Video
5-min walk from Exit B3, Ngau Tau Kok MTR Station
continue reading
Telephone
94427980
Opening Hours
Today
11:00 - 00:00
Mon - Sun
11:00 - 00:00
Above information is for reference only. Please check details with the restaurant.
今日嚟到牛頭角搵嘢食。上網查到這間漢堡 Burger 店。 叫了2人餐外賣。2人餐: (包括以下食物) $248 👍🏻👍🏻👍🏻霸氣雙層安格斯芝士漢堡雙層手打牛肉芝士漢堡脆炸雞塊薯條飲品:芒果爆爆荔枝爆爆位於牛頭角定業街的Burger Shot不僅是一間簡單的漢堡店，這裡的美食絕對會讓你的味蕾大開！從地鐵站步行僅需6分鐘，這家店在轉角處，絕對值得前來。店內採用工業風裝修，提供室內和室外座位。尤其是室外座位，靠著牆邊拍照打卡超級有感覺！📸🍔 **霸氣雙層安格斯芝士漢堡**：這款漢堡絕對是牛肉愛好者的天堂！每一口都是滿滿的肉汁，雙層的手打牛肉讓你感受到不同於一般漢堡的獨特口感，搭配上新鮮的配菜，完美無瑕！🥩🧀🍔 **雙層手打牛肉芝士漢堡**：作為男士的最愛，這款多汁的雙層牛肉漢堡絕對不會讓你失望。手打的牛肉質地紮實，口感獨特，搭配新鮮的配菜，絕對是令人垂涎的選擇！🍔✨🍗 **脆炸雞塊**：每一塊都是新鮮出爐，外皮酥脆，內裏多汁。無論是單吃還是搭配醬料，都是完美選擇！🌟🍟 **薯條**：薯條，粗幼適中，搭配八種不同醬料，讓你每一口都有不同的驚喜！特別推薦日式芥末和黑松露，絕對是一試難忘的美味！🍯🔥🥤 **飲品**：芒果爆爆和荔枝爆爆是這裡的招牌飲品，清爽解渴，為你帶來完美用餐體驗。爆爆珠已經非常過癮，加上Soda Water，抗氧化，也是爽爆！🥭🍹Burger Shot用心製作每一道美食，手工和自家製的心思讓每一口都充滿驚喜，不是一般倒模製作的漢堡能比擬的。快來體驗這場美味派對吧！🎉🍔
continue reading
呢度附近都比較多小店嘅食肆，今日揀嘅係burger🤭🤭餐廳做緊嘅lunch set都望落幾吸引，但我哋因為晚市，所以選擇咗叫咗個二人餐。我哋揀咗煙肉千島芝士熱狗，安格斯牛肉芝士漢堡，薯條配蜜糖芥末，再加個吉列炸蝦。熱狗嘅包超級軟熟，而且芝士拉晒絲，佢嘅醬汁都好多。之前我都喺其他熱狗專門店食過，但我幾鍾意依一間嘅熱狗唔會太過鹹，食落去個調味啱啱好。再加埋千島醬有少少酸酸甜甜咁，都好開胃。安格斯牛肉芝士漢堡嘅份量都唔細，但係因為我鍾意一啖咬落去就可以食晒咁多種配料，所以唔會揀啲太巨型嘅，佢呢個嘅size就啱啱好。塊牛肉又厚又爆汁，真係值得一試。因為漢堡都幾驚喜，所以我另外叫多咗個炸雞蒜香野菌芝士漢堡。佢嘅配料好豐富，外脆內軟嘅炸雞配埋啲生菜絲都幾正。炸物全部都係即刻炸出嚟，上嚟嘅時候超級熱。薯條外脆內軟，配埋個蜜糖芥末，都幾好食。佢嘅醬都幾多選擇，下次都想試吓其他味。嘢飲我哋揀咗個白桃爆爆同埋梳打水。白桃爆爆有爆爆珠，白桃味有少量糖漿，加埋啲梳打水落去，特別清爽。如果想飲冇咁甜嘅人可以唔使搞咁均勻。如果餐廳有位嘅話都建議大家可以堂食，畢竟熱辣辣整出嚟一定係最好食。
