Video
Introduction
KiKi noodles created by artist Shu Qi, which not only serves the Taiwanese restaurant's signature dishes, but also two new kinds of noodles and drinks limited by the Hong Kong IFC, including abalone chicken noodle soup, KiKi hand-mixed noodles and so on.
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Recommended Dishes
打風個日，去買左杯百香果茶黎飲🤣係一個打風嘅日子，飲一杯凍冰冰嘅飲品，原來係咁爽😍我係一位百香果愛好者，通常都會叫百香果水果茶😋，呢一杯飲落去味道唔錯，而且唔會太甜。同埋店員都勁好人，因為喺手機用券方面，用左啲時間，但係店員都冇任何怨言，反而好耐心等我整好，同埋一步步咁教我去撳，值得讚賞🥳👍🏻👍🏻👍🏻不過最令我打開眼界嘅地方係，環境整潔唔錯，一啲污糟都睇唔到，俾人感覺好衛生同想再買黎飲😁
continue reading
［原湯紅燒牛肉麵］ 少少辣但好惹味，牛肉好淋 一咬就吞得禁！ 個湯好味到食完會想繼續飲！ 😌🤤😆［白桃烏龍茶］而家天氣禁熱就最啱飲番禁涼浸浸既白桃烏龍茶解渴🫶🏻🫶🏻［初夏套餐-風沙燒松阪豚肉拌麵］套餐超～ 抵食！！ 😆百幾蚊就有前菜主食加飲品，係中環既晚飯黎講真係好難得地平！上菜又快😊 非常推薦😼
continue reading
上星期六小女子約咗親戚去中環行街，順便食埋晚餐，所以就揀咗呢間KiKi麵店全日套餐 $148前菜煙燻無骨鳳爪鳳爪都幾爽口， 鹹鹹哋得黎又有少少辣，上面有白芝麻，食落更香口，下面又有青瓜絲襯托，估唔到呢個配搭都幾有驚喜🤤主食鮑魚花膠濃湯雞灌麵(要加$10)碗麵有兩隻鮑魚，兩塊花膠，鮑魚俾比我想像中大隻，花膠雖然唔算大塊，不過幾腍，而個湯底都幾濃郁，同個麵幾夾，小女子都忍唔住飲多幾啖湯🤭飲品白桃烏龍(熱)可能揀咗熱飲嘅關係，感覺比較甜，茶味唔太突出🙊整體嚟講，呢間餐廳價錢唔算平，但係食物質素都幾好，仲可以叫埋台式飲品添😆
continue reading
今日黑糖珍珠冬瓜鮮奶茶做特價，買一送一，咁我就諗住試吓啦，點知大伏！其實黑糖珍珠係ok既，食落去係腍嘅。但係杯嘢飲完全飲唔到鮮奶嘅味，用咗好多水開稀嘅奶水咁樣，只係得冬瓜茶嘅甜味，非常之奇怪！本身個人已經唔係好揀擇，未試過飲一間嘅珍珠奶茶係飲唔晒，但係我飲咗幾啖之後，已經唔係好想再飲落去，最後其實只係飲咗幾啖，就掉咗啦。我非常之唔推薦呢一間茶飲，又貴又唔好味。
continue reading
之前成日行過街都見到呢間餐廳，終於有機會試中環店。Weekend 中午12點去食，意外地好多人，起碼8成入座。全日套餐 $148前菜 涼拌皮蛋豆腐豆腐上有好多肉鬆，肉鬆食落好香，醬汁都好濃味。豆腐本身有好濃郁的豆味，反而皮蛋完全無味，皮蛋令我有d失望😐主食 蟹黃油拌麵 +$10一上枱都feel到個麵好硬，成個麵餅咁，加咗蟹油撈勻就好好多，散開成柔軟的麵條，食落都幾彈牙。蟹黃顏色好靚，見到有好多蟹肉同蟹膏，味道都幾濃，配麵條好好食，加少少醋味道更突出😍餐飲 熱白桃烏龍茶(無糖)有飲到好淡的桃味，唔算突出，不過烏龍茶底唔錯，唔會澀口。田園時蔬 +$18小棠菜上淋的醬汁好惹味，有少少好淡的辣味，好好食，但加咗$18我覺得份量可以再多少少囉😅KiKi麵店 (國際金融中心商場) (中環)中環金融街8號國際金融中心商場2樓2017號舖*上述文章只供參考及以當時價格為準
continue reading