Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
(今天）2025年2月15日早上11.40分，在葵芳廣場地下的翠河餐廳分店堂食早餐，進食期間，大約11.50時我再向店員下單多要一份早餐外賣，給我下單的是一個中年女店員（有理由相信是店長，中等身形，紮馬尾，身穿黑色長袖衛衣黑色長衭，沒戴上名牌，衣著與其他店員不同）；不久，另一店員給了我一張點餐記錄付款單，內容是前後兩份早餐，但沒有註明其中一份是外賣，我就向那店員提出那單據有出錯，那店員隨即在離開我兩張枱的位置，向那相信是店長說第二份叫的是外賣而非堂食，那相信是店長（續後稱“她”）很大聲的說「又唔講係外賣？」，我隨即上前向她指出我剛才叫單時，是說出要多一份外賣早餐，是我有講而她不聽，她隨即很晦氣的回應「最多咪對唔住囉」，她這回應不單聽不出有誠意，更令我感到是被冤枉，那我當然要多說兩句要求她澄清，怎知越講越離題，更估唔到的是她竟然不斷以淫褻粗口咒罵我及我的家人。我取消了那份外賣早餐，趕快的吃完原先的堂食早餐，在大的12.00時離開，埋單付款時店員回應我不用付款，原來她已吩咐了其他店員不收我的付款，我當然不接受，後來要鬧到說要報警處理，她才接受了我的八達通付款。想也想不到，吃個堂食及買個外賣早餐，會被女店員（相信是店長）粗暴侮辱 ... 一個頗有盛名的連鎖餐廳連投訴渠道都不公開，甚至可說是不接受投訴，翠河餐廳，唉！
continue reading
好耐無食過，以前覺得都係幾岀色嘅茶記，今晚再叫個牛仔骨，同蒸肉餅晚餐。土魷蒸肉餅，中規中矩，算係合格水平。黑掓牛仔骨就真精彩成舊水買返來，十塊度，份量可接受。但一咬落去真係硬過我條頸基本上全盒得一嚿我係落到肚。其他都係咬汁就掉。 完全食吾到。 佢仲要係推介,你當普通餐我覺得我黑仔叫中，但你係推介，係推介呀。。。。中伏推介嗎只可以講每間餐廳都有好食不好食嘅嘢，但最基本都要落到肚先得真係要改着下，今次真係好失望
continue reading
中午去左食個A餐豉椒炒牛肉。等左20分鐘都未黎，就問下阿姐係咪漏單，佢望左眼無出聲就走左去，見佢無入廚房都知佢無問到⋯叫左好耐都無人應，終於再問到第二個阿姐，佢望完就係咁話黎緊啦黎緊啦⋯等到30分鐘，再同另一個阿姐講等左30分鐘啦，佢就入左廚房大叫有冇A餐出緊，然後行過嚟話無晒A餐，叫我再叫過！！當下o晒咀，但趕返工就即刻叫個肉餅飯，諗住快啲黎到。過左陣有個綠衫姐姐過黎關心我，然後話A餐有嫁wo, 跟住走左入廚房，然後拎左碟豉椒牛肉麵黎⋯黎到食食下發覺d汁起舊都算成個底都係油😩大佬，趕時間同腸胃唔好既人，真係唔好黎食。
continue reading
今日去左食左個快早餐，又平又多選擇既breakfast 。叫左份早餐吾洗10分鐘就上枱，今日叫左個沙嗲牛肉通粉，簡左腸仔炒蛋，涷奶茶沖得不錯。通粉都夠彈牙，不過沙嗲牛肉份量太少，需要改善。其他都不過不失。
continue reading
昨天到這裡吃早餐，但不記得補相，所以今次再叫同一款早餐，不過今次加凍飲，所以貴了3元，共三十六個大洋。另外早餐雖然員工較少，但他們反應快，你一舉手就不須5秒內就有人回應你，Good,真心比讚。
continue reading