Video
1-min walk from Exit C, Kai Tak Station
continue reading
Telephone
25281908
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
About Reward Scheme
Offers
Delish Kitchen by ALOT 是一間好文青咖啡店， 充滿藝術的氣息 , 6000呎面積 , 空間感十足, 環境舒適寬敞 , 客人可以一邊買家品， 一邊用餐的特色餐廳，餐廳中央，懸掛的月球燈，非常IG-able , 是客人們打卡的熱點 !是日餐湯濃稠的蕃茄湯 ，入口香噴噴， 酸酸甜甜 ， 十分開胃，是滋味的開端。芝士澳洲和牛漢堡伴焦糖洋蔥 $168和牛漢堡份量十足， 牛肉嫩滑多汁 , 半融芝士充滿濃郁的奶香及鹹香 , 焦糖洋蔥帶來甜甜的味道 , 增添一份微微的焦香, 整個漢堡是肉香味、芝士味、甜味三重奏， 滋味大滿足 。甜蕃薯條配松露醬蕃薯條帶有天然蕃薯甜香 , 經過油炸後 , 熱燙香脆 , 沾上松露醬後 , 增添濃郁的松露香氣 , 十分美味。蒜香野菌海鮮扁意粉 $208蒜香意粉香氣撲鼻 , 充滿了大蒜和野菌的清香, 彈牙大蝦, 鮮味的帶子及蠔仔肉 , 鮮味十足 , 給人鮮味盛宴的感覺。香煎鵝肝竹炭多士 98黑色的竹炭多士 , 賣相特色 , 烤得香脆， 鵝肝煎到外脆內嫩， 鵝肝油的甘香填滿 味蕾 ， 帶來奢華的視覺和味覺享受。明太子手羽（4pcs）$68外皮煎到微微焦脆，雞肉柔嫩 , 內裏填滿鮮味的明太子， 帶微微的辣香， 啖啖濃郁鹹香及香辣, 充分滲透入雞翼肉中 , 讓人難以抗拒， 一口接一口。熱情芒果探戈蛋糕 $88好精緻漂亮的甜品 ， 用上新鮮多汁的芒果肉， 為蛋糕注入了陽光氣息 , 酸甜熱情果的甜香, 與綿密柔軟的蛋糕 , 完美結合 , 每一口細膩吸引。
continue reading
🌝Delish Kitchen by ALOT 聯乘傢俬店 ALOT Living進駐啟德AIRSIDE，餐廳主打西fusion。六千呎空間感十足，設計開揚採光度足，務求讓食客沉浸於藝術的綠洲空間🌵🥗 Salad of the day: 沙律菜混有淡淡的芝麻醬，清新爽口🌽Soup of the day:香濃忌廣粟米湯，配有兩粒脆蒜蓉香多士🍔芝士澳洲和牛漢堡 (Hk$158)：漢堡可以切半方便食用，仲可以自選炸粗薯條或蕃薯條，香脆惹味🍝 芝士鮮茄蓉大啡菇野菜意粉(Hk$158)：這款素食精選健康美味， 酸甜茄蓉混合多色野菜，清新無負擔🥧焦糖千層酥(set+Hk$48): 酥脆的千層酥皮，包裹著滿滿的馬達加斯加雲呢拿吉士，每一口盡是層次豐富的享受🍰巴斯克芝士蛋糕配柚子醬(Set+Hk$48)：焦糖色表面帶有淡淡焦香，熔岩流心內餡集輕、軟、滑於一身，忌廉芝士入口即溶(必食!!)🍸Strawberry Apple Vinegar Soda (Set+Hk$40): 造型嬌俏，果香酸酸甜甜，幫助消化🍷Iced Ruby Love (+Hk$34)紅寶石茶色澤亮麗，蘊含多款美顏養生有機花草，天然微甜，健康之選(All subject to 10% service charge)📍Delish Kitchen by ALOT九龍城啟德協調道2號AIRSIDE 3樓L316號舖 (港鐵啟德站C出口, 步行約1分鐘)
continue reading
