金來越南粉

Open Now

Now Closed

食過超過100次既舊客，趁老闆退休前留個正評先。由讀書到做野，到最近搬走少食左，食左10年以上，次次都係食4寶粉，加老闆自己沖既菊花茶。環境差不過都慣咗，食個時小心d。湯底真係好甜，又清，冇味精，唔似出面越南粉類似既湯底。4寶先$36，加野飲$40內落樓。光輝圍好多餐廳，但食過其他後都係食返呢間最正。疫情前開到7點/8點，疫情後就開10收4，唔做晚市。有時放工想趕黎食下都唔得，搞到少食左好多。今次難得返舊屋再黎食，聽老闆講隨時退休了🥲 特別既牛骨湯底酸酸辣辣，再加舊腍肉，出面搵唔到另外一間了。

業主：「我覺得大家有條路行，好過得你一個人有路行！」租客：「決不加價至退休！」　正當社會變得誠信消失，原來世界還有良心業主和好租客存在，彼此默默地堅守著承諾！就是這一份人情味，令我一直好想到訪「金來」！機會終於來了，憑 Google Map 找到光輝圍，周遭的確予人殘破老舊的感覺，若不是街坊或熟客，相信極少會特意前來這𥚃覓食！不過，如果我未曾來過、未曾吃過「金來」的越南粉，大抵不會知道香港竟有一「時光倒流」的食店，一碗越南粉才不過 HK$27、HK$30，不曉得會否是廿年前越南粉的水平？我們點了兩碗越南河，老闆倪生從煮麵房喊出來，說要給我們一點點酸辣，我們馬上回應一句好啊，老闆與顧客就是那樣的直接！不久，四寶河 HK$36 和牛肉雞肉河 HK$30 便做好了！幾款配料當中，除了特別的腍肉，我們也認為雞肉是最好吃的，肉質充滿彈性，又不會過於軟腍！而湯底跟認知的越南粉有著不同的感覺，據知是選用牛骨以慢火熬製，混合了牛香與多種香料，不算得特別濃郁，但加上微微的酸辣，非常順喉、又帶點開胃，總之是別具一格的越南湯底，我倆也覺得「金來」的湯底來得非常自然與無添加！四寶河有齊牛肉、雞肉、扎肉和好特別

第一次幫襯。同事極力推薦。呢碗係四寶河。扎肉同腍肉雙拼。。自家製五花茶。整體來講，湯底肯定冇味精。但味道確實係一般。最驚喜就係老闆自己煲嘅五花茶👍🏼。腍肉我係第一次食，我諗我未必會想再食😬

^_^之前睇片介紹一間鋪租28年無加過嘅小店，引起我興趣，所以就去左幫襯！我諗舖租唔加嘅話成本應該會加喺食物度四寶（腍肉、牛肉、雞肉、扎肉）真係好大碗湯好濃 西芹蔥花菜脯都切到超細碎好味！值得支持

12年前喺葵興返工，期間亂撞搵到呢間越南粉麵店覺得味道同氣氛都非一般。 之後轉工後就無返過嚟…近來又再常常嚟返呢區，因為唔記得店名search 唔到位置，只能憑記憶搵返呢間舖頭…但摸門釘咗兩三次，今日終於遇到佢開店啦😄 咁多年都冇變，包括店裏獨突的氣味，裝橫同埋價錢。 兩個人兩碗麵兩杯飲品加碟菜，都只係$82…. 佢湯麵嘅味道同出面就係唔同，酸酸的檸檬味真係好特別，雖然說不上好好食，但就係感覺良好…尤其是見返依然一腳踢嘅伯伯呀🥹

去了兩次沒有開，清潔姐姐話好耐已經冇開，唔知伯伯點呢，勁掛住佢既湯底😭😭😭食唔返呢陣味啦😭😭😭去了兩次沒有開，清潔姐姐話好耐已經冇開，唔知伯伯點呢，勁掛住佢既湯底😭😭😭食唔返呢陣味啦去了兩次沒有開，清潔姐姐話好耐已經冇開，唔知伯伯點呢，勁掛住佢既湯底😭😭😭食唔返呢陣味啦😭😭😭😭😭😭

