Video
4-min walk from Exit B, Whampoa MTR Station
continue reading
Opening Hours
Mon - Sun
08:00 - 21:15
Public Holiday
08:00 - 21:15
Public Holiday Eve
08:00 - 21:15
Above information is for reference only. Please check details with the restaurant.
前幾日打完網球，同媽媽去咗呢間食早餐！可能星期日嘅關係，當日等咗三四個字先有位🤣 每樣早餐好似都好吸引～而且餐廳環境都闊落又夠衛生費事做完運動食啲咁Heavy嘅嘢，我叫左煙肉炒蛋三文治，另外再加多個鮮奶麥皮！麥皮賣相一般，上檯時有啲後悔，好彩食落都唔差～ 不過略嫌細碗左少少～ 三文治當日冇得揀烘底，炒蛋都幾香滑，食落唔錯！配埋午餐肉都幾出色，估唔到食完都幾飽～😆😆 下次想試吓佢嘅蕃茄通粉，媽媽食到好似好吸引！
continue reading
見店舖新開，又裝修得幾有情調，於是進店幫襯。大約七點的時間，已有半數人入座。看了餐牌，有鐵板餐和一般晚餐選擇。見鄰座上菜， 十分吸引，便問侍應他們的餐是晚餐還是鐵板餐，原來是晚餐。最後我們點了一份西冷牛扒拼海蝦，跟意粉及西冷牛扒鐵板上。鐵板餐跟飯及意粉要加$10，所以不加。跟餐有餐湯及麵包，餐包十分軟熟及熱辣辣，餐湯就十分稀，味道不夠。之後再來晚餐及鐵板餐，晚餐內有兩塊牛扒及海蝦一隻。鐵板餐反而得壹件牛扒。晚餐的兩塊牛扒質素有如燒烤包的牛扒鐵板餐的就有肉味，可見一分錢一分貨。晚餐的意粉中規中矩。鐵板餐的薯條都是可以的。最後送上雪糕量杯。整體而言，就是一間有裝扮的茶餐廳。質素是很一般的。
continue reading
周末一家人貪就近幫襯此店早餐，但漏早餐包牛角酥並非首次發生，上次幫襯臨埋單發覺漏一個牛角酥只能打包走，到7/8/2021臨埋單又發覺送漏一個餐包牛角酥，同落單女侍應講，即時被指責食物到枱時唔睇清楚無牛角酥，而家食完至講，廚房鬧爆唔肯整唔會俾包，叫我作為食客下次睇清楚食物黎齊未，另一個女侍應同時過黎話無得次次食完話未黎，我回應跟客人柯打將落單食物執齊上枱係餐廳同侍應責任，我真係食完先發覺牛角酥未到有什麼問題，點解唔係侍應道歉無跟單執齊餐牌所有食物俾客人，而係怪客人食到尾聲至出聲漏牛角酥，等如明示暗示本人食完屈食物攞著數，女侍應更當場發爛渣大吵大鬧指罵本人一家，呼籲本人告上消委會，大聲自稱叫Shadow叫本人即管投訴佢，就連男負責人到場調停亦繼續侮辱指罵本人一家決不收口，如此頻漏食物、指罵客人、不承擔送漏食物、服務奇差，堪稱紅磡X店之首！
continue reading
專登去黃埔為咗行AEON✌🏻，皆因真係日資百貨公司又多嘢行！嗰晚係附近唔知食咩好，見到呢間扒房幾抵食又坐滿👥，就衝入去試下，真係難以忘懷嘅一餐！————————————————👅餐湯餐飲🔸白色蘑菇湯得一陣罐頭湯草味，同埋麵粉開稀嘅口感，紅湯酸酸甜甜好飲好多🍅，附有餐包同餐飲👅美底雜扒（$118）👎🏻諗住落重本食個好豐富又熱辣辣嘅鐵板扒餐，點知我地個份比錯對面檯😦，對面檯嘅淨雞扒拎左入廚房又拎返出嚟比我哋，話之後比返豬扒同西冷牛扒，驚都市傳說同唔想浪費食物，無奈之下啃咗⋯😵比返豬牛扒又要追佢比返個汁，比返個汁又要追佢比返兩條紐倫堡腸，呢餐係考我記憶力定係忍耐力？👎🏻Anyway薯菜無薯仔味兼軟曬，每片扒都薄薄地，肉質味道正常，係調味預期中嘅重手同油，所以雪味唔明顯🤥，平時會清檯嘅兩人，唔想糟質個肚，最後食淨三分之一👅蛋黃醬煙肉卡邦尼闊條麵（$65）👎🏻先講賣相同溫泉蛋都好靚仔嘅，但闊條麵好厚好闊難入味，醬汁稀過湯都掛唔到汁😶，淨係食到意粉味同彈牙，平時湯撈飯，今次湯撈意粉。不過呢個價包飲品湯同雪糕就算啦，最後好飽，食左一半就放棄👅雪糕👎🏻有海鹽、芒果同玄米茶味雪糕，食過平價自助餐應該見過呢個牌子，螢光藍色嘅海鹽雪糕仲歷歷在目，梗係揀芒果同玄米茶味🍵，果然係阿x羅香精雪糕味，印象中嘅水平線之下，食到同牆上幅畫個樣一樣😬————————————————🚩總結：呢個故事教訓你唔係地膽唔好隨便入去———————————————— 🌟注意：小心中伏⚠️————————————————📍 路斯餐廳地址：紅磡必嘉街92-112號紅磡灣中心地下14A號舖.🗺地區：#bem紅磡📥分類：#bem西餐💰人均消費：#bem_101至200蚊
continue reading
星期六晚，當時已經差唔多9點，所以使但搵一間又可以泊車的位置。入到門口，收銀的男士好似唔想招呼我地，一望入去其實有2至3張枱是無人坐，正常應該問我地幾多位，但那位男士好似望我地唔到，不知有心定無心，周圍行黎行去都無問我地幾多位，我地一行6人，要分2張枱坐，最後都同我地講，埋邊的位置因為唔再招呼客人，所以一陣如外面的枱有人走，會幫我地轉位，但其實埋邊一望起碼有4至5張枱客人未走，為何會講唔再招呼客人呢，我心諗係咪趕收工，所以跟本唔想入坐。我地柯打左2份$118西冷扒，1份海鮮辣意粉，1份雜扒餐，落單時仲問我地牛扒要幾成熟，我地選了7成，大約等了5分鐘，上了4碗紅湯，平時的我是非常鍾意飲紅湯，但當見到那碗湯就已經唔想飲了，就好像是加左好多水溝出黎嘅湯，見到都唔想飲，之後牛扒上枱，未食已經更加想拍枱，明明說好的7成牛扒在那，用刀切都差d切唔到，薯條＆粟米全部都唔熱，就好似放左係廚房好耐，一早煮定有客人來連加熱都賴就上枱。海鮮辣意粉，都係唔熱。雜扒餐應該係最正常，因為塊豬扒食落可以軟熟過塊西冷扒。需然大家都明白9點入座太晏，可能食材已經無咁新鮮，但係無可能收$118價錢，難食過快餐店，其次係我地9點入座，9點15分已經食完，如果真係有心煮，有咩可能上枱唔使5分鐘，食完只係9點20分鐘就攪掂，我地未食完，伙記們已經好績極執枱，真的很配服他們要準時收工的態度，唉。服務態度＆食物質素，足已令我下次唔會再去食，希望佢老闆睇到我呢個post可以改進下啦。
continue reading