Video
Above information is for reference only. Please check details with the restaurant.
通常老公去開良㬌買晚餐，我先有機會食到“齊柏林熱狗店”，市中心開左分店我都無食過，因為會有其他選擇。老公影左個餐牌比我問我食邊個包，一睇餐牌價錢上貴左好多，仲要依家無得揀套餐定單叫，依家套餐係跟細薯條同汽水。澳式風情熱狗（套餐）$55： 千島醬配上菠蘿酸酸地好開胃（芝士燒耐小小會好食啲），薯條依家用紙袋裝分量少左（跟蕃茄醬），無以前咁抵食。齊脆雞塊$15（套餐價）：雞塊炸粉吾會好厚，仲配左個燒烤醬。
continue reading
因為我住田景，間唔中都會去買嚟食一直都鍾意叫熱狗加兩份小食但自從佢轉咗新餐牌，只可以一份小食一罐飲品之後，就少咗食了今次都係照舊叫澳式+細薯以前會叫兩份細薯，因為我唔鍾意飲野但而家改咗就無辦法拎到返屋企，個包嘅面都唔脆其實呢樣野就次次都係咁我只係食過1-2次個包嘅面真係烘到足會有脆口嘅感覺，但幾乎大部份都無其實良景呢間唔算好旺，我每次去佢啲職員都係坐係度玩手機/傾計但出嚟嘅品質就完全唔算合格講真單叫都$40嘅一個熱狗我想你整到熱+脆口少少都唔過份吧？但次次都只係比到「熱」嘅我有時連熱都唔熱，係啲餡熱囉到而家咁多間分店，感覺對員工嘅培訓係十分不足，其實你哋係咪只係特許經營？如果唔係嘅可唔可以系統管理下員工嘅出餐品質？
continue reading
芝士控必點介紹：1.芝士辣肉醬薯條2.芝味熱狗😋😋😋即使外賣都保持到鬆軟同熱笠笠！😙😙😙😙～滿足到芝士控的要求～話時話良景店堂食未試過，次次都外賣🤔
continue reading
永遠冇人聽電話，落到去鋪頭，佢3個人坐晒喺度，都冇野做。有好多次落去買(因為佢唔聽電話)，見佢地唔忙，電話響緊，佢地都扮聽唔到。同埋佢地都冇心機整d野食嘅，出面分店唔係咁，係良景依間先咁垃圾
continue reading
好耐冇食熱狗，諗起附近有間齊柏林，於是等到12點落街買外賣。去到先望到鋪頭支援lingduck，可以落定單先，再慢慢落樓……薯條粉冇晒想食果兩隻，索性唔加錢買。澳式風情熱狗熱狗餡料好足，煙肉、菠蘿、火灸芝士，口感冇得輸。細薯條唔知係咪剛剛開鋪，感覺有d薯條炸得唔夠脆，又唔夠熱，配千島醬茄汁食勉強及格。
continue reading