Video
Opening Hours
Today
12:00 - 21:00
Mon - Sat
12:00 - 21:00
Sun
Closed
Above information is for reference only. Please check details with the restaurant.
好開心，Rosie開到嚟鰂魚涌，令到太古坊返工嘅我，放工都可以嘆靚靚意粉同嘢飲。Rosie喺葵芳已經好受歡迎，佢係以平民價錢食高檔意粉聞名，設計同出品都好特別，同一般連鎖意粉店唔同。不過我知道，飲品係佢另一個秘密武器…藍水母 $68用上蝶豆花、鮮奶同咖啡造成嘅超現實飲品。一層層嘅顏色化開，影相真係一流。最重要係飲落相當唔錯，唔會好甜，咖啡味亦足夠。朱古力鮮奶 $48另一杯強力飲品，朱古力上面鋪滿朱古力粉同白朱古力，比一般拉花嘅咖啡更靚仔。飲落熱辣辣嘅鮮奶同朱古力，喺冬天真係會令人舒服好多。龍蝦濃湯蟹肉帶子麵 $198呢度嘅名物。與其話係汁意粉，不如話係用濃味嘅龍蝦湯做湯底，再放一個墨魚意粉同蟹肉帶子上上面。咁樣講係因為龍蝦湯本身已經又多又夠味，係可以就咁飲。襯埋味道相近嘅蟹肉同帶子，其實一定係好食。辣芝士醬明蝦扁意粉 $138如果話龍蝦湯已經夠晒濃味，咁呢個辣芝士醬就係超濃味。辣度唔算好高，但食落係會感覺到，芝士醬濃厚之餘係非常多，鍾意重味人士真係啱晒。朱古力心太軟配開心果意式手工雪糕 $88咁嘅組合，唔使形容之好食啩？但佢仲有啲儀式感，會拉起個包裝等啲開心果忌廉跌落嚟。開心果雪糕算係幾有味道，加上粒粒嘅開心果，比雲呢拿味會更豐富。心太軟就正常發揮了。可以收工喺附近食個靚意粉，飲靚嘢飲，喺咁舒服嘅環境同朋友傾吓偈，都可以緩和一下返工嘅壓力😌。
continue reading
早輪已經成日聽到 呢間餐廳但喺葵芳 對我嚟講有啲遠但好消息係 佢開到嚟港島區喇今日收工就同閏蜜嚟到鰂魚涌新店食佢哋最拿手嘅pasta佢哋仲開到夜晚9點 OT遲咗啲都唔怕食唔到賣點係用親民價就食到高檔意大利 pasta環境都好適合親朋聚會 🐮香草牛油封門牛肉汁意粉店員喺面前用火槍燒溶嚿牛油一路燒啲牛油香好香 睇住慢慢流好治癒封門牛夠腍唔嚡口 亦有濃烈牛味 🦞龍蝦濃湯蟹肉帶子麵🦀 蟹肉多到舖滿哂 直頭見唔到下低嘅意粉咁制 賣相同味道都一流帶子彈牙鮮甜 意粉掛滿龍蝦汁Seafood lover 必點🍫朱古力心太軟配開心果意式手工雪糕連埋開心果一齊食 雙重口感雪糕食落唔會太甜 絕無罪惡感🍫朱古力鮮奶冬天飲熱朱是常識吧成杯朱古力好靚 😍 飲落仲好重朱古力味 啱晒我呀
continue reading
今日同老公經開鰂魚涌的海堤街，見到一間價錢親民、裝修好靚的新開張的餐廳～Rosie，呢度的每一道菜都好有心思，食物質素都好高，無論是前菜定係甜品，都令人回味無窮。等我同Mina爸拍住拖，試下呢度的皇牌餐點先🥰🌟龍蝦濃湯蟹肉帶子麵滿滿的蟹肉，帶子麵配上濃郁的龍蝦湯，鮮美的蟹肉和帶子味道好夾。湯底的鮮味非常突出，帶出海鮮的鮮甜，帶子麵吸收了龍蝦湯的精華，口感順滑，每一口都食到鮮味🌟香草牛油封門牛肉汁意粉意粉的牛肉汁香氣四溢，牛肉經過精心調味，醬汁濃郁而不膩。香草牛油的搭配增添了層次感，讓整道菜更為奢華。意粉的彈性恰到好處🌟朱古力心太軟配開心果意式手工雪糕朱古力心太軟外脆內軟，當你切開時流出的巧克力醬令人垂涎。搭配開心果手工雪糕，清新的口味平衡了甜品的濃郁，令人驚喜🌟美式咖啡（冷）（果香）美式咖啡清新提神，果香的添加使其與傳統的咖啡風味有所不同，口感清新🌟抹茶鮮奶抹茶鮮奶的味道清新怡人，抹茶的香氣和鮮奶的順滑相互融合，讓人心情愉悅，是一個完美的收尾
continue reading
我早兩天放工後，與在鰂魚涌上班嘅朋吃晚飯。朋友提到公司附近開了一間環境波希米亞風的意大利麵餐廳，他說環境不錯，於是我們決定去試試。一進餐廳，就被它的氛圍吸引，真的很適合打卡！$198 龍蝦濃湯蟹肉帶子麵～當侍應把這款意粉端上來時，我不禁驚呼「wow！」，意粉上蟹肉真的非常多，還有濃郁的龍蝦湯，麵條是墨汁意大利麵，口感超棒！吃完意粉後，我甚至把龍蝦湯喝光了。如果能再附上麵包，那就更完美了。$198 香草牛油封門牛肉汁意粉～這款意粉上桌後，侍應還用火槍輕輕燒一燒牛油，香氣撲鼻而來。封門牛柳入口軟熟，除了有牛柳，還有牛肉碎，每一口都能吃到牛肉，喜歡牛肉的朋友一定不能錯過。$56 航髒咖啡～這款咖啡是冷熱交替，牛奶和咖啡分層，看起來很治癒。$48 紫薯鮮奶～這款紫薯鮮奶好吸引，無論是杯子還是拉花都讓我心動。喝起來不會太甜，剛好合我的口味。這家餐廳在葵芳還有另一分店。廚師認真對待每碟意大利粉，以親民價格享受到高質素的意大利餐，完全不同於一般的連鎖店意粉。
continue reading
👈🏻Rosie#japjapjap_鰂魚涌#japjapjap_西式葵芳高質嘅cafe喺鰂魚涌開分店啦😛龍蝦濃湯蟹肉帶子麵 $198龍蝦湯好濃好好飲😍最尾一啖都冇剩吖用嘅係墨魚汁意粉意粉嘅軟硬程度好好面頭鋪咗好多蟹肉 勁闊佬鮮味十足 推介濃汁法國黑松露蘑菇貓耳意粉 $108黑松露味好香😙貓耳意粉好掛汁夠曬creamy 加咗大量芝士但係食落都唔會膩海鹽雪糕蜜糖吐司 $98冰火交融嘅組合😆吐司浸滿左蛋汁外脆內軟熟 配上海鹽雪糕同蜜糖真係冇得彈蒜香雞翼 $20蒜香雞翼蒜味十足🤩外脆內juicy啖啖肉 朱古力鮮奶 $58紫薯鮮奶 $48Overall食評最高5粒🌟)📌好味程度：🌟🌟🌟🌟💫📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟
continue reading