知味川菜

Open Now

Now Closed

今次是第二次去食，真係大件夾抵食，酸菜魚，魚肉新鮮冇骨，口水雞雞肉嫩滑，豬紅好好味，仲有魚皮好爽口，太好味，三個人完全食晒冇得剩，越來越有水準，值得推介，酸菜魚一定要試👍🏻👍🏻

推介左同朋友去食 知味川菜, 繼續酸菜魚, 依然係好滑~~好入味~~ 但今次真係要講下D 新款菜:1) 酸辣魚皮好爽滑, 又唔腥, 我好少食魚皮, 但呢個完全非常可以接受, 味道極好~~2) 麻辣小龍蝦呢個又係好少食, 但朋友想食就試下, 個小龍蝦完全是吸晒D汁, 好正, 但已經叫小辣, 我愈食愈辣, 咀好麻, 呢個如果係好中意麻辣的就正, 我下次要叫小小小辣 先得, 因為係個種食唔停口的那種, 或者配啤酒咁食仲正~~但小店仲未裝到八達通有D唔方便, 好似搞緊, 希望下次去可以拍八達通啦~~~

食lunch唔知食咩好，行過見到呢間係食酸菜魚水煮魚好似又錯咁，未試過就試下咁就入咗去，佢價錢都正正常常，唔會太貴都唔見平價。叫咗個水煮魚食下，佢叫味就幾夠辣，亦都算入味，我個人就覺得都唔錯，正正常常既，有機會會再試，會想試埋佢個酸菜魚睇下正唔正。

好多年冇寫食評,今次真係難得我要kill time,又黎寫下! 睇番我好多年前的食評，原來我咁mean今時今日，一樣咁mean(實食實説嘛)!今日食左酸菜魚(辣)同口水雞,老實講,口水雞D汁有好多進步空間,雞肉就真滑,正!冇得比我插,但個酱汁唔夠麻辣,芝麻粒也不夠多,double重口味啱我D!入主旨:酸菜魚!真係得估佢唔到!個樣咁平凡,但酸辣味非常配!而且魚肉超滑,魚肉係有入味(試過另外有D店係魚丶湯分離的,魚冇魚味),呢度係真係汁已入左去魚肉度,好野味!食到底個湯就開始略咸,可能要一路食一路搞下會好D?!有part好搞笑,呢間野去左兩次,都係下午兩三点到,都係食食下就見隔離舖嘅人黎幫襯,今日仲見到好似有個其他食肆員工嘅物體黎自己去cashier自己落外賣單比自己食,好free好有family feel!呢間舖嘅亚姐同老板都好街坊好nice~好中意呢種街坊街里嘅感覺!

因為疫情緣故，已經很久沒有寫食評了！因為很多餐廳都被迫關門大吉，所以就很難再找到好吃的店家。夥伴有五折優惠，於是約我一起去品嚐川菜。我們兩個人一共點了五道菜，再加一碗油飯。如果你叫海南雞飯，記得要另外加錢交油飯，因為海南雞是不包括油飯的。老實講，海南雞唔掂（其實香港的所有海南雞都唔掂。因為我是南洋人，所以海南雞騙不了我）。油飯就非常好好味，值得叫來食。其他菜式如，酸菜魚，夫妻肺片，土豆絲和皮蛋都十分美味可口。當然我知道每個人都有自己的評價和口味，但我對於自己今次在這家川菜館吃到的食物是滿意的。服務員還送我們一人一碗涼粉冰甜品，服務也很親切有禮貌。大家不妨一試，不好食就當一個經驗，以後可以唔再去食架。反正給自己多一個選擇也沒有壞。再說，價錢好平。

因朋友極力推介知味川菜的酸菜魚，趁今日放假特登去試吓，真心給個贊！我哋叫酸萊魚，口水雞和魚湯浸時蔬，啲魚（加州鱸魚）又滑又沒有腥味，雞一點都晤鞋，口水雞汁，辣度適中，鮮香的感覺真係好正，魚湯浸時蔬，竟然是豆苗？$68？超抵食👍👍👍我哋都非常滿意這次試食之旅🤩🤩🤩

本身想去哪個, 太多人排隊唯有轉場. 見有好評而黎, 被騙感覺， 非常失望食左口水雞同招牌酸菜魚口水雞完全唔掂，明白川菜預左油，但好油而個sauce 唔香, 得一點麻辣味. 雞件肉質好鞋酸菜魚黃綠色, 唔香. 魚超滑無魚味, 唔知自己食緊咩. 食完可能兩碟都太油膩, 個胃唔舒服除左唔算太貴, 諗唔到有其他可取. 為免太多人見到前邊幾篇好評中伏, 史上第一次咁快出文食左幾啖就明白點解有點餐廳大排長龍, 呢間weekend 去一開始walk in 得我地一枱客係有原因嘅每次寫劣評都要被警告一下嚴重指控 “根據香港的《誹謗條例》，提交該食評的食家或需負上相關的法律責任”我話雞太油膩, 鞋. 魚滑無魚味, 都算嚴重指控？難道呢個平台只能寫好評？ 所謂食評, 從來都係主觀感受, 再professional食家話好食都未必合各人口味, 更何況我呢個小薯仔？只係唔想其他人睇到呢家餐廳全好評, 抱過高期待值而失望而回. 呢篇既係食評, 亦係我 主觀 掏銀包食完覺得唔好食. 如果寫劣評就要警告下, 真正用心用戶只會覺厭倦

