自家燒吧 (Closed)

燒野食唔一定要去燒烤場，室內都可以燒野食。冬天一定會去燒野食，今次比我發現了有室內燒野食，即刻約埋老公去。一入餐廳唔會有好煙好焗既感覺，餐廳好多座位，有二人，四人，六人座位，張枱夠大，夠闊落，坐得舒服食物一邊是串好一串串既食物，另一邊凍櫃有甜品、冷盤、生果，海鮮。除左BBQ，仲有熟食，靚湯飲，枱上亦有點餐紙可以點食，都係免費架。食物已經串好，只要放在燒烤爐上，就會自轉，連反都唔駛反，岩晒我以d懶人，燒烤爐旁有3款醬汁，可以加落食物到，仲有3款調味粉，燒出黎已經好香好香。食物方面，醃左既肉夠入味，由其黑椒牛肉粒，牛肉粒軟腍，黑椒味濃，辣味雞肉入味，好滑最後食埋甜品，就完美啦。