築匠 (Closed)

星期日下午大約兩時左右，在富多來邨附近發現這間日式小店。這間食肆主打海鮮丼飯和壽司， 雖然是小店，但是座位與座位之間都有一定嘅距離。 今天的侍應先生服務 非常親切，又為我們準備熱茶。 如果在富多來邨附近活動的話，不妨來這間食試一試

係公司附近其實有好多小本經營既細餐廳，間中午餐都會試下新野發掘下有無隱世美食，今次呢間日本餐廳叫做不過不失無咩太大驚喜，叫左個雞扒烏冬，$68唔算話平，附近其實有好多日式餐廳，競爭都幾大，落單就話燒雞扒要等二十分鐘先有，因為即燒而且已經坐落就算啦，照等，結果等左超過二十分鐘，黎到個雞扒只係微暖.....有點失望，但個汁都真係幾好味，配紫菜真係夾得好好，烏冬分開上，感覺無咩特別，份糧好多，一個人根本食唔晒，個場好乾淨衛生好舒服，抵讚

有裝修有音樂小店，座位算寬敞，價錢相宜。而家款式很多，豐儉由人，令人有選擇困難。當有選擇困難可以自選壽司飯，一次過滿足所有要求。有一壺茶隨便喝。但我懶,選了$68雜錦魚生飯，估唔到咁多料，仲有甜蝦。點菜時店員會介紹雜錦魚生飯很多人點午餐，相當好服務態度的店員，又介紹魚生飯紅魚白魚蟹籽青瓜玉子甜蝦。$68仲有前菜，麵豉湯，超值。但有一兩粒䲞魚較腥，但都算質素高，滿滿一大碗一口和牛串$28，拆開有很多件，有牛肉肥美的豐腴感，但又沒有油脂，和牛感覺真實。照燒雞扒很香，不是厚肉多汁類，但是食到是用心製作。$68

築匠呢個「築」字令人聯想起日本「築地」，而呢間日式小店主打刺身丼，一定要支持下。三色刺身丼豐儉由人，價錢由五十八蚊至過百蚊都有。叫左個七十八蚊三色丼已經有「三文魚、蝦、海膽」三種刺身，第一時間試下個海膽，一共有三片，新鮮冇腥味，好野唔洗多，淺嚐三片差唔多！三文魚都有三片，新鮮肥美，蝦刺身有兩隻，蝦頭有點黑，唔敢大力啜，蝦身尚可以接受。唯獨要彈就係飯份量太少，我驚未到四點會肚餓！整體而言一間小店黎講食材貴、人工貴、鋪租又貴，成本極高。食到咁嘅質素算係合格！大家要身體力行，真金白銀多d幫襯小店呀！

久久未有到大角咀用餐，是緣禮拜五晚想食埋糖水先番屋企，甜品店就喺附近，於是先搵下呢頭有乜食，逆向思考，最終揀左呢間小店。星期五晚客量唔多，連埋我地只有三枱，都坐得舒適。店員嘅服務亦唔錯，不時加茶，當日仲免加一，都算係咁。餐牌選擇都多，有啲固定款式嘅魚生飯，附定食，定價$58-98。亦都有自選配料，最少點三款魚生就可以，例如三文魚三切$22、吞拿魚腩碎$35份等，比較有彈性；另有少量熟食丼，例如牛肉丼、豬扒丼等三文魚、帆立貝丼 $68丼飯附沙律、麵豉湯，賣相還可以，大部份呢類港式魚生飯都差唔多的，我自己嘅意見係，好過去食爭鮮。三文魚有四片，唔算係好厚身或者肥美，不過尚算新鮮。至於帆立貝有兩件，普普通通啦。魚生飯比較黏身，中規中矩。赤貝、吞拿魚腩碎、北寄貝自選丼 $89反而朋友點嘅自選丼，質素唔錯。赤貝單點$38，爽口鮮味；吞拿魚腩碎單點$35，滑溜頗香，略嫌配呢種青蔥有少少格格不入；至於北寄貝$16兩片，爽身唔乾柴。呢幾款魚生嘅表現整體比起三文魚、帆立貝更好三文魚腩壽司總括而言，小店屬於港式街坊魚生飯，當然唔能夠同貴價日本料理媲美，不過七十蚊有找，有個地方正正經經坐低食碗飯，都算過得去。

之前經過好幾次都冇去食，今日有朋友陪即刻9衝。呢間係大角咀富多來嘅小店主打刺身丼飯，而且價錢非常適宜，六七十蚊就已經有一個丼飯。叫咗一個有海膽三文魚嘅丼飯，另外叫多客帆立貝。刺身中規中矩，味道唔太差。不過帆立貝略嫌份量太少，又唔係特別新鮮。但係有個最大嘅問題，就係店入面有一陣味道怪怪地，又唔係接受唔到不過就有啲唔舒服。不過總括來講都算幾抵食，或者會有下次

