Video
1-min walk from Exit D2, Shau Kei Wan MTR Station
continue reading
Opening Hours
Today
11:00 - 23:30
Mon - Sun
11:00 - 23:30
Public Holiday
11:00 - 23:30
Public Holiday Eve
11:00 - 23:30
Above information is for reference only. Please check details with the restaurant.
昨天與家裡人點了此間餐廳外賣，食完3-4小時之後又吐又拉，昨天到今天已經拉了5次，就快脫水沒想到可以會發生這種事，今早見完醫生，兩人確認為食物中毒。不想這種事情別人再經歷
continue reading
聽過餃里呢個名一段時間，好多中意食餃既朋友都大推原來無聲無息係筲箕灣地鐵站附近開左鋪終於有機會試下！今次試左咖哩餃同芝士栗米餃（兩款外賣都係６０蚊９隻）咖哩餃好香，甜甜地，係偏清新既咖哩香味，驚喜！個底煎得幾香脆，拎到返屋企食都仲幾好味唯獨對我黎講個皮厚左少少芝士栗米餃就值7.5分～芝士咸香，但因為唔跟辣油(得辣辣地既菜莆)，食到第4-5舊已經有D滯如果有好食既辣油配，成件事一定昇華好多總括黎講，味道唔錯，會返轉頭食～但唔知係咪價位係呢區黎講算貴，仲要開左幾個月都無聲無息咁眼見就唔多人幫襯～果日連埋我得三個客等緊外賣最後講埋收銀店員服務態度差到．．．明白做餐飲業又企又熱，都唔預店員要笑面迎人問題係佢唔想做到．連同客基本溝通都完全欠缺首先打電話去外賣果陣，佢冇俾單號落到去好有禮貌同佢講叫左野食，想俾錢佢黑口黑面粒聲唔出遞部八達通機出黎，冇覆單，冇問我食乜，冇講幾錢（可能果個時段咁岩得我一個打電話？但覆一覆有咁難咩？）之後佢又唔出聲就遞左袋外賣出黎放係張枱度當時我同另一個男客人都企係度等緊，同佢你眼望我眼要我問多句，係咪我咖？佢先黑口黑面話＂係＂個客員由頭到尾，對單，講價錢，叫人拎～都好似溝通不能咁乜都靠估問多一句好似你阻佢時間咁建議換左個人佢，生意可能會更好至於點解我仲俾好評，因為我好想對間鋪頭公平點 T_T唔想因為店員既冷漠同溝通問題就寫到間鋪好差～
continue reading
點左一份清新素煎餃, 加養顏無花果栗子腰果素湯。素湯好好飲, 有無花果味道, 似係屋企煲既無花果湯再每鹹少少。清新素煎餃材料有冬菇, 木耳, 翠肉瓜, 沙葛, 粉絲, 菜脯, 甘筍。由於餃皮好厚身, 加埋入面材料煎過之後好吸油, 即使送餐時間好快(大概係30分鐘內到), 送到黎既時候餃子已經變硬同埋好油, 可能叫湯餃或白烚好食D。
continue reading
呢間嘢冇味精食完唔會口渴又好好味韭菜煎餃好好味，好似金元寶咁樣，咬落去外皮有少少嘅焦香，內餡都係好豐富嘅！配埋佢嘅菜脯一齊食，辣辣地真係好開胃！素菜煎餃也很好味，係附近少有嘅素食選擇芝士粟米煎餃小朋友很鍾意，難得有樣嘢個女鍾意食又願意食撈麵嘅質地唔錯好軟滑椰菜湯餃很清新，味道也不錯但我覺得煎餃比較好味椰子豬骨雞湯先嚐一口熱湯，清淡不油膩，有家的味道！餐飲選了市面上比較少見的大和黑豆漿，味道唔錯跟餃子很夾
continue reading
之前已經食過炮台山餃里嘅出品， 無論煎餃同湯餃都有驚喜🤩，知道筲箕灣開咗分店， 趁今日放假得閒，就同朋友揸車過去試吓。今次我叫一份雙拼煎餃， 兩位朋友就叫咗兩份湯餃share一齊食。一打開份煎餃，見到煎到底部金黃色😍，即刻忍唔住一啖咬落去，香脆爆汁，味道跟炮台山的一樣高汁！👏🏻👏🏻朋友的兩款湯餃是分湯的，我就先試試個蕃茄湯底，鮮甜冇味精，堅係媽媽的味道，正！👍🏻👍🏻👍🏻再試埋另款椰子雞湯底，好濃好香椰子雞味，同樣咁正，入面仲有雞腳！好味！😋其實每個人食嘢口味都唔同，好唔好食見人見智， 但見到店員好專心咁包餃同煎餃，嗰份用心同投入，我就已經比好高分，加油！💪🏻
continue reading