Video
Opening Hours
Today
12:00 - 23:00
Mon - Sun
12:00 - 23:00
Above information is for reference only. Please check details with the restaurant.
📍 金泰燒烤 🇹🇭🔥📍 地點： 九龍城🍽️ 類型： 泰國燒烤 / 泰式小食九龍城係香港嘅 小泰國，今次專登嚟 金泰燒烤 試下佢哋嘅 泰式串燒，環境走 地道燒烤攤風格，帶住陣陣燒烤香，夜晚坐喺度食真係有種去咗泰國街邊檔口嘅感覺！🔥📌 泰式串燒 🍢🔥試咗唔少款串燒，最鍾意 牛肉串 (Beef Pro)，燒得外微焦 內裡保持嫩滑多汁，帶少少泰式香料味，味道層次豐富！🐮✨ 雞肉串 🐔 亦都唔錯，雞皮位 脆卜卜，肉質嫩滑，醬汁帶少少甜辣，味道唔錯！仲試咗 雞頸 (Chicken Neck)，口感 彈牙有咬口，燒到外脆內嫩，仲有陣燒烤焦香，好惹味！🔥📌 必食 – 泰式香腸 (Sai Krok Isan) 🌭呢個真係意外驚喜！一口咬落去 皮脆內餡超Juicy，帶住微酸同香料味，口感豐富之餘 超開胃！配埋少少酸辣醬食，層次感再提升，真心推薦！💯😋📌 泰式生菜豬肉包 🥬🐷呢個清爽又開胃！生菜包住 燒得香噴噴嘅豬肉，加埋少少香草同酸辣醬，入口 清新帶微辣，完美平衡咗燒烤嘅油膩感，食完即刻refresh！✨整體嚟講，金泰燒烤 燒烤種類豐富，味道地道，特別鍾意 泰式香腸，串燒類都唔錯，夜晚嚟食真係有泰國風味，適合 三五知己想chill住食泰燒，之後再飲返杯泰式奶茶就完美！🍻🔥
continue reading
食過好多次金泰串燒，真係由細食到大，水準都保持到，味道都好唔錯，嚟到一定要食串燒啊！🍴串燒 牛肉/豬頸肉$15 泰式冧肉$17 (9/10)就叫咗牛肉豬頸肉，泰式冧肉！牛肉肉多汁嫩滑甜甜地，豬頸肉爽口油脂豐富，泰式腩肉係泰式酸豬肉食落去酸酸地都好開胃味道好特別！好欣賞呢度嘅串燒燒得香口又唔會太乾身，調味都係啱啱好啊！配兩隻汁，分別係泰式甜沙嗲醬，同埋酸辣汁，兩種都各有特色，非常之好食！🍴泰式炒粉絲 $68 (7/10)見到Menu上面冇，不過之前食過就照叫咗一次！炒得比較濕潤，入邊有好多蔬菜，得好少肉粒，食落去係比較清新嘅，大家都係叫返正常炒粉炒河就算啦！泰式生菜豬肉包 $58 (8/10)豬肉炒得非常香口，生菜嘅份量都好足真係有一棵嘅生菜，真係值得推介！推薦指數: 9/10食咗咁多年都係保持到一樣咁好食，兩個人食三樣嘢都已經好飽，埋單$300唔使！見到多人都可以照排隊，一定一定要食串燒！
continue reading
每次去都會叫佢個串燒同牛肉湯河，佢個湯真係好好飲同埋粉都好彈牙，串燒係唔洗講～公認既好食，由我中學時代開始到現在都仲食緊每次去都排隊。我哋有時收工都會去食～泰式美食小確幸
continue reading
泰式菠蘿炒飯（$52）炒飯入面有海鮮，菠蘿，粟米，紅蘿蔔，同肉鬆👍🏻炒飯炒得非常好食，好香嘅黃咖喱味，米飯粒粒分明，配上好fresh嘅菠蘿，一啖接一啖根本停不了口😍泰式酸辣海鮮湯河粉（$58）呢碗湯河粉係有啲冬陰功湯味嘅，入面有蕃茄，海鮮（份量都幾多下），河粉，芽菜～份量超級大份，直程係用成個湯盤嚟裝🤣兩個女仔食一份完全冇問題！同埋佢唔會太酸太辣個人覺得幾好食🤤泰式炒金邊粉（$52）所謂金邊粉即係冇咁闊嘅河粉🤫入面有啲海鮮芽菜，主要調味係甜嘅茄汁，呢款就唔係好啱我口味🤣不過普通金邊粉都係呢隻味，如果食開啱食都可以嗌～串燒（堂食六串起）雞腎（$14）呢度嘅雞腎係我食過最好食嘅泰式串燒雞腎🫶🏻佢嘅雞腎好脆，甜甜地，配上佢嘅辣汁真係超超超超超好食，如果經過開一定要買串食吓！🤩雞心（$14）雞心就冇功無過，都係甜甜地，配上佢嘅辣汁係無敵，不過雞心比較細粒～😗雞肝（$14）食落好Creamy，有少少似鵝肝嘅質感🤣雞肉（$14）一啲都唔會老唔柴，有雞肉味👍🏻牛肉（$14）比較滑～同埋食得出牛肉味🤤整體評價，我覺得呢間舖頭係平得來份量好多，同埋真係主攻串燒！佢嘅辣醬真係好好好好食～其他主食份量都好大，大家可以睇位嗌。不過要講嘅係佢嗰度環境比較細，成間舖頭加埋應該得10個座位🤣
continue reading
鐘意食串燒既朋友，一定要來九龍城一轉。以下有幾款推介：豬頸肉：燒得非常香口，油脂豐富。司華力腸：美中不足燒得唔夠熱，可接受！雞翼：算幾大隻，咬落有少少蜜糖味。美味指數：😋😋😋😋環境指數：⭐️回頭指數：👍🏻👍🏻👍🏻👍🏻👍🏻地址：金泰燒烤 (九龍城)九龍城太子道西386A-B號太子樓地下C號舖
continue reading