Video
Opening Hours
Mon - Sun
11:30 - 01:00
Above information is for reference only. Please check details with the restaurant.
Review (79)
路經旺角揾食真係很選擇，順路擇咗明將迴轉壽司餐廳食拉麵。拉麵很快就來了！真係香港人的辦事作風！讚！三件天婦羅炸蝦脆卜卜是我的心水，但油膩膩要扣分！拉麵滑得像直入五臟廟，湯底奶白像魚湯很討好，但相信一定不會是魚湯，百物騰貴嘛！伴拉麵的還有兩片，口感像加工的魚片，我喜歡的昆布、幾小粒又白又滑豆腐和粟米粒。餐飲熱抽子蜜沒有太甜，很棒！還有自斟自飲的煎茶！滿意呵！
continue reading
之前係米蘭軒明將食過覺得唔錯 今次同朋友行街經過旺角分店試下初初入到去重覺得OK 坐左陣先知中伏三文魚壽司舊飯重大過舊三文魚壽司飯好硬 而且食落口好「漿」有部份三文魚唔知點解咬唔開...d壽司排到密密 逼到就快跌落尼咁 逼到條帶有好幾次行唔到隔尼將D壓壓落碟底 服務生收完 將碟底o既飯逼番個客食 d碟底o既飯又扁又爛 咁唔衛生 見到都唔開胃一分錢一分貨,入前都有心理準備但真係好難頂首先食物質數已是意料之內..但真係比d服務生嚇親以後都唔會再去
continue reading
0拿,明將係某大討論區上面已經係出名難食,出名既紅豆軍艦壽司,半生熟既魚生等等一早聽過。 但由於次次經過都勁多人排隊,所以冇食到。 今日經開旺角,又咁岩有時間,就試一試呢間出名難食既明將。一拎籌,起麻等20張木台,唔緊要我有時間,但亦都奇怪點解出名難食都咁多人排隊食,咁唔緊要喇出去行個圈再番來就岩岩叫到我。坐低之後,坐左成粒鐘,都係出埋D蛋壽司,八爪魚壽司果D,而大部份香港人都好鐘意食既三文漁壽司就影都冇,更加見唔到傳聞中既紅豆軍艦壽司,正當有D失望之際,我發現隔離木台係到單點緊三文魚壽司,我先發現原來三文魚壽司係同D待應講人佢先整既,咁唔駛問,起勢叫黎食喇。基本上大部份既壽司都係咁上下水準,冇乜驚喜,由於平既關係,都算超出預期架喇。 都冇傳聞中咁難食姐,即係咩價錢咪俾咩質素既野你姐,都算OK喇,呢個價。總括黎講,我覺得可以番兜,如果唔想郁D洗百幾二百蚊,志在食下三文魚都OK既。
continue reading
個日自己同呀妹等位，5知係咪太餓。原本等15分鐘有位，但都係得我一個屋企人未到入坐開始計時，怕會蝕所以等多15分鐘，等到開始手震，冒汗，頭暈，門口果個見我甘即刻比我坐底仲話可以坐到收工，姐係多左平時半個鐘左右la.～我即刻飲水，抖一抖就無事～服務很好！講反食物，刺身細件～5新鮮，5好食～差！炸物～好食wow～熱氣野係好食d既～送每人一隻芝士焗蠔～難食又腥又臭～火鍋正常，湯底味精，我張d刺身放去滾2野先食～因為我覺得好食d～炒烏冬～無料5好食～燒魚，乾～味道ok汽水任飲，好似無甜品～我5會再去lol～
continue reading
看完開飯的那些年特輯，想起好耐無去過明將，有啲懷念以前坐係明將食到飽嘅日子，一於黎食下先。去到旺角店，超多人，去左行陣街先返黎等位，大概等左四十分鐘先有位。加價加到五十三蚊，比例算少，但而加有個半鐘時限，其食要食飽，個半鐘夠哂嘅。餐具，壽司碟，蓋等，一如以往都係黏立立嘅，店員都係ok串嘅，不過黎得明將，你又期望啲咩呢？基本上唔難食，壽司帶都清得幾快，唔太擔心話隔左好耐。但舊飯真係好差，無飯味都唔緊要，仲好爛，一舊勁黏口，仲要好大件認真難嚥下。軍艦紫菜已經軟左，不過從無諗過會係新做。最愛佢嘅蛋沙律軍艦，真係無估到沙律同壽司會夾。無左甜蛋壽司，變成左煎蛋餅（？），有幾條蟹柳絲又幾得意喎。八爪魚好硬，硬到咬唔開。魷魚（？）好腥，其他啲都ok。黑椒鰻魚，賣相有驚喜，味道都係，鰻魚汁加黑椒同蔥又幾正喎。雜果沙律軍艦，真係笑左，咁都做得壽司，雖然係咁，我幾乎每次都會食。炸帶子軍艦同樣好好笑，半邊帶子就咁放上去，咪係急凍帶子嘅味囉。除左啲用具污糟啲之外，賣相都唔係好差啫。但最唔明係點解條帶要擺到咁迫，轉到咁上下就有一碟跌落黎。前面卡坐位小姐認真唔好彩，佢個手袋開左，碟壽司咁啱跌左入去，一袋都做魚籽……店員完全無清潔嘅意欲，紙巾都無比，淨係叫比返隻碟佢。跌左好幾次，好彩我同友人都連蓋帶碟接住，我得自己好似玩緊雜耍咁。
continue reading