齊柏林熱狗店 (錦薈坊)

Open Now

Now Closed

我哋叫咗一款火灸芝士辣肉醬熱狗同埋一款澳式風情熱狗 🌭️兩款熱狗嘅香腸都好大條 同埋好juicy🤤 唔會煎得太乾，咬開食得出有一粒粒肉碎粒，口感好好 👍兩款熱狗嘅toppings都好多 😍 ，多到連底下嘅香腸都睇唔到辣肉醬好多🤤佢同熱狗好夾，啱晒鍾意食肉嘅朋友🍖澳式風情熱狗上面加咗菠蘿同埋芝士，就好似熱狗版嘅夏威夷薄餅熱狗上面加咗酸酸甜甜嘅菠蘿同埋千島醬，喺夏天食夠晒開胃😍我哋再加左6塊雞塊，啱啱熱辣辣炸起，好脆口好正🤤

齊柏林熱狗登錄屯門市中心幾個月了，今日終於有機會試。點了🐱火炙芝士辣肉醬熱狗$42🐱澳式風情熱狗$38兩個都係餐廳的bestseller, 但我比較喜歡前者。同一般普通熱狗店唔同，呢兩個熱狗都係爆料，爆醬，有火炙芝士鋪面，很香很有口感。火炙芝士辣肉醬熱狗味道比澳洲風情惹味，辣辣鹹鹹，是加強版的經典熱狗味。香腸很大條肉味也夠，而且很彈牙。澳洲風情係菠蘿煙肉千島醬，很另類。對我而言太甜。有點像在吃pizza…注意餐廳六點後不能堂食，為了享受熱辣辣的熱狗最後去了公園和蚊一起食。不然其實店鋪算闊落好企。

尋晚同太太係屋企好懶，唔想郁，唯有叫外賣食啦🤪我哋最終就係#foodpanda 叫左呢間屋企附近想試好耐嘅「齊柏林熱狗店」🌭我同太太因為都有啲餓嘅關係😝每人叫兩隻熱狗🌭️ 叫左4隻 大家share試味😂火炙芝士辣肉醬熱狗🌭️$42身為芝士控嘅小編，就覺得恰到好處😂個味好夾😋美國洋蔥圈熱狗🌭️$36啲洋蔥圈炸到脆卜卜，食落仲熱熱地👍芝味熱狗🌭️$38呢個熱狗芝士更多，更岩我口味🤤🤤澳式風情熱狗🌭️$38呢個都係無得頂！啲味都係好夾！千島汁真係好好味😂以上套餐+$12就可以轉為套餐，可以配小食 或 飲品揀兩款，小編就揀左薯條🍟 同 +C檸檬🍋P.S. 特別要講嘅係薯條🍟配果個疑似千島醬+茄汁，好夾個薯條 兼 好好好好好味👍👍😋😋食到停唔到口🤤

想去mos burger外賣下午餐，發現裝修緊(現在已裝修完畢)，發現商場地下街鋪位開左呢間餐廳，有玻璃睇到廚房感覺乾淨就試下。睇餐牌既Best seller有3款，為安全起見選擇左原味士林熱狗加大薯條野飲。(熱狗32蚊，套餐加12蚊，轉大薯條再加5蚊，總共49蚊)員工有禮貌，餐廳廚房設計係有玻璃，睇落廚房乾淨既，睇唔到廚房污糟心理上會開心既。廚房出餐快，外賣盒冇疏氣設計，令食物容易變淋。熱狗味道正常，麵包唔脆偏淋，腸唔係普通廚師腸。升級左做大薯條，淋左唔脆，外賣情況下店家應該要醬汁另上先合理。結論：環境乾淨，員工快手有禮貌，食物正常。對比地點同食物，餐廳定價偏高，外賣包裝要改善。如果對熱狗冇要求既話，上一層食mosburger熱狗下午茶更化算(平一截 ，熱狗+飲品28蚊)利申：非打手，冇人咁好俾錢我食

見網上有推介，第一次試食，服務員有禮貌，但等餐時間頗長，味道同份量都OK，唔算貴加12蚊可跟餐有薯條和飲品，熱狗和薯條有醬加芝士，配料好多很惹味. 雖然d醬係好惹味亦已經掩蓋晒d麵包燶味，配料和香腸多到已經遮住曬個燶麵包，但個包燶到咁重比客人食？食到人會致癌嫁……明白你可能要用火槍燒燶啲芝士，所以先叫火炙芝士肉醬熱狗，但我上網見好多分店個包都係燒到黑晒，亦都有其他食客投訴過麵包燶晒，咁其實係咪應該改善一下呢？唔通火炙壽司，d飯黑晒都照攞比客食？

