Video
Introduction
于大埔起家的人气串烧酒吧，此分店设有室内外座位，其串烧火侯十足，生熟度恰到好处，肉质鲜嫩，香气扑鼻，而且价钱合理。
continue reading
Additional Information
📢設有包場服務🎉外賣到會⚽英超足球直播🥅
Opening Hours
Today
15:00 - 05:00
Mon - Sun
15:00 - 05:00
Above information is for reference only. Please check details with the restaurant.
About Reward Scheme
Offers
近五年宵夜盛行串燒。而不是夜粥中式食物。漸漸串燒進化到晚餐時間。今晚係專登落蘭桂坊一間偏僻餐廳。**燒龜苓膏**是一道傳統的甜品，外表看似簡單，但其實內含豐富的草本精華。燒製後的龜苓膏口感滑嫩，帶有淡淡的苦味，搭配上甜蜜的糖漿，讓整道甜品既清新又不膩。這道菜不僅能消暑解渴，還能**香蒜燒鮮鮑魚**鮑魚經過香蒜的調味，散發出誘人的香氣，肉質鮮嫩，咬下去彈牙十足。香蒜的香味與鮑魚的鮮味相互交融，讓人一口接一口，根本停不下來。這道菜的呈現也非常精緻，讓人感受到廚師的用心。**炭燒挪威原條鯖花魚**，這道菜的魚肉鮮美，炭燒的方式讓魚皮酥脆，肉質保持了鮮嫩的口感。魚肉的油脂在炭火的烘烤下釋放出來，讓整道菜充滿了濃郁的香氣。搭配上檸檬汁，讓魚肉的鮮味更加突出。**燒黑松露帶子珍珠飯**珍珠飯的米粒飽滿，吸收了黑松露的香氣，讓整道飯菜散發出獨特的香味。帶子的鮮甜與黑松露的濃郁相得益彰。**招牌燒澳洲龍蝦**和**燒芝士年糕**。龍蝦的肉質鮮甜，經過燒烤後更添風味，搭配上特製的醬汁，讓人一口接一口，無法自拔。燒芝士年糕則是甜品中的亮點，外脆內軟，芝士的濃郁與年糕的Q彈形成了完美的對比。感受到幸福的滋味。
continue reading
蘭桂坊除咗飲酒之外都有唔同高質餐廳，其中位於蘭桂坊酒吧街主打燒烤串燒酒類😎 分室内及戶外座位，不斷有節奏感強烈音樂，整體燈光設計有氛圍，同朋友放鬆心情🍹🪄香蒜蔥花廣島蠔嚟自日本🗾廣島，蠔身肥美有肉，燒完仲有滿滿蠔汁唔會好乾，配上香蒜蔥花味道更有層次🪄蒲燒鰻魚串燒原條鰻魚上啖啖肉，鰻魚汁好濃郁加上魚很有膠質感，酒吧餐廳做到呢個效果好有驚喜🪄燒宮崎雞腿扒拉麵🍜雞扒燒得好靚，食落好多肉汁，同拉麵分開上好貼心，唔會影響雞肉口感🪄串燒大拼盤叫咗玉子燒、安格斯牛肉露筍串、招牌雞皮墨魚滑卷、鹽燒牛舌心、炭燒牛板腱玉子燒雞蛋整得好滑，牛肉亦好香牛味，配上露筍可以減輕油膩感，個人最推介雞皮墨魚卷，墨魚滑亦好重墨魚香味，雞皮燒到好香再加少少孜然粉🍹 San Mig Light Draught朋友鍾意啤酒類，屬於比較清淡亦有麥味，夾串燒簡直絕配🍹 Sangria賣相非常之靚，做到兩隻顏色嘅漸層，有果香味而酒味屬偏濃🚩芝加哥串燒酒場 (中環)中環榮華里12-14號榮華大廈B座地下L及M號舖#addifoodie #addifoodie中環 #foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #HKcouple #foodiecouple #美食 #香港美食 #香港餐廳推介 #香港好去處 #香港餐廳 #香港餐廳指南 #中環 #中環餐廳 #香港打卡 #慶生 #紀念日 #打卡 #中環美食 #香港打卡好去處 #hkfoodie #香港探店 #蘭桂坊 #蘭桂坊美食
continue reading
酒吧有室內同戶外位, 掛滿粒串, 好有氣氛。食物有好多選擇, 由飯到海鮮, 再到串燒, 真係好豐富, 每一款都好驚喜好好食! 𓆹 招牌燒澳洲龍蝦 $𝟿𝟿𓆹 香蒜芝士半殼扇貝 $𝟼𝟶𓆹 燒雞泡魚乾 $𝟻𝟾𓆹 金菇牛肉卷 $𝟸𝟾𓆹 鹽燒牛舌芯 $𝟹𝟹𓆹 一口和牛串 $𝟸𝟿𓆹 炭燒牛板腱 $𝟺𝟿𓆹 燒汁極品牛頸脊 $𝟹𝟿澳洲龍蝦鮮嫩彈牙; 扇貝燒得剛剛好, 食落好juicy; 雞泡魚乾好適合餸酒! 個人非常推薦炭燒牛板腱同牛頸脊, 肉質結實但好軟腍多汁!𓆹 極品即燒乳豬 $𝟹𝟾𓆹 椒鹽日本黑豚 $𝟸𝟸𓆹 黑毛豬腩串 $𝟸𝟹𓆹 蜜汁燒黑豚肉 $𝟺𝟸𓆹 風味羊肉串 $𝟸𝟻𓆹 孜然燒羊腩 $𝟸𝟼燒乳豬非常有驚喜, 外皮香脆, 肉質嫩滑, 大推! 另外, 黑豚肉加咗蜜汁好有港式bbq 風味!𓆹 安格斯牛板腱珍珠飯 $𝟾𝟾𓆹 新鮮翠玉瓜 $𝟷𝟼𓆹 炸厚切薯片 $𝟸𝟹𓆹 Brookly IPA $𝟿𝟸𓆹 1664 $𝟿𝟹最驚喜係酒吧有珍珠飯食, 飯裡面混合咗牛油同蒜茸, 味道香濃, 牛板腱嫩滑軟腍而且多汁! 啤酒味道清爽, 香氣柔和, 配串燒真係好正!
continue reading
星期五最岩就係食下串燒飲杯酒傾吓偈(´▽｀)餐廳有室外室內位置，食物同飲品種類多，紅酒白酒雞尾酒應有盡有，啤酒每日買一送一！好抵飲！食物方面款式多，除咗串燒之外，仲有幾款飯可以俾大家選擇，花多眼亂，樣樣都想食😂.🐮肉類及內臟自家製和牛棒 $42燒豬大腸 $26燒秘製肥腸 $19炭燒鴨胸 $24風味燒雞腎串 $19和牛棒濃郁牛味，大腸同肥腸好香脆，鴨胸香脆有咬口，雞腎串有嚼勁又爽口 .🦑海鮮明太子玉子燒 $58招牌雞皮墨魚滑卷 $33招牌無骨白鱔串$58 (蘭桂坊必食串燒)香蔥燒蟶子王 $108香蒜燒鮮鮑魚 $82 3隻蔥燒半殼扇貝 $55 轉香蒜芝士+$5招牌雞皮手打鮮蝦滑 $38玉子燒柔軟滑嫩，明太子味濃郁，每啖都食到明太子嘅鮮味，推薦！墨魚滑好足料，配搭雞皮脆脆地幾好食。白鱔燒得皮脆肉質鮮嫩，蟶子、鮑魚肉質鮮甜又彈牙，好惹味！扇貝幾大隻，面頭鋪上滿滿芝士，好邪惡！雞皮蝦滑外脆內彈牙，每啖都食到蝦肉味，配上鵪鶉蛋月見汁又係另一番風味.🥬蔬菜🍆招茄子燒 $42蘆筍燒 $28燒尖椒串 $17浦燒雞脾菇 $18燒大啡菇 $35茄子仲保留到水份唔會好乾身，蒜香味十足。蘆筍新鮮多汁，厚切嘅雞髀菇，灑上調味料，連我唔食菇都覺得好食，啡菇好juicy，唔會燒到好乾.炸物炸活白鱔骨 $58我第一次食，炸到脆卜卜幾好食😋.🥃酒🍎淺間蘋果酒 $108🍷Two Vines ,Us (Red) $58蘋果酒果香清新，非常順口，比較偏甜，岩哂女士飲
