齊柏林熱狗店 (上水中心) (Closed)

上次打電話買外賣漢堡包套餐,咁我叫無糖可樂,咁我又聽唔到佢話無,一到拎嘅時候啲態度都唔係話好好,想叫嘢飲又話無所以焗住要牛油栗米,啲粟米個杯又差啲倒瀉晒,漢堡包質素係比麥當勞好,另一個女仔都好過另一個男仔,完全hea到一個點,其他分店都無上水分店咁差,食物質素係幾好,熱狗同薯餅每次都叫,係好過M記今日叫薯餅,明明薯餅單價係$9 我比十蚊佢,佢無找一蚊比我,見幫襯咗佢咁耐都算,或者唔記得咗,咁嘅服務態度咁差,下次都唔會比佢找錢啦

系番工地點附近撿到冇左田園風味，以為係分店問題，結果上水都冇😭 試左應該係新口味單身紐約，但係同其他口味都好類似同比較重口味，田園風味真係我既愛，可唔可以重新比番田園風味我啊啊

我覺得最抵食就係佢個熱狗套餐OpenRice外賣自取優惠更低至8折所以通常我都會善用呢個功能鍾意食熱狗嘅朋友，千萬不要錯過我同老公主要係食呢兩個餐基本上都唔會變😂因為口味好少會變田園風味熱狗 $53-> 4️⃣2️⃣.4️⃣清新的青瓜絲、香甜的蕃茄片絕對係田園風味嘅主角，配上沙律醬及千島醬，味道冇得輸澳式風情熱狗$53->4️⃣7️⃣.7️⃣芝士煙肉菠蘿千島醬，我連Pizza都會出現既配搭，熱狗當然唔會錯過，所以唔使解釋，都知道味道好壞😋😋

好心做好少少嗌咗同我講十分鐘25分鐘都未有？染頭髮條仔同我係到同人講嘢玩手機？啲態度仲要勁差？講嘢又串咁你咪講十分鐘啦 個包仲要勁唔好食 你食埋我個份 唔會再幫襯😅

呢隻熱狗好好食 超級好食員工態度很好 很尊重顧客要求少醬真係少醬了食品新鮮 又好食麵包脆卜卜 香腸又大條又可以轉腸 其他熱狗店都無呢間咁好食我會日日都幫襯良心小店給100分

偷工減料，之前食都唔係咁，好失望。已經係2點半先叫，都無其他食客，我係第2 個，芝士同肉醬都少得可憐，質素愈來愈差，🥲🥲🥲🥲🥲🥲🥲🥲🥲🥲🥲🥲

已幫襯好多次最近發現薯條勁硬 條腸又細左咁但今日連芝士都少勁多！好失望係咪做得耐就係咁？本身好中意食 可唔可以做番好啲希望下次會正常番 如果唔係又食少一間！就係為左勁多芝士先食呢個熱狗

OpenRice 上面經常都有做緊外賣自取優惠，折實都ok 抵下。今次買個set 當下午茶。不過講真，幫襯左幾次，體驗都唔太好，個指定取餐時間真係「只供參考」，不過十零分鐘都算接受到～試過等成九個字先拎得餐（另一個外賣自取），前前後後真係黑仔。不過，食物上係真心可以嘅。呢個價錢同份量都抵食，不過等太耐真係問題。希望可以改善下員工同製作流程

最近openrice做緊7折係度訂左外賣自取幾次，經驗惡劣😡每次係指定取餐時間之後去到收銀都係要再企係度呆等多最少30分鐘先拎得餐前前後後由訂餐到拎餐搞成1 粒鐘先拎得👎🏼店裡面有3 個人有2 個都行行企企吹水又hea…明知遲左出餐，一句sorry都無奉勸各位外賣自取的食客，係接近取餐時間先去收銀露一露面，因為佢地先會開始整你份熱狗🌭️🥴關於熱狗味道，係好食既👍🏼但希望外賣自取服務可以好D

