Video
3-min walk from Exit C2, Jordan MTR Station
continue reading
Introduction
傳統吃粥的地方，有魚片粥、艇仔粥、油炸鬼、糕點等等，有空調。
continue reading
Opening Hours
Mon - Sun
05:30 - 23:30
Above information is for reference only. Please check details with the restaurant.
Recommended Dishes
Signature Dishes
上次聽其他食客講「蘿蔔糕好正斗」😋今次我叫咗1碟試吓另加蛋黃咸肉糉⋯⋯肚餓得滯食晒碟糉先黎影相之後問老闆咩粥最多人點，原來係「艇仔粥」同「皮蛋魚片粥」個人喜好艇仔粥就試試果然唔錯！下次經過寶寧街，必定再來食皮蛋魚片粥！眼闊肚窄勿試晒三款 飽到「鱷魚朝天」
continue reading
味道一個字，差！傳統美食如腸粉炒麵炸兩通通好難食，啲腸粉粉太少，軟林林一夾就散，油炸鬼唔係即炸，放好耐硬晒舦，炒麵麵質冇味道，好似食咗一啲劣質麵粉同埋化學物質入肚。衛生情況好麻麻，阿姐指甲會插到粥裡，炒麵亦夾到天一半地一半，放上抬啲麵就掂到檯面。最主要嘅係，粥用成擔火水煮成，非常懷疑內裡隱含好多毒素。街坊生意係就係做咗幾十年，但好多人同我一樣，都係冇錢嘅時候先至幫襯，如果你想食碗靚粥或者享受傳統小食，咁我就非常之唔推薦啦。
continue reading
隱藏在排檔之後，小巷角落，有這間傳統粥店，叫了碗牛肉粥、咸肉糉及綠豆沙。牛肉粥的粥底幾香，雖然叫細碗，但其實都不細。咸肉糉有點驚喜，我用筷子將糉分開四份後，吃了一會兒粥之後才食糉，但那時糉仍然很熱及燙口。綠豆沙不算太起沙，但海帶幾多，感覺幾清熱。跟粥一樣，雖然叫細碗，但份量都不是太細。
continue reading
對上一次嚟係好夜吓，食糖水，但印象中吾夠熱，呢間係一間好老字号嘅粥店嚟，今午嚟開佐敦，諗住食粥所以嚟呢度試吓……我只叫了艇仔粥，夠熱，都好足料，加上蔥花很香，更加好味，但就沒有花生，間間粥店做法不同，因為距離晚餐時間近，所以冇叫其他嘢食……食緊期間，我見到有個女人叫咗皮蛋瘦肉粥及腸粉，見佢面口，應該啲腸粉凍吾好食，咁我又吾知，下次試吓……呢間店冇裝修，擺設陳舊，同幾十年前啲舖面一樣，正是懷舊feel，服務就冇乜，不過比錢時，至少有人會同你講聲：多謝，這些說話，吾係間間舖嘅收銀會同你講架，可能呢間算出名，又位於油尖區，所以艇仔粥的價錢同出面呢啲格局嘅粥店差不多（18-20元）……當然比起羅富記，池記，新釗記就真係平好多了……
continue reading
<舊式粥鋪要好好珍惜>喺佐敦 c出口 寶靈街俾好多露天既市集鋪阻撞住 但其實兩邊橫街都有唔少舊式野食 😄 呢間新光粥店 睇個陳設 樓底高 掛住舊風扇 陳舊既圓枱圓櫈 估起碼開左 幾十年 食既就係粥粉麵 炸兩等等 都幾傳統既感覺👍🏻 🍴蘿蔔糕 12 蚊😄其實可以逐件4 蚊買 🥕不過佢牆上面寫住 12 蚊3 件 甘就照叫 😂 佢既份量正常 糕切得厚身 冇肉既 口感比較糕 d同厚 d而佢個味道都幾蘿蔔既 . 充滿蘿蔔香 🥕帶 d juicy . 整體可以 但個人覺得如果煎香 d 更好 🔥 間中經過都會幫襯 多多支持傳統舊店 🍴炸兩 12 蚊🔥12 蚊炸兩有三行切成10 幾件 都幾多 份量加分 味道方面一般 因為佢入面既油炸鬼可能放耐左唔夠脆 但出面既腸粉皮夠爽滑 呢個就加番分 👍🏻 點番甜豉油 辣醬 🌶 都唔錯既#粥品 #炸兩 #油炸鬼 #豆漿 #蘿蔔糕 #甜醬 #辣醬 Score 平均分 <6.4/10>Taste 味道：👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#新光粥店 佐敦寶靈街44 號地下~~~~~~~~~~~~
continue reading