Video
4-min walk from Exit C, Hong Kong MTR Station
continue reading
Telephone
24899970
24899971
Opening Hours
Today
11:00 - 20:30
Mon - Sun
11:00 - 20:30
Above information is for reference only. Please check details with the restaurant.
星期二去到中環附近 咁啱想食米線 search到附近有呢間九頭鳥！好彩未到lunch嘅時間，所以唔使排隊，因為入座之後過咗一陣發現出邊已經企滿人。自選米線 雞肉墨魚咀四川麻辣湯米線($50)麻辣湯底唔算出色，有麻辣味蛋偏鹹，雞肉略似冰鮮雞肉，墨魚嘴係冇味但爽口！魚肉春卷雞肉米線~($51)魚肉春卷口感彈牙 米線較淋身。整體嚟講係一般，但勝在配菜選擇較多，細食的話可以揀小米線，餐廳比較擠迫，四人枱已經劃分好二人只熊坐一邊，沒有太大驚喜但米線引起可以一試~
continue reading
之前經過中環街市見到呢間米線好多人排隊，後來同同事傾傾吓計，佢話佢都推薦呢間米線，今次終於叫呢間嘅外賣嚟食吓！✨雞肉魚肉春卷四川麻辣湯米線辣度揀咗中辣，因為同事話呢度嘅辣係比較輕微！中辣嘅程度對於平時食開小辣嘅我都食到，不過下次都係會揀返小新！雞肉嫩滑，魚肉春卷唔係平時嗰隻，口感比較紮實，有咬勁！四川麻辣湯個湯底有少少似另一間平時食開嘅米線連鎖店，辣味唔算太勁，不過就好麻！另外米線仲有啲腐皮芽菜，增加口感～
continue reading
仲記得第一次去食嘅時候諗住求其揀間米線食點知一食就返唔到轉頭 呢間簡直係譚仔升呢版～口味同有9分相似 但係材料就超級 升level !!混合南記譚仔港島區米線之癲 每次行經中環都忍唔住入去食返轉🤭➊ 重慶麻酸辣 (中辣)麻+醉 好平衡 辣度剛剛好 芽菜韭菜腐竹一定唔少得一條條米線沾住辣湯同爽口嘅配菜食係必須的‣ 芽菜清甜 唔會太幼身啱啱好‣ 不過今次食啲米線就淋身少少🤏🏼 (個人口味請自行下單)➋ 豆卜呢個真係超正 因為豆香味好濃 入面做到一格格鎖住湯汁係入面 外皮靭口內𥚃軟軟 一咬就爆湯汁🤤➌ 雞肉份量超多！同埋啲雞肉係真係有咬口唔係淋身嗰啲～➍ 墨魚頭 / 魚肉春卷呢兩個餸 上次都試過墨魚頭覺得一定要試‣ 黑魚頭好新鮮 好大粒而且超爽脆！‣ 魚肉春卷 超大 超香脆嘅外皮！同南記有得揮 唯獨飲品冇跟餐 不過中環嚟講飲埋嘢都係$60超值啦！LUNCH HOUR 喺中環真係一位難求 好多中環返工嘅朋友仔都話呢間必食如果真係想試記得避開食飯時間😆
continue reading
難得去港島去完添馬公園行左過黎食九頭鳥都係睇關注組知道呢間米線都出色重點係佢有隻可以媲美南記嘅魚！肉！春！卷！終於有機會過黎中環就要會一會呢間店單餸魚肉春卷清湯要$43+$7 木耳絲+$1 四川麻辣湯底*我唔係食得辣，但記得關注組有介紹佢嘅辣好食，所以叫左10小辣10小辣對我呢啲BB辣嘅朋友都尚算友善但佢係有足夠嘅麻令到就算碗湯唔辣，都會令舌頭麻痹呢個係有層次嘅辣另一個對我嘅好處係米線無特別麻辣，同湯係味道分明值得一試*木耳絲量多，爽口好食*魚肉春卷，好味，可以媲美南記佢係有脆皮，魚肉量多，味道無南記咁重，胡椒味少啲反而我更加鍾意。
continue reading
🍅墨魚頭魚腐番茄湯 $52墨魚頭爽脆，不過個人覺得有啲腥，魚腐吸汁稔身，番茄湯偏酸多啲🍅，番茄湯配腐皮﹑芽菜﹑韮菜，米線幼身有彈性🫔魚肉春卷湖南酸辣湯底$43魚肉春卷有4舊，長身外面有炸過，入面彈牙，湖南酸辣湯配腐皮﹑芽菜﹑韮菜，對比番茄湯個人鍾意酸辣湯多啲😉.✨配料湯底選擇多，湯底可選四川麻辣、重慶麻酸辣、湖南酸辣、雲南酸辣、番茄、清湯，好似譚仔😂，麵底+一餸價錢 $38-42，QR code 自助下單
continue reading