希望有改善製作速度，差不多要等候41分鐘才有一份熱狗，薯條&粟米，雖然都好食，但等得太耐，會令到食客有點卻步，店舖有足足6個人去製作，都要咁長時間出品，加油呀年青朋友

📍上水 齊柏林熱狗店捉緊7折尾巴，係Openrice訂多一次齊柏林食，一去到就有得拎唔使等👍🏻𓇠 德國酸菜熱狗 𓇠 第一次食呢款，熱狗包無上次烤得咁脆。有德國酸菜、煙肉、甜酸瓜、茄汁、黃芥末同埋紐倫堡。德國酸菜用包心菜整成，份量超多，對我嚟講太酸😖同埋我唔記得走芥末醬，有啲鹹。平時好鍾意食漢堡包塊酸瓜，呢個酸瓜無酸菜咁酸，但因為熱狗已經有好多酸菜，食埋個酸瓜就更加酸。𓇠 雞塊 𓇠有6塊，有香草係面，炸得香脆，雞肉咬落有汁，好味，但個燒烤醬太鹹，建議唔使點。PS最鍾意都係澳式風情，其次係火炙芝士肉醬熱狗。▪️類別：#yinkifoodie_bakery🔺味道：3/5🔹服務：3/5🔸環境：N/A

好食😋熱狗🌭️即叫即整，芝士熱狗推薦👍🏻但最好提早30分鐘前預訂可能因為午飯時間，人客比較多店員好有禮貌好有耐性值得推薦薯餅，香脆又香薯條都係即炸，好食

見OpenRice外賣自取有7折就買返屋企食～食過火炙芝士辣肉醬熱狗同澳式風情熱狗，都係鍾意後者多啲，今次亦都係我都三次買呢隻味。食物即叫即整，所以預早落單去到都要等10分鐘左右🕑買咗一個澳式風情熱狗套餐，有薯條同薯餅。細薯條份量都唔少，配埋茄汁+千島醬，酸酸甜甜，好味😋薯餅炸得好脆，仲食到一粒粒薯仔🥔熱狗用咗芝士、煙肉、菠蘿、千島醬、紐倫堡腸整成🌭️成個配搭有啲似薄餅，仲有我鍾意嘅菠蘿同千島醬，酸酸地好開胃！可惜拎返屋企芝士已經拉唔到絲🧀😭另外，我仲買咗一個辣雞塊。雞塊唔算大件，但外皮脆卜卜，雞肉Juicy嫩滑，味道都唔錯。PS等外賣個陣睇佢Menu見到有墨西哥勁辣雞堡，好吸引🤩下次有機會試下！

唔準時出餐，亦唔會主動通知客人，店員談天說地嘻嘻哈哈咁，由得你企係到呆等。7:15 OpenRice外賣自取落單 接單後寫7:44可取，大概7:35到達查詢一下，店員：未得 你張單寫咗7:44架。ok咁我再等下 事實未到44分，但7:44亦都未有準時完成，之後不停出餐比其他人/foodpanda，等到我趕時間走，結果8點我再次查詢：如果仲未有，不如退錢取消張單。佢先話：仲差個薯條 等多陣啦。我再追問要等幾耐 佢地先至快快手剷埋盒薯條比我。一個餐等足45分鐘。唔催都唔整，明明可以好快出到既野，慢慢做掛住傾計 ，望住人係到呆等呆企半粒鐘都完全唔理既然唔係準時完成，一開始唔好咁串咁話張單未夠鐘咁既意思好嘛

超多芝士 即叫即做芝士控大滿足😋薯條香脆 千島蕃茄醬滿滿例牌-火炙芝士辣肉醬熱狗🌭️套餐彈性 雙份細薯條 飽肚外賣自取返到屋企都唔會失望。開鋪15分鐘內取餐 亦唔算等太耐值得推介