101臺灣品味館 (Closed)

記得第一次光顧叫了牛肉麵，牛肉香而淋，幾出色。今天到旺角行逛，就記起這店便再次光顧。今次點了那滷肉、台式腸、炸魷魚鬚、鹽酥雞的拌麵。這都要八十多元的，不平啊！一送來，覺得份量充足，若是這樣的小食拼盤都七十啦！先嚐滷肉，很肥，唔香，感覺很油。台式腸厚薄適中，反而覺得幾好食。鹽酥雞切粒，大小適中，炸粉不會過厚，肉質軟的，我幾鍾意。但魷魚鬚就失望點兒，炸得太硬，魷魚也硬硬的。伴著的花生粒也不夠香脆。呢個麵初嚐都不錯，但食到一半已開始感到有點鹹和滯了。飲品叫了最穩陣的珍珠奶茶，中規中矩，唔覺得茶香。珍珠煙靭度一般正常，但感覺不規則，唔感特別吸引。相信，下次再到旺角，未必專登走過來了。