Video
4-min walk from Exit B2, Prince Edward MTR Station
continue reading
Opening Hours
Mon - Sun
11:00 - 22:00
Above information is for reference only. Please check details with the restaurant.
原本想話去滬小館食拉麵，可惜無位，等咗一排唔想浪費時間，於是過隔離嘅台灣品味館，即時中伏!點咗份蕃茄豬軟骨拉麵選幼麵，軟殼蟹蟹黃膏肉碎拌麵，小食大併盤有鹽酥雞，魷魚鬚，黃金豆腐同香腸.優點 : 1, 魷魚鬚未至於好正，但總好過花園街街尾老麥旁邊D小食店出品.2, 黃金豆腐同鹽酥雞外脆內軟又 Juicy.3, 好少食軟殼蟹係睇到成隻蟹型，好有台型，而且香脆又足料.4, 係 menu 餸菜旁邊有組號碼，方便落單.缺點 : 1, 即使選擇幼麵，麵身仍然好粗，唔夾自己喜好.2, 所謂嘅蟹黃膏肉碎完全矛蟹味! 同滬小館嘅蟹黃小籠包相比簡直係耶穌同魔鬼! 而且肉碎乾身，難入口!3, 蕃茄湯底淡，完全無蕃茄嘅鮮味.4, 豬軟骨又係神魔大戰! 豬軟骨嘅部位夠軟夠冧，但豬肉就又乾又鞋口! 又係食唔落!5, 黃金豆腐無醬汁點，變成無味豆腐.6, 服務唔得! 女友小熊落單點豬軟骨麵，單就打錯牛肉麵 (編號203)，我都聽到小熊落單講209，但女侍應就同廚房講小熊講錯咗，仲要俾小熊聽到! 喂! 自己落錯單仲要屈個客就細聲D啦! 難為我要氹翻隻老虎㗎!小熊話哩間台灣品味館完全無品! 食品又唔掂浪費珍貴食物，所以永不幫襯打落18層地獄! 又一間影衰哂台灣美食嘅餐廳.
continue reading
晚飯時間係附近搵嘢食，咁啱呢間有位唔洗等，就揀咗呢間，1個人最易搵位！食親台灣野我都鐘意叫個蛋餅，今次叫咗個起司玉米雞蛋餅，$46，粟米芝士一定無得輸，個皮都脆脆地，芝士都有啲拉絲既。另外再叫多個麵食，叫咗份鹽酥雞滷肉拌麵，$82，單點無飲品跟，望到佢上枱覺得價錢都算貴，感覺似係$50。鹽酥雞係炸得ok既，又唔會話好咸，拌麵有啲似四川風味，有青瓜絲同花生再加滷肉。份量嚟講正常一人份量。呢度仲有糖水食，幾多選擇！影咗2頁餐牌比大家望一望。
continue reading
記得第一次光顧叫了牛肉麵，牛肉香而淋，幾出色。今天到旺角行逛，就記起這店便再次光顧。今次點了那滷肉、台式腸、炸魷魚鬚、鹽酥雞的拌麵。這都要八十多元的，不平啊！一送來，覺得份量充足，若是這樣的小食拼盤都七十啦！先嚐滷肉，很肥，唔香，感覺很油。台式腸厚薄適中，反而覺得幾好食。鹽酥雞切粒，大小適中，炸粉不會過厚，肉質軟的，我幾鍾意。但魷魚鬚就失望點兒，炸得太硬，魷魚也硬硬的。伴著的花生粒也不夠香脆。呢個麵初嚐都不錯，但食到一半已開始感到有點鹹和滯了。飲品叫了最穩陣的珍珠奶茶，中規中矩，唔覺得茶香。珍珠煙靭度一般正常，但感覺不規則，唔感特別吸引。相信，下次再到旺角，未必專登走過來了。
continue reading
放假突然想食台灣野，行開太子依邊就再次幫襯，之前試過幾次已經覺得吾錯，呢間主打大大份，價格相宜嘅台灣美食今次再前來幫襯食面方面叫左鹽酥雞拌麵，鹽酥雞好脆好香口，份量都幾多，另外牛肉麵d牛肉份量幾多，牛肉炆得好淋，牛肉湯都幾入味小食方面叫起司肉鬆蛋餅同甜不辣，起司肉鬆蛋餅裏面有好多肉鬆配埋芝士好好味，我每次都必點一個人都可以食得哂，甜不辣亦都系好食，醬的鹹度剛好，帶有一點點甜度，甜不辣煮得剛好，整體黎講，價錢吾貴又大大份想食台灣野不錯之選
continue reading
好耐無食，再次幫襯，發現今次水準進步咗👍🏻叫咗鹽酥雞滷肉飯同夜市香腸滷肉飯🥰鹽酥雞好脆好香口，香腸好好味😋真係好似去咗台灣咁😛不過珍珠奶茶茶味比較重，比較鐘意奶味重既我，就覺得一般，但都唔差。應該會再幫襯，下次試其他野食😎不過餐廳冷氣好勁，吹住個頭食飯，真係需要改善下😛
continue reading