Video
3-min walk from Exit A, Quarry Bay MTR Station
continue reading
Opening Hours
Today
12:00 - 20:00
Mon - Fri
11:30 - 20:30
Sat
12:00 - 20:00
Sun
Closed
Public Holiday
Closed
Above information is for reference only. Please check details with the restaurant.
放工同同事去咗公司附近呢間新開Poke小店dinner, 餐廳環境光鮮, 地方簡潔, 主打Poke同埋少量小食。Signature Bowl Set: 自選一款已設定好三款配搭嘅Bowl, 自選Base、醬汁同埋飲品, Bowl更可自由額外加錢追加配料, 夠哂豐富。我就揀咗【Salmon Spark】HK$118+$24 追加 40g吞拿魚+$16 追加牛油果呢個Bowl好豐富, 包括有大大粒三文魚、爽脆清甜多汁温室青瓜、蛋絲、蟹棒沙律、木魚絲、紫菜絲、青葱, 自選了壽司飯+沙律菜雙併, 健康又飽肚, 淋上蜜糖蛋黃醬, 味道更提升。【招牌炸豆腐丸子】HK$90招牌炸豆腐丸子 | 日式炒野菜 | 醬油糖心蛋 | 白糙米飯 | 日式甜醬油除了有主菜三粒炸豆腐丸子外, 仲有糖心蛋, 炒野菜, 沙律菜及糙米飯等等…同樣豐富, 炸豆腐丸子鬆化軟淋, 配埋日式甜醬油, 味道不錯!【南瓜餅】HK$18南瓜餅外層鬆脆, 內有綿密甜甜地嘅南瓜蓉。【芝士豬扒】HK$38豬扒外層炸得金黃鬆脆而不油, 豬扒內夾住了芝士, 雖未做到流心效果, 不過咀嚼時食到豬扒中嘅軟心芝士, 跟嫩口豬扒肉質口感perfect match!【唐揚炸雞】HK$28/3件表面炸到金黄, 肉嫩多汁。【三文魚味噌海帶豆腐湯】HK$18湯熱辣辣, 味道甘香清甜, 有幾粒三文魚肉、海帶、豆腐。
continue reading
好友約我去位於鰂魚涌海光街11號漢威大廈地下3號舖的 Mr. Poke 食午餐，環境舒適，裝修簡潔。我點左個 Hot Meal Set $148，有日式炒野菜、醬油糖心蛋、慢煮安格斯封門柳220克、白飯+沙律菜，配紅酒洋葱汁、餐飲係冷泡茶；好友點左個 Signature Bowl Set $108，有 Tuna Bloom (吞拿魚、牛油果、甜粟米、車厘茄、青葱、芝麻、辣椒絲）+海葡萄 $8、壽司飯+沙律菜、配蜜糖蛋黃醬（另上），餐飲係冷泡茶。小食係南瓜餅（1件） $18，厚燒玉子（4件）$28，芝士豬扒（1件）$38。整體黎講係高質素又材料新鮮，吞拿魚好味；封門柳牛味濃郁，外脆內嫩；南瓜餅香口，厚燒玉子蛋香味濃，芝士豬扒的芝士拉絲，非常好味又好食。冷泡茶好清香好飲。
continue reading
當每日都食大魚大肉，又多汁、重味飯餸嘅時候！其實有時都想食得清淡一啲、健康一啲!咁啱今日喺鰂魚涌做嘢就俾我發現到一間食材非常健康嘅餐廳！餐廳主打近來港人熱愛嘅健康食品~夏威夷蓋飯!⭐🦐蒜片牛油蝦 $118- 蒜片牛油蝦、日式炒野菜、 醬油糖心蛋、 片牛油蝦 、珍珠米+沙律菜 配蒜味乳酪醬 ☕️熱拿鐵⭐🍣Tuna Bloom $152- 吞拿魚 、牛油果、甜粟米、車厘茄、青蔥、芝麻、辣椒絲 (我仲再加配左海葡萄 +三文魚) 、 壽司飯配蜜糖蛋黃醬 ☕熱拿鐵 兩個餐賣相都超吸靚，除咗打卡一流之外，配搭食材顯出心思，仲好好味呀！😋🧈厚玉子燒$28- 最後再叫多咗個小食！兩個餐卡路里又低，食材夠新鮮，營養又豐富，真係keep fit之選😃👍
continue reading
向來好鐘意食poke碗，今晚做完gym經過海光街，見到新開左間餐廳，一於食個高蛋白晚餐。餐廳除了有poke碗，仲有熱食碗，有set menu，仲有build your own bowl，另外都可以top up 配料，大滿足👍🏻🐟Salmon spark 包左三文魚，溫室青瓜，蛋絲，蟹棒沙律，木魚絲，紫菜絲，青葱。現在有新年promotion免費top up 一款配料，揀左海葡萄，因為好少地方有得食👍🏻醬汁同base都係自由選擇，揀左柴魚醬油，最健康。另外餐廳俾多兩款醬料，辛味蛋黃醬wasabi乳酪醬，口感creamy 過癮。⭐️另外top up 左四款protein 同朋友share: 三文魚，呑拿魚，蝦，慢煮無激素雞胸。今日蛋白質目標輕鬆達成😆真係好岩健身增肌一族。🐮慢煮安格斯封門柳揀左120g，份量都幾多。慢煮牛柳真係幾嫩，表面輕輕煎封，內裏鎖住了肉汁，肉味超濃。套餐仲有野菜，自選小食同飲品，超豐富。⭐️poke 碗真係岩晒健康瘦身增肌一族，成日都會想再食。
continue reading
隔咗排冇食poke bowl，突然口痕想食返，醒起鰂魚涌新開咗間poke bowl，一於約埋朋友去試下先Salmon Spark $118材料有三文魚、溫室青瓜、蛋絲、蟹棒沙律、木魚絲、紫菜絲、青蔥，加咗$18要多款蝦，最近餐廳做緊免費加一款top up就揀咗甜粟米，揀咗糙米飯加沙律菜底，醬汁就係辛味蛋黃醬。三文魚食落都幾新鮮，整體配搭食落係比較清淡，加埋辛味蛋黃醬就好惹味Tuna Fish Bloom $108呢款以吞拿魚作為主題，配料有牛油果、甜粟米、車厘茄、青蔥、芝麻、辣椒絲，top up再加多飛魚籽，同樣揀咗糙米飯加沙律菜底，醬汁就揀咗山葵乳酪醬。呢款poke bowl味道會比三文魚嗰一款濃，酸甜嘅車厘茄加埋香滑嘅牛油果、甜粟米，食落口感十足，配上清新嘅山葵乳酪醬，口感清爽南瓜餅 $18南瓜餅一分為二，外脆內軟，入面充滿南瓜餡，食落香甜軟淋厚燒玉子 $28玉子一共有四件，擺碟都幾靚，確實係厚身蛋，加咗啲蟹籽做點綴，食落甜甜地芝士豬扒 $38芝士豬扒外表炸得金黃色，切成條狀方便食用，趁熱食仲會見到芝士拉絲效果，味道鹹香又香脆三文魚味噌海帶豆腐湯 $18雖然無三文魚肉，但出乎意料地三文魚味幾重！
continue reading