原本諗好左要黎大角咀食一間日本居酒居既，點知竟然冇開，好唔開心呀，因為想食咗好耐，行吓行黎到鐵樹街，見到呢間細細地嘅小店，見到店裏面唔係咁多人，於是就同朋友入咗去食啦，店員招呼殷勤，令到我同朋友都好舒服嘅感覺。。Menu亦都好用心設計，見到好多圖畫都係自己畫出嚟嘅我哋嗌咗個自選魚生飯，有吞拿魚，油金魚，帆笠貝，仲有牛丼飯，燒三文魚，芝麻雞翼，火焰三文魚壽司，甜蝦壽司蟹，柳棒壽司同埋雞肉串燒，和牛粒串燒每樣食物都好出色味道唔錯，竟然唔打唔撞都入到間好食嘅日本餐廳😚😚😚

新開日本魚生丼價錢相宜有湯有小食今日試左既丼飯比較欣賞d海膽唔苦清甜原來是來自加拿大魚生呢個價錢算是不錯了一入坐，店員會拎筒裝濕紙巾派給顧客，幾衛生不錯！小店環境不錯，靜靜的，人流不少

中午吃飯，點了二客魚生飯，角切魚生飯很多料仲有刺身蝦。另一款海膽魚生飯，有三文魚，刺身蝦二隻，诲膽有三大片，很新鮮。老板很好人，飲了綠茶可樂，第一次飲, 好正，很新奇個樽好𡃁。👍👍😋😋

嗰日就係嗌魚生飯啊，咁呢餐飯都好新鮮㗎😘😘😘喎咁跟住呢我哋發現到呢佢啲Wasabi呢！原來係手磨㗎，好過買個d 好多！咁我就發現到呢嘅除咗嗰啲啦，仲可以自己揀三款。仲有，見到呢啲飯呢仲係涼涼地㗎！咁我好欣賞佢咁樣做啦。呢d 叫儲飯～～～最後有一個炸物遲左小小，但佢好有誠意，服務一直都係加零一！對面呢有一間我食過。嗰一間呢反而冇咁好食，雖然好多人所以呢有時啲小店的是支持㗎有時間呢都值得去食傢！有回頭

今日食咩好 食魚生飯就最好六點半到 無咩人坐左五分鐘不停有人入泥了一家大細又有情侶都有 有前菜送 係螺肉 叫左三文魚海膽吞拿魚腩飯 $88@雖然三文魚比較薄但係都算係咁啦呢個價錢來講好街坊價平時銅鑼灣食起碼$198@服務好好 個男仔好nice 好細心倒茶!

雞扒飯同鯖魚飯係熱門午餐。雞扒飯要等耐啲先有得食，試過落單後等咗15分鐘，其間先食沙律同麵豉湯。由於地方細，枱面唔能夠同一時間放齊所有食物，快手快腳的店員見你食晒一樣嘢，就會收走吉碗。等，係值得架。雞肉滑口有肉汁，將蔥花同紫菜置頂，加少少白芝麻，靚之餘又可以令個飯有更豐富的味道，食晒一碗好夠飽。鯖魚，冇煎過龍變魚乾，魚皮有少少脆，肉夠入味；檸檬大件過一般食店好多好多，而且多汁，望得見的新鮮，檸汁以外仲有微酸醬油可選用。白飯方面呢，欠咗飯味同質感，希望改用較好的米，令到個餐更加出色。店面細，如果唔係有心嚟食飯，真係行過咗大門口都唔覺，佢就喺川館過兩個舖位。想支持小店，就要帶眼行路喇。

On a very small street across from Olympic Center/Hermitage. Pleasant spot for lunch. Unassuming Japanese restaurant. Seems to draw a nice lunchtime crowd. But still a table was available. I ordered the Beef Donburi that was super. It comes with a small salad and miso soup.

位置在以前九十后的旧位，这个地方不太好找，一不留意就过了，猪扒不是自家制的，粉多，其它都算OK，性价比也算高，鱼生丼都算新鲜，不过不失，午餐价格实惠，会继续支持小店，

原本不吃日本料理的我 中秋假期剛好在附近逛逛看到一家新開的溫馨小店裝修典雅 燈光柔和 於是進去看看 服務很客氣不吃澱粉的我 看到了三文魚沙律魚生厚度很夠，調味很棒，整體非常清爽開胃另外再點了芝士雞翼 芝士的味道適中 清爽不油膩 老闆親切的請了我吃小小前菜 芥辣八爪魚可能我不吃哇沙米 覺得有點辣不過口感很爽脆整體來說 用餐的感覺非常好 而且中秋節 特地在食材上用心 用番茄做了兩隻小兔子🐰做裝飾真的超級可愛 很推薦這家用心的店❤️