最近去咗葵涌返工，本身都鍾意食越南粉，搵到呢間傳統老店就嚟試吓～11:30去到一個客人都冇，伯伯坐咗喺門口，見到勁多街坊經過都同佢打招呼😅⭐️生牛肉時菜湯檬 💰3️⃣0️⃣時菜鋪到滿滿，但係好似冇乜點煮過食落好生😅 生牛肉份量相對少，味道正常，同價錢成正比～湯底係用牛骨熬製，冇落味精但係都幾夠味幾濃郁～食嘅途中見到牆身有移動中嘅昆蟲，地下亦都有唔少曱甴屍體，所以接受到嘅先好嚟食😅😅#葵涌美食 #光輝圍美食 #越南粉 #金來越南粉 #越南湯檬 #生牛肉湯河 #抵食越南河粉

想不到葵興光輝圍都有一間超過10幾年歷史嘅越南粉老店。店內貼滿咗好多手寫嘅大字報Menu同埋已停刊嘅飲食男女雜誌專訪。還不停地在店內標榜湯底冇味精。 店內還保留80年代嘅設計，好似回到過去一樣。 一入到店， 就有一位70幾歲的老伯伯來招呼。 他一手處理晒落單、煮粉、沖茶、送菜及收錢。唔好以為佢老，不知幾醒目。然後我就叫咗一碗雞絲、牛肉扎肉的越南粉。 佢就好熱情地問我加唔加多$3， 就有杯自家制天然足料的飲品。 超地道家庭feel嘅越南粉店！ 碗粉賣相一般。 用好多碎雞粒、碎牛肉粒同碎扎肉粒拼砌。 值得讚係牛骨湯底真心濃牛味， 同個越南粉煮到剛剛熟，唔會過冧或過硬。越南粉裏面仲加咗檸檬碎、青檸碎及芽菜，成碗粉好有清新嘅感覺，唔會覺得肥膩。 可惜食完唔夠一小時，好快就肚餓。 男生可能要叫兩碗先夠。 值得推介CP值高冇味精嘅葵興越南粉老店！

因為我都成日喺葵興出現，葵興其實都幾多嘢食，每次肚餓都會想走落去醫肚，越南湯河一直都係我最愛，今次落到去就叫咗個牛肉湯河，味道來講都唔錯，不過就偏鹹，下次試吓佢其他嘢。

真心又好味又抵食！出面食碗湯粉麵基本上都少少粉少少餸最小都四五十蚊，呢度賣三十幾蚊一大碗，竟然大大碗到達滿瀉嘅程度！！真係快滿瀉!同朋友一人一碗四寶河同火車頭，粉多餸又多，小小酸酸辣辣非常開胃，雞肉鮮嫩，四寶河上獨有的小小越南肉，好有特色同非常好味，坊間未食過，湯底開胃又冇味精👍另外老闆自製飲品都好有家嘅味道，唔係好甜，感覺健康。可惜因為太飽冇叫到其他小食，下次一定要再試。好味好味，好飽好飽，老闆加油。

