Video
Opening Hours
Today
11:00 - 02:00
Mon - Sun
11:00 - 02:00
Above information is for reference only. Please check details with the restaurant.
Signature Dishes
Review (49)
食左依間街坊店好多年，朋友話疫情前後味道唔同左，但係我覺得湯粉類一如既往好味！有段時間去左第二區返工好耐無食，難得有機會經過，梗係要幫襯٩(๑❛ᴗ❛๑)۶次次都食「麻辣小小辣圓薯粉配牛肉、雞肉、豬心」好依地方在於依間湯底唔會太搶味，比起雲字系列米線舖，係食得到肉類嘅鮮味。 牛肉，雞肉比較常見，但豬心係好少麵舖有得叫，依間係處理得好乾淨而且好大片（＾ν＾）如果鐘意食內臟真係要試！薯粉有兩種，但我偏愛圓薯粉煙韌個種口感！而且老闆娘煮得岩岩好，次次食都好適中口感～即是食到最後一條都係咁煙韌唔會淋左。其實我都食過口水雞飯/水煮牛飯，同樣出色！但我真係麵派，每次想嗌飯最後都係叫返麵！ 今次去食，見到舖頭有中英版新menu ！分享個故事就係大約一年前黎食，隔離酒店有班泰國遊客因為睇唔明當時只有中文嘅menu ，搞到老闆娘一頭煙，最後我幫手落單🤣泰國遊客話原來有人將呢間舖放左上TikTok 所以之後應該愈來愈多外國人黎依，建議老闆娘整返個中英對照menu ，點知依家真係有！( ͡° ͜ʖ ͡°)最後想講，依間小店係老闆+老闆娘兩公婆shift 住開舖+一人廚房，所以好多位真係唔好用去茶記食嘢心態去期望會有人幫你倒水/介紹，因為真係得一對手，煮得黎都收唔切錢～環境方面店內只有5張小圓檯，較為狹窄，但衞生方面係正常，無特別乾淨亦唔會覺得污糟。真心推介唔介意半自助形式食碗好薯粉嘅人去試吓！
continue reading
聽朋友說這家雲貴川的雅緻還非常不錯，今次特登嚟試下佢哋嘅招牌菜。我叫咗個口水雞飯，一打開盒子，嗚啦，那股鮮辣香氣就這樣衝鼻而來🌶️。口水雞肉質嫩滑，麻辣味道夠晒勁，正宗川味嚟嘅，搞到我都忍唔住食多幾啖，真係過癮至極😋！我同事嗌咗個蒜泥白肉，蒜香味濃，但就覺得肉片略嫌厚身，啲肥膏多咗啲，不過都怪我哋唔夠運動，一路工作一路嘆。炸醬米線香濃可口，個人就真係幾欣賞佢呢個獨特味道，比起其他家嘅又多咗種獨特香氣。對於間店，我想講嘅係，即使等到我哋餓到發慌，但食落嗰陣嘅滿足感，真係值得嗰份耐性啊！總結一句，「麻辣嫩滑，真材實料嘅口水難忍！」👍
continue reading
招牌口水雞都唔錯,醬汁調校得幾好👍🏻雞件都幾滑但肉唔係好厚,建議叫例牌或一隻水煮魚就一般般,魚肉份量唔係好多,配料都好少,幾多油,湯底唔係好夠味,我地覺得一般,價錢偏貴叫幾樣嘢最好食係蒜泥白肉,蒜蓉好夠好入味
continue reading
首先，外賣話已可自取，但我係外面個太陽下等左兩三個字先有其次，鋪頭入面又亂又臭，我完全唔想入去再者，味道完全冇特別，附近起碼三四間同類型米線鋪，準時過佢又好食過佢，冇必要揀佢
continue reading
勁難食，啲米線係用水煮加醋同埋辣椒炒都冇炒過，白烚咁樣跟住啲餸好似隔夜餸咁有味啲蘿蔔好似未煮熟咁腩肉又肥又白烚 放落水煮兩煮拎起身第一次嗌外賣返屋企成兜掉晒千祈唔好去 垃圾🤮🤮🤮🤮🤮🤮🤮🤮食隔籬街雲貴香好過 真心咁大個未食過咁難食嘅米線 成碗冇食晒掉咗落垃圾桶🤮🤮🤮好失望
continue reading