天氣實在太熱，想食啲輕鬆啲嘅嘢，就馬上諗起熱狗。.田園風味熱狗係我嘅最愛，清爽嘅青瓜同蕃茄配搭千島醬同蛋黃醬簡直係絕配，維也納腸味道被醬汁蓋過，但脆皮.今次亦加了九件雞塊，可惜返到屋企已經唔脆軟晒，醬汁好鹹，令到雞塊唔太好食。.位置易搵，因主要做外賣只有幾張枱，但空間都夠大比大家等外賣，可惜係疫情期間員工都未有帶上手套，希望可改善！

有時夜晚想食小食又唔想食飯喎真係冇咩可以揀錦薈坊呢個鋪位都見到轉手左幾次連銀行都可以執今次終於係開食啦佢入面有位置比人企係到食 都幾好廚房有大玻璃比到啲人睇到入邊做緊啲咩 都比到客人安心 乾淨嘅感覺環境都算乾淨而且都入面夠大有冷氣不過好多人都選擇喺出面等呢間既熱狗好食既加12蚊可以有多2款小食佢就黎好似7仔咁 緊有一間喺左近但我想講我一定會支持當然 佢都好早閂門 我有時都想佢地開晚少少因為屯門市中心好多都好早閂晒

屯門終於也有齊栢林熱狗店，不用走太遠都能試到。店內沒有座位，主要做外賣生意，但也有幾張站著吃的企位，方便趕時間的人。這次就試了德國酸菜熱狗套餐，總數$50。德國酸菜熱狗 ($38)熱狗的包身頗為鬆軟，不錯，酸菜份量超多，如果喜歡的話就有福了。紐倫堡腸煎得不錯，但可惜味道不是很足夠，所以有點被酸菜搶掉味道，但整體飽肚，味道也可以。汽水加薯條套餐 (+$12)頗大份的薯條，也脆身，很熱。不過醬汁有點多，如果可以自己落就完美。簡單的食評，如果路過想吃點飽肚的食物，這家也是不錯的選擇。如果細食的話，可能兩人可以共享一個套餐會比較好。整體不錯，有空路過再吃。

🌭徳國酸菜熱狗 一打開滿滿的酸菜條甜酸瓜好可愛咁放左係旁邊醬汁適量 唔會太多一咬就飛曬岀嚟香腸係每款熱狗都唔同 呢款唔辣唔會太重味🌭田園風味熱狗本身以為好多菜會好dry 都唔會喎有少少菜 唔會得醬汁咁膩不過就比其他普通啲 可以話係basic款但感覺都唔錯既🥔薯格炸起就放盒 好多到汁水 10分鐘返到屋企林曬不過味道ok 如果即炸食應該幾好-💭有啲可惜既係夜左啲去有啲sold out左 不過整體嚟講係唔錯 冇偷工減料

今日好想食包類既野😂 個心諗住係熱狗架啦🤣又飽又好味 ～ 即出市中心買心動不如行動呀120編號既芝士辣肉醬熱狗不得了呀 一打開盒聞到好香燒香左既芝士味辣肉醬有洋蔥蕃茄肉碎辣椒 口感好豐富除左辣肉醬仲有落芥末醬調味跟住就係飛船小食盒 有雞塊洋蔥圈同薯格個底擠左燒烤醬同茄汁比我～相當細心

我11點左右開始係門口出面，等開門，看見到牌上寫住11點半開門。所以我打算等半個鐘，結果我等到11點40分，都未開門。然後，我就入面問店員，“唔好意思，你地要開門未？”.....。結果我問左兩個店員都冇人應我。仲要望完我一眼就算......最後，終於有一位店員走過嚟應我。佢話叫我等到12點😦😦😦。跟住我就問，“但你地唔係寫住營業時間11點半咩？” 之後店員理直氣壯同我重複翻“係呀，你都係要等到12點。” 咁等都唔係問題嘅，不過我希望至少俾理由。點解要我繼續等？ 同連一句唔好意思，以及禮貌都冇...。都已經唔係等嘅問題，係態度問題。浪費我時間🤐🤐🤐😡，同我唔會想因為啲咁嘅事嬲。