最近返新工，公司喺葵涌，於是我又可以探索平時極少去嘅地方——葵興。接住落嚟我會周不時分享葵興一帶嘅美食。😜今次第一站，緣份帶咗我嚟呢一間金來越南粉。入去第一個感覺就係好老牌🥸，座位坐得唔舒服之餘仲好窄😣。舖面亦都有陣味，感覺不太好😶‍🌫️。牆上貼滿老闆手寫嘅菜單同埋告示，有少少九龍皇帝嘅感覺。🤫一入去見到樓面得幾個食客，冇人招呼我。坐咗一陣，見到一個男人喺貨倉行出嚟🤨，語氣親切地問我食咩，我隨意點咗一個牛肉湯河。等緊上菜嘅期間，就細心留意牆上嘅文字告示。其中一段講述「牛骨湯底鈣質豐，不含味精湯鮮甜」🤓，牛河揣上來以後，先洽一啖湯，湯底都應該係真材實料🥰。因為表面上嘅油脂都好豐富🥰，而且飲得出牛骨嘅鮮味😄。除咗湯底之外，亦都有唔少嘅香料配菜。😄有讚就梗係有彈。雖然佢似乎係即叫即整，但係捧上嚟嘅時候碗嘢完全唔熱😔，煙都唔多。一碗湯麵要熱騰騰是基本，唔夠熱令整體感覺大打折扣🥶。配以黃檸檬嘅越南湯粉我都係第一次食，個人認為唔係太夾，跟返傳統用青檸會好啲🍋。而且牛肉太過低質，可以改善下🥩。不過公道啲講句，以$30嘅價錢，食到一碗夠飽嘅越南牛河係相當唔錯。如果可以改善下溫度同埋店舖嘅環境，我會樂意推

早兩日經過光輝圍，醒起之前有朋友話好好食間越南粉”金來”，所以就買咗碗外賣返屋企，因為坦白講間野既衛生環境都幾差下🤦🏻‍♂️講返碗粉係出色ge湯夠濃，餸夠多，辣度又夠，係正ge但係堂食就不了🤔

早前睇到果籽介紹😜(其實係2017既片)每日新鮮煲既牛骨湯，無味精既湯底🥰而家仲用無味精湯底已經好少，值得一讚！一入去鋪頭只有一台客，見唔到老闆🤣（因為鋪頭得伯伯一個啊）餐牌貼門鋪頭，密密麻麻，都幾難睇到😂鋪頭裝修好簡陋，不過呢間鋪已經好多年喇，都難怪既！同男朋友叫左一碗四寶河同一碗火車頭，咖喱角，油麥菜！越南四寶河貌相幾吸引，中間有舊念肉，酸酸辣辣幾特別，另外有牛肉，雞肉，扎肉，都幾多餸，河粉份量超多！我地叫左辣，所以個湯辣味幾重，建議可以唔要辣，會食到個湯底味！咖哩角即叫即炸，幾好食，好脆好香口！🥰🥰總結：係值得一試，Cp值超高，好抵食，有驚喜！老闆係伯伯，好善良，用心經營，值得支持

味道完全唔係越南湯粉味，而係中國簡單牛肉湯味。老闆死孤寒。麵嘅餸極少。話明加$3碗俾碗湯（xx週年優惠），之後照原價收。其實價錢一啲都唔抵食：$27兩條春卷，$36一碗極少餸嘅湯麵。地方污糟，有飛蟲。煮嘢同收錢都係一個人。。。就係睇網上頻道介紹先試一試。

早前見到傳媒報道介紹呢間食店，見到伯伯非常用心製作越南河粉， 當然一定要黎試下 。鋪頭響附近好出名嗰間漢堡包店行過少少嘅一個小商場裏面 。 一去到和藹可親嘅老闆叫我哋坐低，諗到食乜就開聲啦 。我同老公一人叫咗一碗四寶河，有肥牛、雞肉、扎肉、 仲有一種餸，薄片，有啲似 豆腐皮， 幾好食嘅，不過我唔知係乜 。嗰個扎肉都好特別，有啲酸味嘅非常開胃。牛骨湯底味道好特別， 響第二度從來未食過呢個口味，清清地 ， 有啲檸檬嘅酸味，經味精敏感嘅老公測試過， 湯底完全冇味精。四寶可河36蚊一碗， 熱飲加三蚊，因為我食滯咗所以叫咗罐可樂消吓滯 ，可樂加8蚊一罐。兩個人埋單80蚊，好抵。另外，餐廳牆上貼咗好多香港舊鈔，幾十年前好大張嗰啲匯豐渣打銀紙， 應該係老闆啲珍藏 。有得食嘢又有得欣賞舊鈔， 正呀。