❀ 知味川菜 #大角咀 ❀❗️新開平價高質川菜 分量十足味道夠香❗️——————————————————唔打唔撞喺大角咀搜尋到呢間新開嘅高質川菜餐廳🥰價錢平平哋，冇期望好高質，點知非常香濃惹味，分量夠晒大，絕對係平價食高質川菜嘅好去處👍🏻。.午市套餐只係$42至$58，包飯同嘢飲，另外仲可以加$8配涼菜。晚市食品差唔多，都係以酸菜魚、水煮牛肉、口水雞、海南雞飯等等為主，大大兜酸菜魚都只係$198，而家外賣自取仲有八折✨！.✷𝑀𝑒𝓃𝓊✷☞ 酸菜魚午市套餐🐟$58唔好以為套餐就細細兜，嗰碗絕對大過個頭。分量多多嘅魚夠晒入味夠晒滑，酸得來帶麻香，調味的確唔錯✨。仲有大量酸菜、瓜絲、蘑菇，全部都索晒香濃嘅湯底，用嚟配飯一流！味道: 4.6/5.☞ 川式口水雞🐔$52口水雞亦係我食過數多間之中最香麻，辣椒油內裏有多種香料豆鼓等等。雞肉亦都非常之滑，有啲仲有嗰層通透啫喱。每舊雞肉都沾滿晒啲辣椒油，非常美味🥰。味道: 4.6/5.☞ 酸辣木耳 跟餐加$8木耳用咗醋去浸，係偏向酸酸地嗰種，唔算太辣。但$8來講份量都唔少，係個唔錯嘅開胃涼菜👍🏻👍🏻👍🏻。味道: 4/5.☞ 涼拌土豆絲 跟餐加$8 喺眾多四川

唔知大家係唔係同我一樣都差唔多開始正常返公司工作呢我有好介紹俾返奧運或者大角咀既你呢間川菜係大全街之前都冇乜留意到門面其貌不揚但原來佢哋性價比勁高好彩咁都俾我發現到餐廳有電視睇 環境衛生乾淨企理．一人份招牌酸菜魚套餐（$58）顏色對版放左足料紅辣椒已經好吸引魚片厚身超過10片份量好多配料仲有唔少得既海帶絲同酸菜好香濃好惹味麻辣度好岩我愈食愈停唔到口另加$8仲可以配一份特價涼菜我就揀咗涼拌土豆絲超大盒既份量用黎撈飯一齊食一流出面食起碼收$30 以上．川式口水雞套餐（$52）份量亦係好多雞肉超嫩滑入味配埋爽脆既碎蔥花生米辣中帶香很可以下飯食完個肚暖粒粒好滿足．飲品方面有無糖可樂（加$5）加$10就有佢哋自製嘅冷泡茶我揀咗桂花觀音兩者用黎解辣而家外賣自取仲有8折價錢真係好唔合理完全係抵到爛

大角咀多嘢食就好多人都知(⁎⁍̴̛ᴗ⁍̴̛⁎)咁你哋又知唔知道仲有間好好食嘅川菜？依家好多間川菜都唔食得，好彩有依間新開既川菜🤪-🍽涼拌豆筋｜💰48✔️好香好辣好開胃✔️豆筋好滑重豆味，都好入味.🐤招牌無骨海南雞飯配雞油香飯｜💰52🌟雞每日新鮮做，好嫩滑，皮皮都好爽口✔️勁多肉，無骨，超爽！配醬汁好夾👉🏻可以加💰8轉雞髀✔️飯粒粒分明，雞油落哂飯✔️側邊嘅花生涼拌都好開胃.🐮水煮牛肉｜💰58✔️剩聞到都好刺激味蕾，花椒帶少少麻，超香✔️牛牛塊塊大大塊，肉質鬆軟✔️個底嘅芽菜同埋蘆筍、菇都索晒味.🍋檸茶跟餐送，仲要都幾多幾大片檸檬(⁎⁍̴̛ᴗ⁍̴̛⁎)

$58酸菜魚連白飯包野飲 味道正正常常 魚肉滑溜 加$8有碟小食 可以揀涼拌土豆絲/海帶絲我仲叫左個涼拌豆筋 $48 小貴 但幾好味整體黎講 係唔錯既呢間小店 抗疫期間外賣有8折啊

抗疫時期，路過餐廳。見有招牌菜酸辣魚，海南雞，同蠔仔粥，就打包外賣試吓，點知好有驚喜！酸菜魚酸得來帶小麻。魚肉亦很多同好滑。🥰蠔仔粥啲蠔都唔算細粒，新鮮得來又有咬口。老公話好香海鮮味。海南雞亦都好滑同冇骨。唔會專登嚟食海南雞，但半隻$60，做配菜一流。呢餐飯三百幾蚊，唔算平，但質素好。一路等外賣，見到好多街坊嚟買。返返屋企睇開飯，先知係新食市。希望抗疫期間捱到過去。💪🏻💪🏻我哋都應該會再嚟。