卓苑

Open Now

Now Closed

Celebrated my mom's birthday at Zhuoyuan because we heard many good comments from our friends, who loved to try out different chinese fine dining in Hong Kong. Truly the view was amazing, and the food was exceptional! My family and i enjoyed it so much, and definitely come back again soon!

環境超好，就算唔係坐窗口位都可以睇到靚境，枱與枱之間距算闊，傾偈都傾得自在啲點心個樣有幾靚睇相應該完全感受到，由其係個金魚餃，真係靚到不得了🥰🥰唔影多兩張相都對唔住自己😂😂唔好以為得個樣，食物味道唔錯架最鍾意蘿蔔絲酥 - 外面鬆化，入面有豐富嘅蘿蔔絲，唔會太乾，好好味黑松露餃 - 松露味濃郁配搭野菌粒好有咬口而且餃皮又夠薄Order點心每款最少兩件起就可以，大家可以按自己同朋友口味，喜好去落單幾好，唔洗怕浪費，又唔洗就黎就去，大家都食到各自想食嘅嘢👍🏻👍🏻👍🏻另外服務都值得一讚，侍應有禮貌又helpful，因為當日係慶祝生日帶左蛋糕上去切，唔需要收切餅費，待應幫我哋安排上蛋糕時間安排得好perfect，知我哋要影相又主動幫我哋清理，擺位，最後又派曬卡片，留曬Whatsapp叫我哋下次book枱搵番佢。好有誠意😃

已經第二次黎食，上次星期六，今次平日，想講之前啲餐牌有啲一個價錢一籠幾隻咁叫，宜家已經無哂，全部要逐隻計，好多要最少兩隻。去到嗌甜品，上次兩個人黎，食左蛋白杏仁茶，本來想嗌兩款既，但佢一定要同款兩件，無錯，即係連加一過一百蚊，想試兩款係唔得嘅，見佢都幾杰，心諗係咪太少會痴底? 今次三個人去，以為要叫三個同款，點知佢話可以嗌一個喎，就諗住叫三款唔同啦，點知佢話一定要有一款要兩個，Y? 原來唔係做唔到一個，咁點解又可以2+1咁嗌? 完全無理。廚房咁囂，點解唔去做omakase，直情由頭到尾唔駛俾客揀啦。fine, 你咁有原則，我地都好有原則地唔食。野係好食，服務都唔錯，除左做甜品果個，做卓苑嘥左你，去做omakase 啦，你係屬於果度架。

我唔係打手❌我愛四圍搵好東西食嘅人🍽呢幾日無意中網上見到介紹呢間中菜又嚟試吓啦😆本想食上午可惜full咗唯有飲下午茶啦🫖book咗2:00pm已早10分鐘到，原來訂了枱仍然要等終於2:20pm安排了房間比我們坐因為大廳仍然無位喎但last order係3:00pm，3:30pm就要離座雖然有房坐但時間太急趕，如果房間可以早一點安排客人入座會比較好啊當然要把握時間立即點了幾款點心😘「塘泮高湯金魚餃」魚湯清甜，餃表皮爽配上蝦肉，口感一流「灌湯小籠包」皮薄仲好多汁「太極馬拉糕」芝麻唔算太香蔗糖味不算太重特別在款式、「蟹籽菊花春卷」、「花枝米網腸粉」呢幾款點心睇得出師傅好好心機手藝了得沒有諗到原來「紅袍荔枝」外表脆脆內裡有粒荔枝肉再配上流沙奶黃醬，清新得嚟又好特別「黑松露野菌餃」～唔需多講主角係黑松露係好重味但食唔到什麼驚喜😙「金箔原隻鮮蝦餃」～爽口「蠔皇叉燒包」～都係飲茶必食點心😁😁服務態度尚算Ok啦不過在改落單時沒有修改賬單，所以腸粉都係收咗我「原隻特大鮮蝦腸」嘅價錢㗎😂😂😂我都話我唔係打手係食家㗎啦😆😆整體我哋都非常滿意今日嘅點心🥣和侍應嘅招待食物材料絕對係新鮮雖然只係點心但唔係間間點心