📍#Relish Kitchen by ALOT今日係520，老公安排咗間餐廳慶祝，第一次到AIRSIDE，整個商場都有藝術氣息，連呢間餐廳都唔另外，以木為主調偏無印風，餐廳好大好闊落，中間位置仲有個打卡位，吊住大月球，仲有大玻璃望到出面景觀好開揚，餐牌都好多選擇架，呢個VIBE真係好岩慶祝節日。🥣忌廉雜菜湯 (跟主菜是日餐湯)好足料~~飲落啖啖都係蔬菜粒，唔係用粉開好杰既口感，忌廉味好香。🍽️香烤野生虎蝦.蟹肉蟹膏意大利飯 $252好大隻虎蝦，食落新鮮，可將蝦頭的蝦膏蝦油同個飯拌勻，令每一口飯都係蝦蟹鮮味，好香好好食，而已個飯都煮得好杰身，岩我口味，仲夠哂大份TIM !🍽️澳洲黑毛安格斯100天穀飼牛肉眼伴炒野菜/山葵幼滑薯蓉 $302餐牌上有好多款牛肉/牛扒，花多眼亂，我比較想食淋身D，所以點左呢個澳洲黑毛安格斯100天穀飼牛肉眼，一上枱真係"嘩"一聲，牛肉既橫切面好粉嫩，D肉汁流緊出黎，食落真係好淋，重牛味，只係用左鹽做調味，建議沾小小WASABII都好食架! 完全無誇張! 隔離醬汁配薯蓉食岩岩好，另外一提，西蘭花煮到好似蘆筍咁爽口。🍕櫻花蝦香蔥玉子鰻魚薄餅 $148點左呢個FUSION PIZZA，第一次食玉子鰻魚PIZZA，壽司就食得多，竟然個PIZZA底係比較軟身似麵包，再加上木魚同紫菜碎係面，偏日式口味幾特別。🍰宇治抹茶蛋糕配日本紅豆 $68外型係一支雪條，玩味十足，滿滿嘅綠茶粉包住蛋糕同埋甜甜嘅紅豆，仲有餅底添，唔會太甜都好食架🫶🏻🍸Lemonade Shakerato（Iced）$34呢杯真係好出色，第一啖以為好普通既Lemonade飲品，點知飲飲下咖啡味又回番去喉嚨，好FRESH又解膩，小小檸檬酸甜味既咖啡，真係唔夠喉好好飲!☕️Black Sesame Latte（Hot）$34杯既擺設好特別，拉花好靚，芝麻味濃，到底會食到芝麻碎架~~**呢間真係會ENCORE 推介比大家*** 收取加一服務費*——————————————- 📍 Relish Kitchen by ALOT🏠 九龍城啟德協調道2號AIRSIDE 3樓L316號舖
continue reading
位於Airside呢間Fine Dining 裝修擺設左不少日式家具 同 設計元素之外 入面仲有一個好靚嘅打卡位 係一大個月亮啊😍 唔止呢啲 而且位子好闊落 坐得好舒服添 🔖香煎野生黑海鱸魚柳伴椰子湯汁煮野菜 HKD238幾特別嘅fusion菜，魚柳外皮煎得香脆，肉質結實且魚味濃郁。椰子湯味道清新，略帶酸甜，同魚柳出奇地夾。另外配有薯仔、紅蘿蔔、無花果等不同蔬果，令整道菜更清新，味唔會過重過濃🔖30天自家風乾熟成澳洲黑毛安格斯牛里脊扒配薯條 HKD328牛扒煎得外香內嫩，肉味濃郁多汁，齋食已經品嘗到美味嘅牛扒，點上鹽後更突出牛肉嘅味道，非常正。而且配菜豐富，蒜蓉蕃茄味道有層次，薯條香脆可口。食物整體質素好好🔖是日餐湯西蘭花忌廉湯配兩塊多士粒，味道幾好，幾清新，煮得細滑，多士香脆🔖田園沙律沙律菜新鮮，配有藜麥，更加健康，味道帶少少酸，頗為開胃🔖檸檬撻配芒果及蛋白餅 HKD68非常好味嘅甜品，撻皮香脆之外，饀料不會死甜，恰到好處。表面嘅芒果同蛋白餅補足甜度，同酸甜嘅檸檬撻互補，用心之作🔖Rosy days HKD+68好靚嘅cocktail，粉紅色嘅酒配上圍繞酒杯嘅薰衣草，非常精緻。以rose tequila為基底，不過味道上以玫瑰味為主，加上少少荔枝甜味，屬易入口嘅cocktail🔖65%朱古力 HKD+34望到已知係既邪惡又吸引嘅飲品，濃郁嘅朱古力，再配上大量嘅可可粉，簡直係朱古力嘅盛宴，味道更係冇得輸。而且分有三個layers更係非常靚，非常適合打卡
continue reading
第一次來Airside，商場店舖和食肆都不是那種熟口熟面的連鎖店，頗有特色，選了這家日式洋食餐廳吃午餐，點了和牛漢堡午餐（$158)是日餐湯，店員說是粟米忌廉湯，我覺得甘荀味比粟米更突出，而且偏甜，我覺得有啲漏。主菜：漢堡，田園沙律，甜蕃薯條（松露醬）漢堡扒份量十足，牛味濃，好味！我食量都算大都吃不完，超滿足。最欣賞這個甜蕃薯條，配上松露出醬很有特色，食到停唔到😆以平日午餐來講價錢偏貴，用openrice訂位有88折就抵啲，不過食物質素、環境，服務都唔錯，係值嘅！
continue reading