continue reading
上次朋友食完就同我講話呢間啲串燒都唔錯，咁啱同朋友行經蘭桂坊，咁就諗住過嚟試吓，見到而家啤酒買一送一呢個優惠勁吸引。入咗嚟冇幾耐就勁多人，平日嚟坐得舒服，週末應該好旺場。勁多串燒其實第一下都唔知揀咩好，整體質素都唔錯，不過有幾款特別得我心。‣ 招牌雞皮墨魚滑+芝士雞肉串+雞肉軟骨棒+蜜糖雞翼 $89 🌟雞皮墨魚滑真係世界級，雞皮香脆，而墨魚滑又彈牙，超級好食！芝士雞肉串幾入味，蜜糖雞翼燒得勁香口，燒得勁好，值得一嗌嘅組合。‣ 極品即燒乳豬+荔枝豚肉卷+椒鹽日本黑豚+炭燒豬頸 $98乳豬皮脆肉嫩，果然值得一嗌。荔枝豚肉卷清新，荔枝夾肉口感原來幾過癮，都係必嗌之選。而椒鹽黑豚肉味比較香濃，炭燒豬頸多汁，兩者相比我鍾意炭燒豬頸多啲。‣ 宮崎去骨雞腿 $42 🌟咬嘅第一啖已經覺得好驚喜，雞腿嫩滑多汁，冇一嚿係嚡口，雖然佢有醬汁，但完全唔需要蘸醬各方面已經好完美，超推薦大家嗌嚟食。‣ 明太子玉子燒 $58玉子燒柔軟綿密，口感偏甜，加埋明太子嘅鹹香，食落都唔會覺得好膩。‣ 雞肉軟骨棒 $25軟骨棒口感豐富，有嚼勁得嚟，仲有蛋漿蘸醬增加風味，係幾唔錯。‣ 味噌甲羅燒 $48 🌟一上枱個陣香氣四溢，打卡又幾好睇。甲羅燒味道濃郁，仲有生鵪鶉蛋撈埋一齊食，滑嫩得嚟令蟹膏更加香濃，冇得彈。‣ 招牌雞皮手打鮮蝦滑 $38同墨魚滑一樣，雞皮夠香脆，鮮蝦滑嫩彈牙。但要挑剔嘅話，唔夠墨魚滑彈牙，兩者相比，我鍾意墨魚滑多啲。‣ 燒鵪鶉蛋 $22鵪鶉蛋熟度剛好，入口即化，都係貪過癮嗌嚟食下。‣ 招牌茄子燒 $42 🌟茄子燒出香甜滑溜的口感，朋友唔鍾意食茄子，佢都話好好食。調味又啱啱好，入味得嚟唔會太鹹。‣ 金菇牛肉卷 $28作為經典嘅金菇肥牛卷，好食係正常嘅。牛肉卷超多汁，金菇已經燒得相當冧。‣ 安格斯牛肉露筍串 $38 🌟安格斯牛肉鮮嫩，露筍脆爽，超級夾。‣ 荔枝牛肉卷 $26荔枝的甜美與牛肉的鮮嫩結合，食落去都幾過癮，但係比起入口嘅香味嚟講，我覺得豬肉更勝一籌，牛肉都係露筍比較正啲。‣ 培根車厘茄卷 $22培根香口，但正常發揮，唔會燒到好硬咬唔到。車厘茄甜美多汁，呢個串燒酸酸甜甜開胃用。‣ 蔥燒半殼扇貝 $56 🌟扇貝鮮嫩多汁，蔥香撲鼻，如果平啲嘅話，可能真係嗌多幾次，不過都知道海鮮冇辦法平。‣ 脆炸雞軟骨 $68 🌟雖然有燒雞軟骨，但係貪炸雞軟骨夠大份，份外皮酥脆，內裡保留雞軟骨的彈性，鹹香可口，讓人一口接一口。‣ 黑松露烤蝦多士 $42 🌟作為蝦多士嘅愛好者，極度推薦大家嚟食。最欣賞佢嘅黑松露沙律醬，搭配埋酥脆嘅蝦多士真係冇得彈。‣ Red Horse啤酒 $88呢款啤酒口感比較順口，酒精度適中。而我覺得Red Horse入口比較甘甜啲，幾啱我嘅口味。
continue reading