哩間真係。。。好好食既良心店💛🌭澳式風情：溶溶既芝士好豐滿咁，包住晒成個熱狗，芝士控一定好鍾意❤️煙肉每一片都被芝士包住。紐綸堡腸，肉質夠juicy 再配上千島醬唔錯。最後，我想讚下舊菠蘿，佢嘅出現，真係完全為成個熱狗帶來小清新，令到成件事唔會好heavy 🥰🌭火炙芝士辣肉醬：超多芝士，再上配超多辣肉醬，同入面有生洋蔥，令到個熱狗辣辣地，好惹味，由於個辣肉醬好出色，所以個黃芥辣就唔多食到，荷蘭腸係脆皮腸，又係一咬，啲汁bi 晒出嚟～兩款熱狗，食過返尋味😍

之前都食過呢間齊柏林熱狗🌭️，今次不論食物質素和服務，各方面進步咗左好多😆👍🏻👍🏻👍🏻📍澳式風情熱狗🌭️（$38）材料豐富，芝士🧀、煙肉🥓、菠蘿🍍、千島醬和紐倫堡腸🌭芝味濃郁，同時又很清爽的配搭，菠蘿清甜👍🏻🥳喜歡💕！📍士林原味熱狗🌭️（$32）材料有茄汁、黃芥末、酸瓜醬、燒烤汁五、芝士粉及匈牙利腸🇭🇺。經典口味，即叫即做，喜歡這條腸皮脆肉嫩😋👍🏻📍另加$12可以選兩款小食或汽水📍細薯條🍟即叫即炸，香脆可口📍牛油粟米杯🌽🧈牛油味香濃，牛油不太多亦不太少，粒粒粟米都有牛油香🧈📍除了這兩款小食，還可以選擇冰菠蘿🍍，上次試過，味道不錯

滿瀉嘅餡料 仲有重量級嘅熱狗肉腸❗️-總有一間係左近嘅齊柏林，近年好似將Subway壓下去，係因為大家鍾意熱狗多過潛艇堡，定係因為鍾意佢嘅芝士多啲。-🧀火灸芝士辣肉醬熱狗 ($42)1️⃣海量嘅芝士鋪係熱狗上，火灸到剛剛溶化，微微焦香，一咬拉絲，夠哂邪惡。2️⃣以超足料辣肉醬取代醬汁，配上熱狗真係相當唔錯。👍🏻8/10🌭澳式風情熱狗 ($38)一樣有鋪滿芝士嘅熱狗，而呢款有田中最愛嘅千島醬同菠蘿，充滿熱狗腸嘅肉感之餘，更Fresh更開胃，超推薦。👍🏻8.5/10

齊柏林分店同locker一樣都係周圍都係，今次想講吓屯門錦薈坊新開嗰間😚 佢地舖頭有個好闊落嘅位可以企喺度食，仲有個細細嘅疑似霓虹燈位可以打卡🤪😋 澳式風情熱狗 $38😋 德國酸菜熱狗 $38😋 轉套餐（小食/汽水選2款） +$12呢兩隻熱狗都係用紐倫堡腸，即係白色嗰隻，比較韌身同埋偏鹹，唔係司華力腸咁粗，又唔係廚師腸咁幼，應該係炸過同燒過（偷睇咗製作過程），腸皮都係脆脆地😝 齊柏林啲熱狗出名足料同大份，澳式風情係小編最愛之一，有千島醬、煙肉粒、大大粒菠蘿同埋燒過嘅芝士，芝士燒到好鬼香，再多啲芝士就真係超正啦😆 德國酸菜熱狗都係勁正！勁多酸菜食到成口都係，仲食到燒過嘅味道，超惹味😗 配料仲有煙肉粒，熱狗外邊仲有嚿甜酸瓜中和下味道。醬就係茄汁同黃芥末，都好出色😛因為唔想飲汽水，兩份餐都叫咗粟米同薯條，因為外賣拎遠咗嘅關係，啲薯條都凍咗同淋咗，但都食得出好香嘅薯仔味，佢地嘅粗薯條都係正過金記嗰啲好多好多㗎🤣 粟米杯啲粟米就麻麻地，再多啲牛油會更好。