Video
2-min walk from Exit C1 of Jordan MTR Station or Exit B5 of Austin MTR Station
continue reading
Opening Hours
Mon - Sun
16:00 - 03:00
Public Holiday
16:00 - 03:00
Public Holiday Eve
16:00 - 03:00
Above information is for reference only. Please check details with the restaurant.
好一鍋火鍋店_是本人經常光顧的打邊爐好去處，食物種類夠多，比較少有的鱔片都有，每碟食物端來不會太大碟，好處是不會浪費食物，而賣相非常新鮮，湯底選擇也多，可惜經常爆滿就算早两三日訂位也不易，除非是四位訂，價錢連加一大概一百七十幾，算抵食。
continue reading
朋友相約於佐敦吃飯，夜晚我和朋友安排了吃火鍋，當然是任飲任食。這間食店主打火鍋任飲任食，兩個半小時任君選擇，任你吃任你飲 。我們點算了芫茜皮蛋湯，原因很簡單，就是因為清熱氣，打邊爐不是一般烚下烚下咁簡單，只不過就會熱氣上火，對身體不適，正正香茜皮蛋就可以中和， 任食方面，也有數十款選擇，而我最推薦就是手切肥牛，新鮮手切，快快嚟到，份量十足，味道出色，最重要入口肉味十足，鮮嫩可口。至於飲品方面，個人力推自製鮮檸薏米水， 清熱氣首選，加上甜味屬於可接受程度，冰凍可口，自然入口，下次還會再來。
continue reading
內子投訴，話今年冬天無同佢食過火鍋喎，咁..... 放學咪同佢去鄰近佐敦打邊爐囉！早排去倫敦廣場大鍋口打邊爐，今次就試試另一間，好一鍋.優點：1, 價錢平2, 湯底同材料選擇多3, 材料新鮮4, 地點方便缺點：1, 無咩服務，材料放係旁邊又唔通知，都唔知係咪自己，湯底遲遲未到又唔跟進，隔離枱都投訴上菜慢.2, 餐廳明顯人手不足，執枱，上菜等都好似唔夠人手，老闆定經理唔請人定請都無人黎返工？3, 相比起內地火鍋店三十多款醬汁配料，香港火鍋店嘅醬料明顯相差甚遠，來來去去都係果五六款，一份錢一份貨，唉..... 明白嘅明白嘅...
continue reading
平日黃金時段入座 ，位位 $158 任食兩個半鐘，任食的項目夠多夠齊，基本上沒有不試的理由。清清地叫左淮山蘋果雪梨湯底，清甜得來冇咁熱氣，去滾都要滾得健康D。打頭陣的當然係手切肥牛，雖然係任食平民火鍋，估唔到D牛都 ok 喎，唔會好肥又有牛味，收貨啦！白鱔片好肥美，仲好爽口，我地 encore 左四、五碟。蜂巢豆腐，索湯必備的食材。雖然今次個湯底清淡D，但無損豆腐的滋味。水魷同柏葉就係火鍋的好 partner, 好彈牙爽口。是日海鮮係大蜆，無沙肥美。而海中蝦 size 都唔算細，沒有令人失望，兩款都加單了 魚雲係另一 selling point，好新鮮。但是脆骨腩就一般啫。喜歡食什的朋友都有幾多選擇架，有鵝腸、雞公子、豬膶、豬粉腸同牛骨髓，全部都係任食炸魚皮，薄身、新鮮、香脆、已調味，涮兩秒食得，爽呀！仲試左自家製的三寶丸同紫菜鯪魚滑，新鮮即日做，口感幾好。原來鲮魚滑加左果皮，個人就麻麻地啫。竟然仲有帆立貝，大大粒有驚喜。花膠任食，唔明白佢點圍皮 腐皮亦係鮮炸，very good ！除左有汽水同竹庶茅根任飲之外，仲有乳酪，呢個甜品好有助消化
continue reading
除夕夜這晚相約友人聚舊，友人提議到佐敦好一鍋打邊爐，未去之前見呢間餐廳價錢都幾公道，加埋一都係200蚊左右，又有得任食2.5小時，心諗D野食唔太差都可以接受，點知去到食先係惡夢既開始。先講講地點，其實係地鐵站行過去都只不過係對邊街，都幾方便，入到商場等電梯都唔算用左好多時間。去到餐廳門口都好快有職員帶我地一班人入座。 職員安排左張方枱俾我地5個人，已經坐得好逼嫁啦，仲要前後兩張枱D位都逼住，基本上坐低左就好難行返出去拎野。仲要張枱其中一邊係條通道，本身已經好多人行黎行去拎野嫁啦，有個職員仲要長期放左部收碟車仔係果個位頂住，搞到友人坐得勁唔舒服仲要係咁比人撞到。坐低左冇耐我地就劃左湯底同火鍋食材，職員收左紙之後冇耐都拎D辣椒﹑蔥﹑蒜蓉比我地加落鼓油碟到，但係...竟然冇拎到豉油比我地，仲要同左佢講都係冇拎到黎，最後要友人行出去自己搵先有。大約等左15分鐘左右個湯底就黎到啦，我地叫左胡椒豬肚湯底，諗住應該都幾有味嫁啦，點知黎到果時個湯底係好淡既白色，試左啖，不出所料，淡而無味。我地第1轉大約都劃左10幾款火鍋食材，大約坐低後20-25分鐘職員就開始上第一轉D食材，但係....只係黎左5款左右，仲要全部都係菜同丸，份量淨係夠一人食一粒。 本身都諗住佢會再上埋其他食材俾我地啦，點知等左10幾20分鐘都冇再上過，就算問D職員都係叫我地等下，反而見其他枱都陸續有食材上，仲要有我地劃左但冇黎到果D食材。見等左都咁耐，又差唔多坐左成個鍾，我地就決定再劃過第2轉既食材紙，今次劃果D野食其實都係同第1轉劃果D差不多款。結果...,同第1轉一樣，劃10幾款淨係黎左5-6款左右，仲要連打邊爐必食既牛肉都係冇上到俾我地。都未試過食一餐任食邊爐係可以食左個幾鍾都仲覺得好肚餓。如是者，我地又怕再order會重覆左張單，於是我地又問下職員點解冇野食上俾我地，果個職員態度十分之差，竟然口噏噏話我地冇嗌野食咪冇野食上囉，聽完真係谷鬼氣，咁我地就唯有再劃過D食材，劃完交左俾職員冇耐，竟然有之前劃過既野食送到黎，但係明明我地之前D單加埋只係劃左1碟，職員拎到黎果時係5-6碟....，之後終於開始陸續有野食上啦，但係....竟然係D我地完全冇劃過既食材，反而我地劃果D就冇拎到黎。唉，諗住都照食嫁啦，點知呢個時候果個態度十分惡劣既職員就行埋黎話我地已經夠鍾啦，仲要即刻收走我地枱面果D食材叫我地走，都未試過食過一間餐廳係咁冇禮貌，位已經坐得好唔舒服，服務態度又差，任食又漏哂D單，野食又唔係特別新鮮好食，呢間餐廳真係'極品'。200蚊左右但係接近咩都冇食過! Blacklist唔會再去呢間餐廳!
continue reading