Video
4-min walk from Exit D2, Mong Kok MTR Station
continue reading
Opening Hours
Mon - Sat
11:30 - 22:30
Sun
Closed
Above information is for reference only. Please check details with the restaurant.
鑊鑊唔收工唔開會，放工係員工私人時間！鑊鑊唔放飯唔開會，食飯係員工私人休息時間！仲要覺得自己皇欣浩蕩福利優厚，刻薄縮骨孤寒無良知無親情就有您份！多年來不停打那亂我時間表，頂住條氣！我要食食食食食，我要食好多野降火！獨獨晚餐！大隻佬只有米粉、河粉、幼麵、粗麵，我想食伊麵及出前一丁啊。蠔油芥蘭，頂級頂上貨色！滿分無投訴，爽甜翠綠鮮嫩，莖部脆卜卜多汁無青味。蠔油西洋菜，特別的配搭，罕見的供應！爽甜汁滴滴，切得太短太碎帶少少渣，都好味道的。腐乳通菜，菜葉好嫩，腐乳醬好香，不過莖勁厚勁韌，幸好整棵有菜甜味。蠔油菜芯，大隻佬出品既油菜真的高質無投訴，每次都鮮嫩爽甜勁多汁滾熱辣送到，無可挑剔。只得菜芯、芥蘭、生菜、西洋菜、白菜供應，還滿以為會有其他特別菜試試添。不如搞搞新意思，韮菜花、皇帝菜、白菜芯都好好食。豉油皇雞腳撈麵，侍應四眼叔叔您唔記得走蔥喎。雞腳膠黏質感一流，肉彈滑入味不過無修甲，腳甲長長。完美微暖鹼水麵過水非常乾淨，沒半點鹼水異味，超級爽口勁彈，趙到索索聲過足癮。豉油清新香甜可口濃郁，撈埋大量辣椒油十分香口，有微微五香味。麵底份量一向都偏少，啜兩啖已經消失殆盡，食兩碗先夠喉。雲吞麵加腩汁，依舊兩注就消滅掉！鮮肉雲吞細細粒容易食，肉甜鬆軟多汁，吞皮滑嘟嘟，味道不錯。牛丸辣牛筋豉油皇撈麵，牛筋超級膠黏嚥韌，但未夠軟綿。牛丸極濃牛味，有咬口。幼麵十分爽，豉油清香，辣油酒香，食得過！牛腩河，河粉實淨略綿滑，烚耐一點會食得更滋味。豉油皇炸醬撈河，痴孖筋的好味道！有 10 粒星可以比足 10 粒星，色香味無敵米芝連！撈河竟然熱燙燙實在難得！出乎意料河粉完整實淨，質地滑彈有緻，媲美乾炒牛河。豉油撈得均勻，每條河粉染得色澤鮮明有光澤。炸醬自家秘製前無古人後無來者，看得到有肉燥、叉燒、肥豬肉。炸醬厚厚黏黏甜美濃郁，用上叉燒碎特別香口，啖啖肉汁泛著微辣，更惹味開胃醒神！再下兩成加埋大量辣椒油！香辣非凡超然天堂的味道，欲罷不能啜到停不了！炸魚皮，有段長時間無遇過掉落湯會悲鳴既炸魚皮！嘞嘞聲吱吱喳喳，奇脆香口無比，無過咸剛剛好。水餃豉油皇金沙撈麵，翻烚水餃，餃皮有點溶了！黏黏漿嘴，餡塞得飽滿，肉香甜美，木耳脆卜卜。金沙撈麵爽到索索聲，豉油特級清新，甜美芬芳。加埋辣椒油無得頂啊！辣椒油散發陣陣攝人酒香，使我陶醉萬分不能自拔，辣度高有深度有層次，有讚無彈。紫菜湯，燒味飯免費贈送的。紫菜真的太少麻？只有一執仔實在太有誠意喇！紫菜貴過燕窩？切雞豉油皇粗麵，多謝師傅醒隻髀過我！髀斷絲連，咸雞來的，滑彈幼嫩，咸香四溢，可口味美。豉油添上極黏辣椒肉大啖一啜，蠔油辣魚蛋在腦海閃過，味道同出一徹！豬肉丸麵加腩汁，香甜的湯底加添上成濃烈的腩汁，重口味我鍾意。豬肉丸勁爽勁彈，質地幼細綿密，肉汁噴射，甜甜的豬肉味道不腥不嗅。爽到索索聲的鹼水麵，沒有半點異味，只剩下蛋香。綣婘曲曲的麵條帶湯力更強，掛辣油力亦更強，大量辣椒渣跟湯汁混和，奇怪地出現咖喱味道呢？香辣無比再帶甜甜的餘韻，刺激到我更開胃更大食，越食越肚餓。牛腩豉油皇金沙撈麵，碎上牛腩諗住細細粒容易食？高質依舊，味濃可口軟綿不鞋不乾無渣，柱侯清香甜美。