Video
Opening Hours
Mon - Sat
10:00 - 19:30
Sun
10:00 - 18:00
Above information is for reference only. Please check details with the restaurant.
Signature Dishes
之前見到食評一直想試....終於找天放假特登去食~~去到店裏已改為外賣或到會...只好叫外賣拎返屋企食~~今次叫左糖心蛋/ 秘制雞翼 / XX豬扒(忘記名字)及咖啡~~或者之前見其他食家的食評係好幾年前, 所以都加價了...咖啡一杯好似係$15...三樣食物來計, 最好食只係蛋....雞翼真的十分普通,唔太入味..而豬扒係軟但好乾身....整體黎講算OK吧~
continue reading
之前試過再來一蛋, 好好味, 見佢原來做到會, 咁啱大夥朋友節日聚會, 唔想成日都係pizza炸雞, 就試吓問吓價。店主很有熱誠, 細心介紹各款食物的煮法和醬汁配搭, 就算我改單加單佢都不厭其煩幫我跟。凍食秘製糖心蛋: 朋友都好鍾意食, 不過我覺得係鋪頭即食味道更好, 不竟送貨1小時的車程影響咗蛋嘅溫度意式雜菜沙律: 估不到三色椒加粟米做沙律會咁好味, 醒胃之選, 我食咗2碗!!烤特色雞翼 : 因為等齊人嘅關係, 食嘅時候已經凍咗, 覺得同一般雞翼沒有太大分別 杏汁焗豆腐西蘭花: 喜歡杏汁的朋友都覺得好正好特別, 不過唔好杏汁的朋友就覺得杏汁味太濃到唔想食, 豆腐可能因運送關係變老咗雞扒配焗薯: 雞扒入味, 薯仔如再入味一點更正手撕雞: 好好味, 白芝麻好香蘇格蘭汁配燴螺絲粉: 我個人唔好沙律醬類食物, 但朋友覺得嗰蘇格蘭汁出乎意料咁好味, 成盤清哂醬汁豬扒: 朋友評語好味馬來喇沙什燴: 愛吃馬拉食物朋友話豆腐卜入味好正, 嗰汁送飯一流酒香燴巴西牛尾: 牛尾好淋好入味, 連軟骨味都出埋, 配菜紅蘿蔔又好甜芝士 白汁龍脷柳: 終於食到唔係厚粉嘅龍脷柳~席間朋友不停讚好味,所以身為搞手嘅我都好開心~~ 訂咗17人份量, 送去大埔都冇加埋運費, 自己另外買嘢飲買零食每人只係$100!!!
continue reading
話說有日得閒無事行左去4B區行行途中發現一間小食店位， 就入去試下啦~店主推介凍食糖心蛋~ 一CUT開~~ 畢得寫... 個黃靚到漏曬出黎~入口除左有鹵水味~ 仲有一份甜味~ 又滑~ 正到呢 本人平時很少吃蛋黃的~ 但呢個凍食糖心蛋食2個都仲得
continue reading
自從 11月走去幫襯 "棒棒糖" 之後，我已經好耐無嚟呢頭嘞！見星期日無所事事，專程走嚟金寶大廈搵「再來一翅」。 好在嚟之前先睇吓 openrice 附上嘅地圖，原來呢間小店好唔就腳，經過紅色天橋 ( 俗稱紅橋 ) ，行大約 5 分鐘，經多寶大廈，再行到最篤終於搵到粉紅色嘅金寶大廈，再來一翅舖位正是行到最入嘅角落。看來門面細細，其實有兩個不相連舖位，店主帶我到轉彎個舖位堂食，當時呢個舖位無開；佢專登為我呢一位食客開門、開燈、開電視；服務認真一流！令我有點唔好意思！ 呢度有水龍頭、雪櫃，猶如一個小小休息室，感覺悠閒舒服！店主應該係基督徒，牆上有個十字架！ 唔肯定店主及店員係咪兩母女呢？兩位面尖尖，膚色有點黑，幾 fit !起初，我以為會有碗仔翅食；再來一翅嘅「翅」係代表翅膀，即係雞翼！ 不過，我與"再來一翅" ( 秘製雞翼 ) 無綠， 店主話今日無"再來一翅" ，只有烤蒜香雞翼及黃金雞翼。呢度供應不少小食，例如：豬扒、雞扒、雞翼、魚柳、香腸、金沙骨等；既然食唔到 "再來一翅" ，唯有試吓 "再來一蛋"！ "再來一蛋" ( 凍食秘製蛋 ) $5/ 隻即係一隻凍冰冰糖心蛋，蛋白略帶鹵水味，尚算入味；一咬開，即見糖心蛋黃。 蛋黃軟腍腍，可能係隻糖心蛋蒸熟再雪凍，所以並不流心；就算食完都唔覺餾！相信夏天食會仲滋味呀！烤豬扒 $9 / 份由於烤爐要預熱，要等 10 分鐘才送上熱辣辣烤豬扒！即叫即烤！正呀！ 係一塊香茅豬扒，夠入味！我覺得烤好過煎，起碼無咁油無咁熱氣，仲可以保持肉汁！ 我要求剪碎，一開七件。不過，呢件豬扒幾肥，肯定無用鬆肉粉，肉質已經夠腍，容易用膠叉拮嚟食，好滋味！熱 cappuccino $10單看價錢已經非常抵！ 不用 5 分鐘上枱，用上低脂咖啡粉，十分健康！ Cappuccino 將奶打氣變成泡沫，倒上咖啡面。 可惜，紙杯俾唔到呢種享受感覺！店內提供兩包黃糖！加糖之後，仍留在杯面！可見泡沫打得夠挺身！飲一啖，味道香濃，質感幼滑！質素相當不錯，係一杯超值Cappuccino！其他飲品 $4 ~ $12 有交易！另有到會餐單，最低消費 $500，超過 $800 可送貨到屯門及元朗區，免運費。
continue reading