Video
Exit B, Kowloon Bay MTR Station
continue reading
Opening Hours
Mon - Sun
07:30 - 23:00
Above information is for reference only. Please check details with the restaurant.
A La Bakery 喺淘大商場開業已一段時間，除咗售賣法式麵包、蛋糕、曲奇餅外，竟然還有咸蛋和皮蛋﹗據聞喺自家農場出品；店內設有堂食，最近還推出粥品，當然要試試。之前光顧過幾次，只是買麵包，而堂食倒是第一次，堂食半自助形式，先購票，然後搵位坐低等食，白色餐桌配透明坐椅，清新簡潔，給人一種舒適閑逸感覺。我點咗個皮蛋火腿粥加十八元配熱朱咕叻，一客all day breakfast 配黑咖啡，同囡囡share食，熱朱咕叻拉咗花，真係好有誠意，而且味道濃郁；皮蛋火腿粥好綿，好有home feel，還有大大件鹹火腿，好夠味，而佐粥嘅牛角包粒，經過再度烘焙，鬆脆了很多，放入粥內浸軟，質感有點像油炸鬼，但沒有油炸鬼般油膩，哈﹗原來牛角包係可以咁食。all day breakfast不過不失，炒蛋夠滑，而餐廳用嘅係自家品牌，金澄澄嘅喜馬拉雅鹽和胡椒，金胡椒味道並不單純，還有濃濃嘅香料味，加咗金鹽和金胡椒，味道提升咗好多，馬上有驚喜。即磨咖啡的香味，總是那麼吸引。
continue reading
之前除夕想同男朋友買蛋糕慶祝，但兩個人又食唔到太多，所以就想喺附近物色下啲小蛋糕。咁啱淘大開咗間新麵包舖，就順便去睇下啦～之後發現啲蛋糕都幾靚～然後就買咗lu～Earl Gray Mousse Cake (左) & Cheese Cake (右):Earl Gray Mousse Cake 有朱古力，相比之下Earl Gray味好似俾ｄ朱古力味搶咗。芝士蛋糕 (應該叫佢做真‧芝士蛋糕XD) 有淡淡檸檬味，好食過另一款～同場加映XD其他野都幾得意之後有機會再嚟行下~
continue reading
A La Bakery一向都係主推法式面包，但原來麵包店都可以得坐低食甜品喎！為慶祝淘大新店開幕，A La Bakery 早前推出一系列「甜蜜蜜」既創新法式堂食甜品，全部材料由法國入口，造型仲好特別，呢日就約左朋友去試齊咁多款Rock n roll ，呢個完全估你唔到，竟然係皮蛋味！！食到尾真係有回甘 ，芝士蛋糕配酸薑醬，旁邊既菇以為係綿花糖？原來係法式蛋白糖霜脆餅就真！；A La Garden，呢個好特別，兩隻蝴蝶都食得架！整到成個盤景咁，個石頭係用brownie製成，再以草莓mosse扮石頭，硬崩崩既青苔就係開心果蛋糕；點心像真度極高！原來燒賣係熱情果芝士蛋糕，個皮好似細個食鳳仙雪條咁，好得意！Iced cream brûlée 雪糕燉蛋將法式焦糖燉蛋做成雪糕質感，加D脆脆，再配檸檬糖衣同樹莓醬，口感好好；最後就係橙酒梳乎厘，香橙味好濃郁，個面好軟好SOFT，加上雲尼拿醬，清新味道同橙酒味加埋好特別，用佢黎結尾就一流啦！全部甜品既口感同我第一個感覺都唔同，以為係硬，點知軟林林，以為係林，點知差D咬崩牙，好特別既體驗
continue reading