continue reading
今日途經牛頭角，見有一間裝修簡約的手工漢堡店～Burger Shot，價錢親民又大眾化，Mina 平時最鍾意食漢堡，即刻買返屋企俾佢試下先😃🌟雙層手打牛肉芝士漢堡漢堡的牛肉餅厚實多汁，搭配融化的芝士，口感豐富。每一口都能感受到肉的鮮美和芝士的滑順，搭配新鮮的生菜和番茄，平衡了油膩感🌟烤汁手撕豬蒜爆漢堡手撕豬肉漢堡的味道香濃，豬肉經過慢烤，肉質酥軟，搭配香濃的蒜味醬汁，讓人一口接著一口，讓整體味道更加豐富。🌟炸粗薯條粗薯條炸得外脆內軟，口感極佳。每一根薯條都吸收了足夠的油脂，香脆可口
continue reading
小朋友喺附近學嘢，趁未夠鐘周圍行吓搵吓有乜嘢食。見到有間小店食漢堡包檔小朋友即刻話要入去試吓。我哋叫咗二個午餐，包括：雙層牛肉手打芝士漢堡配炸薯條，選咗黑松露味，另外加$10有草莓爆爆。另一個係烤汁手撕豬蒜爆漢堡配粟米，藍莓爆爆。另外叫碌碌芝士。薯條，粟米，碌碌芝士先到，唔使諗，趁熱食，即刻食碌碌芝士。點咗黑松露醬汁，出邊脆卜卜，芝士仲有拉絲嘅效果，超正。跟住主角嚟啦，我叫嘅係雙層牛肉手打芝士漢堡，預設牛肉係七成熟，我食左，好Juicy。亦可以揀全熟，不過講明會比較乾。好足料，大塊嘅蕃茄，洋蔥，生菜。食完好滿足，飽飽～小朋友食烤汁手撕豬蒜爆漢堡，我試左一啖，醬汁好味，奇怪豬肉都有手撕，真係一條條喎，好足料。下次去學野，會再食😆😋Yummy Yummy: 7/10😋
continue reading
🎈 建議場合：#即興食飯 #暢談食飯 #普通拍拖 👤 建議人數：2人（最多可容納4人檯）💸 人均消費：$50-100【2個人食咗啲咩？】- 安格斯牛肉芝士漢堡- 雙層手打牛肉芝士漢堡- 薯條- 炸魷魚鬚- 自家無糖烏龍茶（冷泡）- 熱番茄濃湯⭐⭐⭐⭐⭐「抵食多汁漢堡」見尼間店咁多好評，平時好少去牛頭角嘅我即刻走過去試下係咪真係咁正。雖然個地方都幾隱蔽，但係都叫近地鐵站同易搵，行到差唔多到舖頭已經聞到好香嘅煎漢堡扒味，離遠都已經聞到咁香，食個味道實無死。晚餐個set超抵，兩個漢堡、兩杯野飲、一大份薯條加一份小食全部都係$249，同外面食兩個burger嘅價錢差唔多。重點係佢平得黎，個漢堡嘅quality唔會因為咁而打折，個安格斯牛肉夠曬厚同多汁，超級juicy重牛味，配上沙律醬簡直完美。佢d生菜同番茄都好甜好fresh，令成個漢堡食落唔會太heavy。至於雙層手打牛肉芝士漢堡裏面加嘅係茄汁，味道稍微比安格斯漢堡濃d，會蓋過d牛味，但係個patty邊邊因為薄身d所以會脆脆地，又係另一番風味。另外佢個番茄濃湯唔係金寶湯d罐頭湯，而係真係有瘦肉粒落去煲，飲得出番茄嘅甜味至於，仲有肉嘅鮮味。平時係觀塘、牛頭角附近住同返工不妨去試下，抵食又好味，店員仲好好人添！📍 Burger Shot牛頭角定業街2A號地舖 (港鐵牛頭角站B3出口 約5分鐘路程）
continue reading