昨日，5月8日，和我好朋友同家妹一同4人到這間店食點心作午飯。進入後感覺環境舒適，開揚及更可以望向維港景，但我們可能遲去所以不靠近窗邊位，但觀景都唔差。我們開茶後，揮揮手準備叫嘢。其中一個呀姐說：「好，就嚟」，等小5分鐘唔見咗人，再另叫另外一個呀姐，叫了好幾聲，佢全心全意開一張新枱的擺碗筷（枱邊是沒有人客等後的），佢都不應對我的呼喚。最後要我像大排檔式的大聲呼叫，部長即衝過來了。我跟他說：「你們這店咁高層檔次，點解叫極都冇人應我，同我落單，其實我都唔想大大聲的叫人呀，話哂我都係有文化的。」他連隨say sorry. OK 我接受了，便向他落一堆點心的order包括一個煎蠔烙。食落點心都係一般，就像外面食肆差唔多，只不過係多咗d整色整水，例如燒賣加咗魚子醬在面，蝦餃和流沙包塑料一 下金色的油（ 一定唔係金箔）每粒計算 30蚊一粒，蠔烙叫咗半個鍾頭才到，佢話先前一個煎衰咗； 所以咁耐，食落去味道唔差，但接近300一個， 抵唔抵食，自己決定

一向會睇Openrice食評再選擇去品嚐，見其他食客都高度評價卓苑的茶市。今天與家人去晚飯，7点到大廳空無一人，似包廳...哈哈哈哈。最後有3枱，眼前维港夜景是唯一賣點，其他服務及食物只可用勁差來形容一，叫了幾款小菜都話無，待應介紹的春菜煲，轉頭又話無，仲話係會員制，要預留才有，其實訂位時是否須要訂定小菜，還是晚市只招待會員。 其中叫了兩隻乳鴿，本想請再煮熟一点，但待應的態度十分奇怪，首先望了望，再帶上老花眼鏡細看，再同你講退吧及拿走，一句不好意思或要否改其他小菜都沒有，比茶記更差。個個待應似新人。最後，想點一些甜品，同樣大部份都無。真的是超卓的食肆。本人未曾寫過食評，真的不吐不快。

首先打開餐牌由頭睇到尾，潮州菜竟然無滷水鵝，無蠔仔粥已經有點兒失望，諗住叫炸乳鴨，話要預訂（餐牌上無註明要預訂），叫一個水晶雞話無🤦🏼‍♀️🤦🏼‍♀️🤦🏼‍♀️，個刻心諗你地仲有咩係無一早講，叫一樣就無一樣，個個staff 完全好似新上班🤷🏼‍♀️算！就叫一般潮州菜式煎蠔餅油到不得了，椒鹽九肚魚還可以，乜乜炒雞味道一般，三拼小食😒差過食煎釀三寶，唯一炸大腸同炒蝦蛄係最似樣。要俾呢個價食呢個質素可以大把選擇完全失望到極點🤦🏼‍♀️，成餐晚飯四個人二千幾超失望。

Solid dimsum with a stunning view and impeccable service! I was hopping to try their 太極馬拉糕 (Cantonese sponge cake) and 花支米網腸粉 (steamed rice flour roll with mashed cuttlefish) but both items were alrdy sold out😭Here’s what we tried:*金箔原隻鮮蝦餃 Shrimp Dumpling topped with gold leaf HKD 56 - solid, would have preferred just whole shrimps as the filling instead of a combination of whole shrimps and minced shrimps though *翡翠鮮蝦腸粉 Steamed rice flour roll with shrimps HKD 78 - they were so generous with th

