Video
Telephone
36136666
Opening Hours
Today
11:00 - 21:00
Mon - Sun
11:00 - 21:00
*Last Order: 20:30
Above information is for reference only. Please check details with the restaurant.
About Reward Scheme
今次黎到沙田覓食！發現科學園有一間隱藏小店！餐廳環境闊落🙂↕️乾淨又可以chill著聽純音樂🎵主打食川菜～有雞煲、米線、酸菜魚、和牛食🔥！！！踩單車可以順便入去試試😙【藤椒青湯酸菜魚米線（麻辣）】 $65藤椒青湯好特別！配酸菜魚好襯好入味🥰酸同辣既配搭唔錯😌我地就嗌咗小辣 口味啱啱好 辣度足 味道濃😙米線適中偏硬 做到爽口彈牙！配料都頗豐富 有金針菇、芽菜同木耳！🙂↕️【炙燒A4和牛米線】 $78和牛米線同樣嗌咗藤椒湯底小辣🌶️唔同既係湯底會加入左和牛香！😌又係另一番風味！和牛油脂大爆發💥味道好濃郁又好juicy🥩雖然有一個煮得韌左 但大部分咬落都容易咬開🤩五塊好足料！另外配料仲有生菜、腐竹同埋豆卜✨相對地和牛會比較吸引🙂↕️【酸菜肥腸香鍋】 $58香鍋有好多素菜🥦包括花菜、冬菇、蓮藕、薯仔等等🥔素菜非常新鮮爽脆！配飯一流💫酸菜同肥腸好入味～係重口味之選🙂↕️【+$15酸辣豬肚】小食方面非常大份！豬肚食落唔韌～15蚊真心抵🙈最後！食物全部可以揀走芫荽同蔥💫份量大大份🙂↕️價錢都貼地！又冇入座時間限制！推薦大家經過可以去試試😙 佢仲有串燒 雞煲！但要5.30之後才供應～想試的朋友要睇時間啦💫🔔：沒有加一服務費～加配每杯嘢飲半價！😋：7.5/10性價比：8/10回頭指數：7/10📍川濃沙田科技大道東 1 號 1E 大樓地下 S003C 號舖#川濃 #川菜 #科學園 #科學園美食 #香港美食 #米線 #雞煲 #日本和牛 #沙田美食 #香港打卡 #香港美食指南 #香港美食日記 #foodie #hkfood #hkfoodie #hkfoodblogger #hkfoodlover #foodiehk #hkigfood #852food #hongkongfoodie #foodhk #shatin #hongkong
continue reading
最近發現沙田科學園環境清幽，好舒服🍂 可以與朋友相約在那裏享用晚餐～ 之後海旁散散步，消消食🌀川濃以川菜風味為主，有粉麵、酸菜魚、串燒，甚至雞煲，很多樣化，總有款菜式適合你口味，而且價錢便宜抵食…🎈雞煲 $138/半隻椒麻小辣的雞煲好香微麻微辣. 惹味又下飯😋yo不小心吃掉一整碗飯呀🙈而且2人分享半隻雞. 份量剛好👍🎈香蒜牛油燒娃娃菜 $38燒娃娃菜好清甜香蒜牛油味特別飄香🤗🎈燒雞皮串 $13🎈燒豚肉串 $18🎈四川麻辣燒生蠔 $23串燒的種類很多即叫即燒. 所以要耐心等等🤣當中yo和朋友特別推薦雞皮及豚肉串燒雞皮串油香薄脆豚肉串則油香嫩口且帶點嚼勁🤗
continue reading
位於科學園嘅大大園區，黎到呢間新式川味小菜館，裝修簡潔，店舖坐位非常寬敞，因為假日去食，所以人流不多。😊辣滷水和牛腱飯，🐄牛肉肉質厚實，脂肪很少，滷水味濃郁，香料味道明顯，小小甜味更帶出到濃郁嘅肉香。配菜嘅豆腐亦選得滑溜香嫩，唔會怪怪哋唔新鮮嘅豆味。紅油炒手調味適中，肉質唔會過肥，少少辣好開胃，拌飯一流。😁郊外油菜十分新鮮，煮得爽脆，落app設計可以揀走蠔油，令一餐外食都無咁heavy，食得安心。
continue reading
秋意起🍃 踩單車去到科學 正當想揾野食醫肚嘅時候就俾我見到間專食辣嘅川菜美食 餐廳環境闊落 乾淨企理 最緊要係食完唔會即刻趕你走 抖足腳力先繼續踩單車炙燒A4和牛米線 & 雲南米線兩碗都試左自家川濃藤椒青湯 入口唔會話太辣太刺激 入口有少量麻椒味 但係係容易入口 如果唔太食得辣嘅可以叫微辣 辣度有根據香港人嘅口味調較過🤣小食仲叫左個重慶燒椒皮蛋皮蛋同重慶燒椒好夾 唔會互相搶左大家嘅味 配合得好好 不過呢個就比較重口味~ 呢度另外都好出色嘅係雞煲 今次就叫左半隻雙胡椒味 川菜嘅胡椒味同平時嘅胡椒味唔同 呢個胡椒味更加豐富 唔知廚師用左咩秘方 胡椒味好香 又唔會淨係得個種刺鼻味 係食落好舒服嘅感覺呢餐作為運動補給係非常滿意👍 食飽先有力繼續踩單車🚴🏻♀️
continue reading
放假踩單車去到科學園醫肚，唔想食連鎖店，不如試吓特色啲嘅餐廳，搵咗間川菜🌶️見到有酸菜魚食，又好耐冇食過，一於試吓！餐廳都多位，唔洗點等，坐得又舒服😌我哋揀咗金湯酸菜魚米線，魚肉份量好多，雖然有少少碎骨，但係都好嫩滑，湯底清甜，帶有少少酸辣， 十分開胃！另外叫咗幾樣小食share食，有餡料滿滿既紅油抄手🥟唔算好辣。呢到仲有川式燒烤，款式都唔少架。我哋要左燒魷魚鬚、燒雞中翼 、燒牛肉串、香蒜燒扇貝，都幾香口，最正係燒扇貝，$24蚊一份原來係兩隻，仲等我地要左兩份🫢好抵！加左啲蒜，超惹味🤤呢度仲有啲小菜或者雞煲，都幾多選擇，如果想食辣嘢嘅話可以揀呢間！🔸金湯酸菜魚米線🔸紅油抄手🔸炸豬扒🔸燒魷魚鬚🔸燒雞中翼 🔸燒牛肉串🔸香蒜燒扇貝📍#川濃 (#沙田美食)#沙田 科技大道東1號1E大樓地下S003C號舖
continue reading