Video
3-min walk from Exit B2, Kwun Tong MTR Station
continue reading
Introduction
It is a self-BBQ in all you can eat operation. The automatic BBQ oven can cook the skewers evenly and it is very convenient. The restaurant provides 3 types of sauces and cumin for flavouring the food. In addition to the BBQ food, it also offers some starters, snacks, desserts and fruit.
continue reading
Opening Hours
Mon - Sun
12:00 - 23:00
Above information is for reference only. Please check details with the restaurant.
和小朋友在附近工厦開party，完左後到駱駝漆大廈一座5樓的自家燒吧，任食任飲自助串燒，串燒識自轉唔洗煩要人手反轉，仲有小單可以剔額外食品飲品，認真不錯。由於我哋第一次去呢間，店員好細心有禮地解釋d野食放邊，有咩可以額外落單叫，每款醬料都講一次係幾時落，及咩味道。最開心係有腐乳通菜或蒜蓉唐生菜任叫任食，雖然唔洗另外加錢，味道卻好食！串燒好熱氣，多謝店家提供即煮蔬菜美中不足係環境不是太整潔，牆邊好多塵⋯
continue reading
當日下午先即時打去BOOK台都有位, 我地食9點至11點時段, 價錢都算合理上到去即刻可以入座, 有肉類, 疏菜類, 熟食同甜品等等, 雖然每類選擇都唔算多, 但勝在味道都不錯 !仲有一D需要收費既食物可以選擇, 飲品方面, 有多款熱飲, 岩哂我呢類唔飲凍飲既人!員工及經理既態度都好好, 間中會上前提示你既串燒已夠熟可食用, 又教你點睇已經熟左未仲有張台都好闊落, 坐得幾舒服, 冷氣都夠, 因為個爐都幾熱, 最怕冷氣唔夠會好焗促, 餐廳整體環境都唔錯~洗手間環境可以接受但可以更好下次都會再黎幫襯 !
continue reading
朋友介紹官塘工厦BBQ放題！而且網上見好多人讚好！為食既我當然要搵朋友一齊試吓啦！佢有分幾段時間！岩晒唔同時段嘅朋友！嘩！超多野食！而且除左紙包同罐裝飲品外！另外仲有其他特飲！簡直好過去燒烤場！仲有個重點係！你會發覺有好新穎感覺！先講環境同食品！每樣食品有清晰說明（唔係間間放題食店會咁做）而且擺放衛生！呢樣已經夠抵讚！另一大大賣點！係完全唔使用手定位燒烤！簡直好似有人服侍一樣！佢有一座自轉式燒烤爐！一邊自己自轉式燒烤！自己又可以無負擔式狂食！超開心！而且服務又細心！不時會留意火爐控制！抵讚！
continue reading
冬節食飯，今年我地特別D，唔去酒樓食飯，而係去自家燒吧BBQ，自家燒吧位於官塘駱駝漆大廈，由官塘地鐵站步行只需5分鐘左右，方便就腳。6:00到達，已經9成滿座，不用等位直接入座。餐廳燒烤爐係用發熱管，所以成間餐廳都不會好煙，太大陣味，而且食完最緊要唔會太熱氣。食物種類有成十幾二十款，腸仔、午餐肉、黑椒牛柳、雞串、車厘茄、棉花糖、菠蘿、台灣腸、菇類、羊肉、燒賣、粟米等等，另外仲有甜品、冷盤有蝦、青口。格離仲有熟食，有雞翼、炸雞塊、菜等等，枱上點餐紙，都有好多款食物選擇，仲要任食架，有炒粉麵、黑松露薯條、炸餃子、炸雞中翼蒜蓉焗生蠔等等。飲品有紙包飲品同即沖飲品好方便，已經串好一串，轉幾分鐘就食得，仲有3隻醬比你搽，有辣醬、蜜糖、燒汁蜜糖，而我最鐘意就係加孜然粉，有辣味、花生味、原味，3款都好香好惹味睇下蜜糖雞翼燒得幾靚，仲有必食燒菠蘿又甜又多汁甜品細細杯，可以食多幾杯
continue reading
燒野食唔一定要去燒烤場，室內都可以燒野食。冬天一定會去燒野食，今次比我發現了有室內燒野食，即刻約埋老公去。一入餐廳唔會有好煙好焗既感覺，餐廳好多座位，有二人，四人，六人座位，張枱夠大，夠闊落，坐得舒服食物一邊是串好一串串既食物，另一邊凍櫃有甜品、冷盤、生果，海鮮。除左BBQ，仲有熟食，靚湯飲，枱上亦有點餐紙可以點食，都係免費架。食物已經串好，只要放在燒烤爐上，就會自轉，連反都唔駛反，岩晒我以d懶人，燒烤爐旁有3款醬汁，可以加落食物到，仲有3款調味粉，燒出黎已經好香好香。食物方面，醃左既肉夠入味，由其黑椒牛肉粒，牛肉粒軟腍，黑椒味濃，辣味雞肉入味，好滑最後食埋甜品，就完美啦。
continue reading