大大話話都幫襯過好幾次，而澳式風情呢個味無疑係我既最愛😍 佢既餡料有芝士、煙肉、菠蘿、紐倫堡腸再加千島醬。超大pat芝士同埋煙肉呢啲邪惡野係加左菠蘿之後變得無咁膩，幾fresh！而紐倫堡腸亦都係賣飛佛，主要係佢有別於一般熱狗腸，食起上黎特別惹味，面頭仲有層甜甜地既千島醬，成個配搭真係好正😋 值得一讚既係佢個包身輕輕烘過黎，外面有啲啲脆，但入面依然軟熟👍🏻而朋友就嗌左呢個我覺得幾新奇既熱狗，估唔到洋蔥圈可以擺喺熱狗上面🤣 佢既配料除左洋蔥圈，仲有特色燒烤醬、芝士粉同主角法蘭克福腸。開頭睇上去好似唔係好多醬，以為會好乾，點知食落又岩岩好🤪 而個洋蔥圈炸得幾脆，就算淋左醬都唔會搞到佢即刻腍哂👍🏻 法蘭克福腸烤到脆卜卜，同個燒烤醬好夾好惹味！🤤每份熱狗加$12就包兩樣小食或者野飲，而佢個薯條係我每次都必嗌既小食之一😍 最主要係佢既醬汁唔係單單加茄汁咁簡單，而係加埋甜甜地嘅千島醬，食起上黎酸酸甜甜咁，好岩我口味😋 雖然話就話係細薯條，但係份量一啲都唔小，食完個包再食埋份薯條，加飲埋野飲，真係超級飽！🤰🏻總括而言，呢間熱狗舖抵食得黎又好味，所有熱狗都係即叫即整，仲要係黃店添🙆🏻‍♀️

終於試咗新開咗一排既熱狗店·揀咗芝味熱狗($38)，如果想轉套裝只要加多$12，就可以揀多2款小食/飲品，因為外賣返屋企食所以我揀左炸薯條同牛油粟米，份量都幾多下！·返到屋企仲暖暖地，好多芝士好鬼正🤤🤤🤤仲夾左菠蘿係入面，令到熱狗食起嚟再juicy左👍🏼·如果薯條即食應該脆卜卜好正，返到屋企已經淋左，不過都好味

依種特色熱狗感覺好似係外國food truck食到嘅街頭小食咁😎因為知係即叫即整 所以預先打電話去落order 二十分鐘後去到拎已經有 再拎返屋企食 可能耐左少少又唔記得打開個盒透氣 個包淋左少少（所以如果想食脆口真係寧願等佢即整）當日係叫左德國酸菜熱狗🌭️，算係鋪頭新推出嘅口味，熱狗腸係用紐綸堡腸。好鐘意佢嘅配搭，因為自己唔係幾鐘意好多醬嘅熱狗，依個加酸菜就岩晒我，好清新既味道，香港人都岩嘅口味黎，唔會真係太酸架。後記：第二次想再去幫襯，見到門口都有三四個人等緊，然後仲有一個外賣單，聽到話等左十五分鐘仲係整緊，所以就唯有等下次啦～

同朋友係新蒲崗四處尋覓係咩好，朋友都算係新蒲崗地膽，推介食熱狗🌭️當時又唔算肚餓，咁都係唔錯既選擇，不過真係唔知原來新蒲崗都有熱狗專門店～到門口睇，有好多款熱狗，眼花撩亂，款款都好吸引，最後揀左澳式熱狗（$38），因為想食千島醬既款式😋朋友推介下，以$12加配兩款小食小食可以揀薯條/粟米/菠蘿冰/各款罐裝汽水，我揀左薯條同粟米～以$50結帳💸店舖無堂食，只有外賣，大約等10分鐘有得拎～當打開包裝後，好有驚喜表面有一層熱熔芝士，食既時候，可以有拉絲既效果，熱狗有千島醬、菠蘿配合，雖然芝士好漏，但係整體配合好fresh，好開胃，配合得非常之好😋加配既小食份量好大，薯條有千島醬同茄汁，配合薯條非常好食，薯條本身質感都好好，好香口，另外佢仲有多一小盒千島醬配茄汁，唔會唔夠😂粟米就係正常既牛油粟米，味道比較之下無特別驚喜，份量多可能係驚喜🤣雖然本身熱狗要$38可能覺得有少少貴，但係加配$12兩款小食，變得高質同抵食👍🏾👍🏾😋