疫情下困了很久，公眾假期又見開始情況好轉，一定要食餐好慰勞自己。本身我很喜歡Zentre的食肆，題外話同位置的那家米豬蓮拉麵可以省下不用試，服務不配那個價錢及獲星的銜頭。言歸正傳，見到新開又賣點精緻點心，喜歡飲茶的我們一定要試試。金箔蝦餃蝦肉鮮爽，咬落多汁。魚餃都好味，但都係金箔蝦餃較好味，不過靚靚點心一定要叫。蟹鉗灌湯餃的湯最好味，餃就不過不失。芋絲糕不錯，係我自己勁鍾意食芋頭類食品，不用必試，哈。Cha Siu包可以不用試，冇特別荔枝波波必試，外表軟脆適中香橙卷有驚喜，真心好食。(在主餐牌)想叫腸粉，但因製粉皮機壞了，冇得order...想叫炸大腸(主餐牌),又係冇。服務幾好，去洗手間侍應都會帶客人前往，很貼心。但唯獨要改善係，話晒都屬於較高檔次的食肆，但一入餐廳已聞到一陣油益嗡味，到我們用餐完畢，應該接近員工開始落場時段，我就開始一直聞到煙味....應該係員工休息吸煙飄咗啲味出來，這方面令印象打折扣，跟職員反映，佢呆咗一呆就冇任何表示。

新年期間行過Shereton, 本來打算同媽咪去飲茶, 點知FULL 唒, 點知無 lala 發現 H Zentre, 見到16/F 有卓苑,就試下Walk In. 竟然有位, 地方超大, 非常豪華, 今次坐係大廳, 已經望住全個大海景...見到Menu...好多特色點心, 勁多潮洲甜品....點心超有水準, 價錢大約 HKD$100-150 / 位...試咗5款點心, 相當出色,  松葉蟹鉗灌湯餃好正, 成隻蟹腳好鮮甜...和牛卷勁有驚喜! 見到有好多VIP房, 下次一定會試下 Book VIP 房同friends一齊去! 

今日起身無野做， 突然間想飲茶，即刻上網搵吓邊度有好嘢食，搵到呢間新開嘅好似冇乜人講過嘅餐廳，膽粗粗試吓啦！上到去環境唔錯，因為已經係下午兩點嘅關係，場內冇乜人得兩三枱，安排我坐喺窗邊位， 個景幾靚，但心諗希望唔係又係食環境啦！ 之後叫咗大紅袍茶，叫咗幾個點心: 蝦餃、金魚餃、春卷、叉燒包、蝦腸、馬拉糕！ 蝦餃: 唔錯幾精美，仲整啲金箔喺面！金魚餃: 都好靚， 但我自己一般， 味道有啲清！春卷: 賣樣！味道正常啦!叉燒包: 賣相好得，爆餡，個包鬆軟，但發覺餡料醬多叉燒比較少！馬拉糕: 正常蝦腸: 最有驚喜係蝦腸，每一件都有一大隻蝦，腸粉皮做得很好

朋友介紹新開粵菜，因現在冇晚市只有試吓午市飲茶，飲左雪菊茶好特別，有少少九制陳皮香味，值得一試，叫咗花枝米綱腸粉、鮮蝦腸粉、金箔蝦餃、鮑魚酥、金魚餃、蘿蔔絲酥、小籠包、菊花春卷、和牛野菌卷，雪山叉燒包，最後係甜品紅袍荔枝，真係超有水準。花枝米綱腸粉好好食，脆卜卜腸粉好特別又好味，金魚餃栩栩如生，上菜時似池塘入面有4條金魚游水，真係好靚。蝦腸D蝦好大隻，甜品荔枝好得意好似真係原粒荔枝一樣，上面係薄荷葉，外面有脆卜卜的粒粒，而入面係流生咸蛋王醬同蒟蒻，必定要試試，大廳有個超大無敵海景，睇嚟個老闆想米芝連摘星星。