蒜酥豉油撈超級爽彈幼麵，香噴噴豉油醇厚不濁不膩，混上黏黏特香極辣辣椒油，刺激無比越食越起勁！大啖大啖地索滋味無窮，辣得我滿頭大汗爽到震！水餃辣牛筋粗麵，辣牛筋完全吸收柱侯汁啖啖清香味濃，膠黏綿的質地極為喜愛，不是爽爽不是嚥韌不是硬掘掘。大大舊水餃比普遍的大一倍，包得有點鬆散，味道都偏淡口香甜欠棒，過過口癮罷。最出色都係撈麵，湯麵梗係掙少少。粗麵富蛋香滑溜有嚼勁，不過有點麵粉少少黏嘴，過水不夠徹底。狠狠 3 大羹辣椒肉隊落肚，勁辣勁刺激！淨牛腩，五香牛腩大大舊鬆軟味濃，牛腩鬆化軟塾無渣，味濃可口極想添食！每啖充滿肉汁香料，還搭上甘香油脂，連飯大大啖啪入口，滿足無比好好食啊！肉餅飯，燒味賣晒錯有錯著，竟然係非一般蒸飯！大隻佬自家秘方出乎意料，肉餅係自家刴架喎，厚厚有冬菇有臘腸有土魷，瘦肉多肥膏少，甘香不油膩給我驚喜的味道。飯調得非常香口乾爽嚥韌，專門店的高質素！不是單調乏味的普通白飯，撈埋清爽甜豉油，香而不濁不過咸，配上肉餅更是相得益彰美味絕倫！跟辣椒油碰撞，味道十足陳皮蠔油辣魚蛋，意想不到的效果，更加醒神醒腦！最初還以為會食剩，到最後開胃到唔夠喉，食到一粒飯都無得留低，連碟都舔到乾乾淨淨！
continue reading
其實金莎好似系將好多種魚磨成粉 擺系麵上面一上臺就聞到好香😌距仲附有一碗好清甜既湯 可以撈埋食🙆麵質幾彈牙 撈埋金莎食唔會太過鹹✌不過整體唔算太驚艷 好細碟 幾啖食完😛Waffle成日都覺得中式麵店好難生存 可能要搞搞個鋪面同宣傳🌚
continue reading
說好生病的時候就要吃得清淡一點, 結果是在旺角工作的時間, 找來了前身是龍記的大隻佬麵家, 這裡的老闆, 也就是龍記老闆的十弟, 手瓜起𦟌得來很符合大隻佬這名字. 沒有點龍記出名的辣牛根, 因為不想刺激喉嚨呢! 金沙撈麵的金沙不是咸蛋碎, 而是平時煲湯用的大地魚粉, 外觀好看但味道真的較多淡, 本以為它會比湯的味道濃烈的. 銀絲麵麵質爽口彈牙而不過淰, 沒有令人討厭的梘水味, 基本功還是做得不錯. 五十二元的沒餸撈埋麵, 有點貴也不夠填肚, 結果還是要點多碗淨雲吞呢! (笑)
continue reading
在旺角, 真係行唔夠兩步就有食店.麵檔當然係最多的吧.有d 仲越賣越平. 但有d 就堅持基本水平, 都大有捧場客.因為自己住個度搭小巴落旺角, 第一個落車位就係黑布街.一落車見到呢間叫大隻佬既餐廳, 原來賣麵既, 咁有趣? 即管入去試試!一坐底, 就見到樓面收銀處有好多名人的簽名和合照. 望望個menu, 嘩! 咁多款式選擇既?! 但見到牛筋麵用紅色字 highlight 左, 應該推介野黎啦. 就試試佢.一上到食桌. 見到碗子雖少, 但好足料.初頭擔心個三隻辣椒會否好辣, 但又不會. 味道有少少辣, 牛筋十分實淨有咬口兼彈牙. 不會好似出面有麵檔d 牛筋咁好鬆好淋. d 麵亦是好好咬口, 加埋帶點牛肉味的湯底.成碗野都好令我享受.亦都明白點解呢間大隻佬餐廳可以在競爭林立的旺角區可以爭一席位了.
continue reading
由巷仔轉左出大街，少左黎食喇，一來少左揸車過黎買汽車產品，二來個價錢都貴左好多，相信同租金有關吧⋯⋯好耐無過黎食，之前食過金沙撈麵，還可以啦。今日再去，食鼓油王炸醬撈河，好失望⋯只有咸味，無炸醬味⋯一路食又有啲烏蠅仔嬲黎嬲去，食完仲要有啲肚痛⋯希望搞搞啲烏蠅仔啦，真係好影響食慾唉，以前觀塘一排麵檔，清拆後重開嘅都無辦法做得返以前嘅水準⋯ 好心酸⋯估唔到特登出去搵麵食，都一樣失望而回，呢間應該唔會再食了。
continue reading