Video
10-min walk from Exit D, Kwai Hing MTR Station
continue reading
Telephone
24258312
Opening Hours
Today
10:30 - 16:00
Mon - Sat
10:30 - 16:00
Sun
10:30 - 19:00
Public Holiday
10:30 - 17:00
*疫情期間提早關門至下午六時。
Above information is for reference only. Please check details with the restaurant.
Recommended Dishes
Signature Dishes
食過超過100次既舊客，趁老闆退休前留個正評先。由讀書到做野，到最近搬走少食左，食左10年以上，次次都係食4寶粉，加老闆自己沖既菊花茶。環境差不過都慣咗，食個時小心d。湯底真係好甜，又清，冇味精，唔似出面越南粉類似既湯底。4寶先$36，加野飲$40內落樓。光輝圍好多餐廳，但食過其他後都係食返呢間最正。疫情前開到7點/8點，疫情後就開10收4，唔做晚市。有時放工想趕黎食下都唔得，搞到少食左好多。今次難得返舊屋再黎食，聽老闆講隨時退休了🥲 特別既牛骨湯底酸酸辣辣，再加舊腍肉，出面搵唔到另外一間了。
continue reading
業主：「我覺得大家有條路行，好過得你一個人有路行！」租客：「決不加價至退休！」 正當社會變得誠信消失，原來世界還有良心業主和好租客存在，彼此默默地堅守著承諾！就是這一份人情味，令我一直好想到訪「金來」！機會終於來了，憑 Google Map 找到光輝圍，周遭的確予人殘破老舊的感覺，若不是街坊或熟客，相信極少會特意前來這𥚃覓食！不過，如果我未曾來過、未曾吃過「金來」的越南粉，大抵不會知道香港竟有一「時光倒流」的食店，一碗越南粉才不過 HK$27、HK$30，不曉得會否是廿年前越南粉的水平？我們點了兩碗越南河，老闆倪生從煮麵房喊出來，說要給我們一點點酸辣，我們馬上回應一句好啊，老闆與顧客就是那樣的直接！不久，四寶河 HK$36 和牛肉雞肉河 HK$30 便做好了！幾款配料當中，除了特別的腍肉，我們也認為雞肉是最好吃的，肉質充滿彈性，又不會過於軟腍！而湯底跟認知的越南粉有著不同的感覺，據知是選用牛骨以慢火熬製，混合了牛香與多種香料，不算得特別濃郁，但加上微微的酸辣，非常順喉、又帶點開胃，總之是別具一格的越南湯底，我倆也覺得「金來」的湯底來得非常自然與無添加！四寶河有齊牛肉、雞肉、扎肉和好特別的腍內，腍肉被譽為鎮店之寶！腍肉色澤粉紅，質感爽彈，帶有微酸，而綠色是辣椒，但辣度輕微，頗開胃的口味，但未必人人能接受過來！河粉也十分掛湯，我們雖然不是太肚餓，但愈吃愈開胃似的！還有自家製菊花茶、酸梅湯等，跟粉只是加 HK$5，非常實惠！「金來」的牆身除了貼有出讓的紙幣，便是滿滿老闆倪生的筆跡，令我腦海出現曾灶財的毛筆塗鴉！回到香港那個包容、多元，充滿生機的年代，對比現在的香港，何嘗不是更進步，至少大部份良心、人情味、承諾，互信沒有被消失。如今只剩下良心業主和好租客締造的「滄海遺珠」，有機會便多吃幾碗時光倒流的越南粉！ 金來越南粉新界葵涌葵涌道 1001號德昌大廈地下 13號舖營業時間：1000 - 1600
continue reading
第一次幫襯。同事極力推薦。呢碗係四寶河。扎肉同腍肉雙拼。。自家製五花茶。整體來講，湯底肯定冇味精。但味道確實係一般。最驚喜就係老闆自己煲嘅五花茶👍🏼。腍肉我係第一次食，我諗我未必會想再食😬
continue reading
^_^之前睇片介紹一間鋪租28年無加過嘅小店，引起我興趣，所以就去左幫襯！我諗舖租唔加嘅話成本應該會加喺食物度四寶（腍肉、牛肉、雞肉、扎肉）真係好大碗湯好濃 西芹蔥花菜脯都切到超細碎好味！值得支持
continue reading
12年前喺葵興返工，期間亂撞搵到呢間越南粉麵店覺得味道同氣氛都非一般。 之後轉工後就無返過嚟…近來又再常常嚟返呢區，因為唔記得店名search 唔到位置，只能憑記憶搵返呢間舖頭…但摸門釘咗兩三次，今日終於遇到佢開店啦😄 咁多年都冇變，包括店裏獨突的氣味，裝橫同埋價錢。 兩個人兩碗麵兩杯飲品加碟菜，都只係$82…. 佢湯麵嘅味道同出面就係唔同，酸酸的檸檬味真係好特別，雖然說不上好好食，但就係感覺良好…尤其是見返依然一腳踢嘅伯伯呀🥹
continue reading
You may be interested in