Video
5-min walk from Exit A1, HKU MTR Station
continue reading
Opening Hours
Mon - Sat
11:00 - 21:30
Sun
Closed
Above information is for reference only. Please check details with the restaurant.
呢間餐廳好少人知，所以就算到咗飯點時間人流都唔會好多，環境乾淨整潔，感覺都幾舒服的，點咗個套餐，燴俄國牛柳絲意粉+甜品+咖啡，牛柳煮得好入味，肉質比較鬆軟，意粉都幾彈牙，唔軟唔硬，同醬汁一齊食比較好味，甜品就比較一般啦，咖啡都算可以，勝在環境夠好。
continue reading
最近我哋公司有幾個新同事入嚟，然之後我哋有welcome lunch食喺港大嘅朋友通常，都唔會叫嗰間rome cafe做Rome cafe，通常我哋都會直接叫嗰度做 graduate House。嗰個位置都比較隔涉，所以平時都唔係話好多香港大學嘅學生喺嗰度食飯 多數，都係見到啲 professor，或者想有啲時間或者空間去撐枱腳啲嘅人喺嗰度食。Graduate House 嗰度通常，都係食一啲西餐，例如意粉呀千層麵呀、焗飯呀 、肉排呀， 類似平時你出去食西餐，會食得到嗰啲標準set，唔會話有太大特色嘅嘢食。我今日就叫咗個鴨胸菠菜麵，是日嘅例湯呢就係個菇湯蘑菇湯，至於野飲呢就叫咗檸檬茶，埋單計落好似都係六十零七十蚊左右，因為公司請所以我都冇特別留意到。唔知大家有冇去過佳寶買一條嗰啲即食鴨胸，佢上面嗰啲鴨胸基本上都係嗰一類，只不過整熱咗。至於個菠菜麵係菠菜加白汁炒闊條麵，咬落去啱啱好，味道冇特別大驚喜，都幾好食個湯呢就整得唔錯嘅，佢菇味非常濃，你係真係咬到有菇的，不過奇怪嘅一樣嘢就係佢好似冇送到包畀我哋，但係其實個餐係冇搞到個包？ 我都唔知道呀，不過公司請嘅話就理得佢啦，橫掂都係澱粉質撈埋撈埋打個生粉芡汁食落去又係一餐㗎啦。要彈嘅位置就係個檸檬茶，茶嘅味道澀，檸檬又好酸，唔知道係咪我個口太奄尖好似的士unkle咁樣 lol 但係我記得之前飲嘅檸檬茶都唔係咁樣嘅，呢啲比較主觀因人而異啦，如果有興趣嘅話自己去嗰度試下啦，畀個like佢
continue reading
老公放假帶我去行"龍虎山"個名好勁！以為很難行，原來超容易又唔太難行，就算年過半百行也👌呢！又可以先做下大學生😁遊一遊，最開心唔洗行太遠就有得食午餐，入到去人又小，啱晒兩老慢慢食和享受下這兒還境，價錢又不算太貴呢？話晒都係大學地方而且不是學生來食嘅canteen人 紫薯忌廉湯 濃味好好飲不太甜忌廉龍利魚汁魚肉有小小鹹如果多些飯就好😋 黑椒牛柳絲意粉勁多牛柳呢 甜品加咗花奶甜品好食d個人覺得 黑咖啡味道唔錯遠遠也聞到咖啡香味黑咖啡加了奶我就中意加奶飲
continue reading
Rome Cafe位於港大的研究生大樓，是港大不多人認識的一間餐廳，但質素為最好的一間餐廳。價錢雖然比較貴，但是食物的質素非常優秀，不想跟其他學生一齊迫canteen嘅話其實不妨一試。午市嘅餐牌大約有50幾蚊去到90幾蚊嘅range，如果你淨係想要一個嘢食嘅話50幾蚊就有，加＄20呢就可以有埋湯、甜品、同埋飲品，甜品通常都係奶凍、啫喱等等。我推薦嘅焗海鮮菠菜飯，因為個焗海鮮菠菜飯嘅白汁同芝士非常之多啦，海鮮嘅份量十分之多嘅，食落去好creamy，而且唔會太漏，呢間餐廳嘅嘅服務質素係非常之好嘅，學生仲有九折優惠，其實即係唔加一，所以如果大家唔想的canteen嘅話就可以去試吓啦!
continue reading
因工作關係，每隔幾年就會轉換辨公關係。故此才能一試又再試這間餐廳。最近舊地重這裡的午市套餐意粉一絕，其中的巴西香草汁意粉更是一絕。意粉的口感、醬汁的鮮味實在令人難道忘，套餐只需七十塊錢，有飲品、餐湯和飯後甜品，實在是普通餐廳價錢，卻有酒店味道級數，實在驚喜。可惜此地始終是大學範圍，所以時不時被包場進行活動，也不是想什麼時候想去就去。環境上觀看山下的香港大學，怡仁靜遠。
continue reading