Video
2-min walk from Exit A2, Sheung Wan MTR Station
continue reading
Telephone
62809394
Opening Hours
Today
11:30 - 16:00
Mon - Sun
11:30 - 16:00
Above information is for reference only. Please check details with the restaurant.
Recommended Dishes
Book左球場，同朋友到上環市政大樓打羽毛球🏸伸展筋骨😄，一打就打2個鐘😆。朋友有事未能一齊食lunch, 唯有自己一丁友做孤獨的美食家啦。朋友之前在中上環果邊返工，都有去過唔同餐廳食肆。她介紹我去’煮意’，話細細間，食物質素ok, 咁我就過來試下。小餐廳真的很細，坐到大概9個人，高櫈。接受現金only。只見一男一女負責樓面和廚房，家庭式經營。我就試吓朋友推介既紅酒牛肉跟飯，配餐湯再加多$5要埋餐飲。是日係雜菜湯，並不是坊間茶記好濃既羅宋湯味道，反而係味道較為淡口啲，相信係自家煮既湯，好屋企既味道，還ok的。紅酒牛肉配飯 - 味道幾好，有紅酒加上淡淡牛油味烹調下，牛肉都幾腍和入味，幾開胃，令人一啖一啖咁食落去，內裡有幾舊紅蘿蔔，我係清碟架😆😆至於餐飲，我叫左熱奶茶。可能我仲食緊飯，而且每人對奶茶口味不一，店員就沖好壺茶，比罐淡奶，由我發揮🙄😆我係滿意小店既味道架。響我食緊嘢期間，正值lunch break 開始，都見唔少人過來買外賣，有啲係熟客仔。相信佢既味道係令人再encore的⋯聽到啲食客係order 紅酒牛肉飯，三文魚天使麵，鴨胸闊條麵⋯我諗比較受歡迎的。他日我再過來，我諗會試下蒜香蜆肉意粉既🤔🤔😉😉
continue reading
無意中發現依間睇落綠意盎然，專賣意粉嘅餐廳☺️香草烤雞扁意粉除咗意粉，跟餐仲會有一碗羅宋湯，酸酸甜甜~而整家店嘅裝潢同埋餐點都有少少家嘅感覺，係附近上班族其中一個唔洗多諗嘅午餐選擇！
continue reading
星期五中午同朋友上環搵食，1230左右入座，未夠1點鐘就想收碟，碟上意粉明顯未食完，我表示未收得住。再隔5分鐘又行過來話環收碟，話快要繁忙時會好多人。當時有其他客人亦有明顯已食完但沒有被要求收碟，有感係唔想我掛住傾偈唔食野，1點離座無人排隊，座位亦唔滿。我覺得如果餐廳淨係希望客人單人食飯，唔可以傾偈，食30分鐘快餐模式，入座前應該明言。如果係咁絕對唔會光顧。總結：$72 食好似屋企自己煮既意粉質素（水汪汪既汁）同埋只限30分鐘時間, 完全不推薦。
continue reading
一間有屋企味🏠嘅餐廳餐廳店面雖細但食物質素一啲都唔差叫咗青咖哩雞飯雖然覺得青咖哩味唔重而且調味唔辣🌶🌶但相比其他外賣有做到蔬菜🥬🧅肉類🍖嘅均衡而且應該唔係落味精🧂煮個汁另外早打電話落單有優惠🈹好似11:30前埋單$5xLunch time去到唔洗等就拎得🥰
continue reading
之前經過上環蘇杭街見到有間細細哋嘅餐廳，望落幾靚不過嗰日已經食咗嘢，第二個禮拜特登走返去上環試吓。餐廳位於蘇杭街其中一個轉角位，喺樓梯位側邊。餐廳都算細間，我諗最多可以坐到5到6人，我入去嗰時成間餐廳只係得老闆老闆娘同埋另一位食客，加埋我總共得四人。餐牌上一共有九款菜式，我第一眼就比佢個蒜香大蜆意大利粉吸引到。跟餐可以要湯或者餐飲，亦可以加五蚊兩款要晒，不過我就唔係特別肚餓，所以淨係要咗杯凍檸茶就算。到我碟意粉到嗰時，另一位食客巳經走咗，餐廳入面嘅聲音得返老闆、老闆娘同埋佢哋睇緊嘅飲食節目，感覺幾舒服。意粉嘅蜆又真係幾大隻，個名冇改錯，而且都好多隻，有成七至八隻蜆。總括感覺幾舒服，食物嘅味道亦有水準，下次可以帶埋朋友一齊試。
continue reading